THUVARHAI 17
17
1Inhal puma ruoiṭhe rawpna insûng nêk chun,
Lungdamtaka bu bâr khat fâkna a ṭha lem.
2Siehlaw vartaka thaw hlaktu chun naupa, inzakna intlun hlaktu, chunga chun rorêl a tih.
Unauhai laiah rochan nei bawk a tih.
3 #
Jer 17.10 Rawtuina bêl chu tangkaruo ta ding a na, pûm mei chu rângkachak ta ding a nih,
LALPA ruok chun lungril a fie hlak.
4Thil suol thawtu chun hmûr khawhlohai chu a ngaisak a,
Chun mi khêlinhlip chun lei pawitâwk tieng chun na a sit.
5 #
Jak 3.8 Tukhawm mi pasie nuisan chun a siemtu a hmusit a nih.
Vângduoina diriemtu chu hrem lo ni naw nih.
6Nauhai nauhai chu mi upahai lallukhum an na,
Chun, nauhai ropuina chu an pahai chu an nih.
7Thuhril ṭhatak le invêt ân mawi ngai nawh a,
Hmûr khêlinhlip chu lal nau leh ân mawi naw nâwk zuol.
8 #
Ttu 2.14 Thamna hi a neitu ta ding chun mithaia lung hlutak ang a na,
Ân her vêlna taphawta chun a hlawtling hlak.
9Bawsietna inkhumtu chun hmangaina a zawng a,
Thil hril hriltu ruok chun ṭhien bul a ṭhe.
10Kâwkna hi hrietna nei mia chun a lût thûk lem,
Invêt vawi za khat vuok nêk hmanin.
11Mi rilo chun hêlna chau a zawng a,
Chuleiin, ama kuoma chun mitir nunsetak tir nîng a tih.
12Invêt ân vêt laia intuokpui nêk chun,
Savawmpui a tehai inrûkpêka um intuokpui nuom a um lem.
13Tukhawm thil ṭha aia thil ṭha naw pe lem chu,
Thil ṭha naw a ina inthawkin fe hmang ngai naw nih.
14Insuolna hung inṭan dân hi miin tui a hersuok ang chau a nih,
Chuleiin, inhalna chu insuolna a um hmain mâksan rawh.
15Mi khawhlo chu thiem inchangtir a, mi fel chu thiemnaw inchangtir chu,
Chu ve vehai chu angkhata LALPA ta dinga tirdakum a nih.
16Hrietthiemna a nei naw chun,
Varna inchâwkna man ding invêt kuta chun ieng dingin am um a ta?
17Ṭhien chun ieng lai khawmin a hmangai a,
Unau chu lunginzîng ni dinga pieng a nih.
18Mi hrietthiemna nei lo chun a kuthai a ben a,
A tuolbâwm hmaihmaa chun mawphurtu a hung ni hlak.
19Bawsietna ngainatu chun inhalna khawm a ngaina a,
A dâi kawtkhâr dawm sângtu chun sietna a zawng a nih.
20Lungril chapo neitu chun thil ṭha a hmu ngai nawh a,
Lei khêlinhlip neitu chu pawitâwknaah a tlu lût hlak.
21Nau invêt neitu chun a lungngaina chau dinga nei a na,
Chun, invêt pa chun hlimna a nei bawk nawh.
22Lungril hlim chu damdawi ṭha a na,
Lungril serawp ruok chun ruhai a sukṭâwl.
23Mi khawhlo chun ângsûnga inthawkin thilthlâwnpêk chu a lâk a,
Rorêlna lampuihai chu a sukkâwi hlak.
24Varna chu hrietthiemna neitu hmaihmaa chun a um a,
Invêt mithai ruok chu leihnuoi tâwpa chun an um.
25Naupa invêt chu a pa ta dinga lunginrimna a na,
A neitu nu ta ding chun rimsikna a nih.
26Mi fel inchawitir chu a ṭha nawh a,
Mi ṭha an tluongna leia vuok khawm chu a ṭha chuong nawh.
27 #
Jak 1.19 A thuhai hla tâwk nei mi chun hrietthiemna a nei a,
Lungril dei nei mi chu hrietthiemna nei mi a nih.
28 #
Job 13.5 Invêt khawm, a to ṭawk lai chun mi vara ngai a na,
A hmûrhai ân chip tlat lai chun mi var anga ngai a nih.
Currently Selected:
THUVARHAI 17: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
