THUVARHAI 15
15
1Dawnna innêm chun lungin- senna a hnawt hmang a,
Ṭawng theidaum ruok chun lunginsenna a chawktho.
2Mi var lei chun hrietna indik a hril suok hlak a,
Mi invêt bau ruok chun invêtna a bun suok hlak.
3LALPA mithai chu hmun tinah a um a,
Thil ṭha le thil ṭha naw chu a hmu zing hlak.
4Lei hrisêl chu hringna thing a na,
Chutaka khêlthu ruok chu lungril kawidarna a nih.
5Mi invêt chun a pa inchûktirna chu a hmusit a,
Kâwkna ngaisaktu ruok chun varna a chang hlak.
6Mi fel ina chun ro tamtak a um a,
Mi khawhlo hlâwknaa ruok chun buoina a um.
7Mi var hmûrhai chun hrietna a the dar a,
Invêt lungril ruok chun chuong angin a thaw ve nawh.
8 #
Is 1.11; Jer 6.20; Am 5.22 Mi khawhlo inthawina chu LALPA ta dingin tirdakum a na,
Mi tluong ṭawngṭâina ruok chu a lâwm zâwng a nih.
9Mi khawhlo lampui chu LALPA ta dingin tirdakum a na,
Felna hnawttu ruok chu a hmangai hlak.
10Lampui mâksantu ta ding chun sukdikna lungngaiumtak a um hlak,
Kâwkna theidatu chu thi ngei a tih.
11Seol le Abaddon hman LALPA hmaa chun an um a,
Mihriem nauhai lungrilhai chu a va um nasa âwm deh e!
12 #
Am 5.10; 2 Tim 4.1 Hmusittu chun kâwka um chu a ngaina nawh a,
Mi var kuoma khawm fe ngai bawk naw nih.
13 #
Heb 4.13 Lungril hlim chun hmêl hlimtak a siem a,
Lungril lungngai ruok chun lungvar a suksiet hlak.
14Mi hrietthiemna neitu lungril chun hrietna a zawng hlak a,
Invêthai bau ruok chu invêtnain ân châwm.
15Sukrinuma umhai nihai po po chu ni rilo an na,
Lungril lâwmtak mi ruok chun ruoiṭhe zing zingna a nei.
16Hausakna nasatak, buoipuiumtak nêkin,
LALPA ṭina le tlâwmte nei a ṭha lem.
17Bâwngchal châwm thau buthlêng chutaka intheidana umna nêkin.
Thlaihna buthlêng chutaka hmangaina umna chu a ṭha lem.
18Mi nunsie chun inhalna a chawktho a,
Mi lunginsen intak ruok chun inhalna a sukre.
19Mi thabo lampui chu hling daihai ang a na,
Mi tluong lampui ruok chu lamtluongpui a nih.
20Naupa var chun pa lâwm a siem a,
Mi invêt ruok chun a nu chu a hmusit.
21Mi lungril bo ta ding chun invêtna hi hlimum a na,
Mi hrietthiemna nei mi ruok chun a fena chu a suktlûn hlak.
22Inrâwnna um nawnaa chu thiltumhai chu a hlawsam hlak a,
Amiruokchu, thurâwntuhai inkhâwm laia chun tungding an nih.
23Dawnna indik chun mi a suklâwm a,
A huntaka thu a ni tak hril chu a va ṭha de!
24 #
Phil 3.20; Kol 3.1,2 Mi var lampui chu hringnaah a tungin a kai,
Hnuoi tienga Seol chu a mâksan theina dingin.
25Mi chapo sûngkuo chu LALPA chun kar thlûng a ta,
Hmeithai ramri ruok chu tungdingpêk a tih.
26Remruotna rilohai hi LALPA ta dingin tirdakum a na,
Thu lâwmumhai ruok chu ân thieng.#Thu inthienghai ruok chu a ta dingin lâwm a um
27Hlêpnaa duâm mi chun a insûng a chawkbuoi a,
Thamna theidatu ruok chu hring a tih.
28 #
1 Pet 3.15 Mi fel lungril chun dawn dân ding ân chûk hlak a,
Mi khawhlo bau ruok chun thil ṭhalohai a sâksuok hlak.
29Mi khawhloa inthawkin LALPA chu a hla a,
Mi fel ṭawngṭâina ruok chu a hriet hlak.
30Mithai varna chun lungril a suklâwm a,
Chanchin ṭhahai chun ruhai a suktlawr.#Sukthâu
31Hringna sukdikna ngaithlâkna neitu chu,
Mi var lai chun chêng a tih.
32Inchûktirna sêlkaltu chun ama lungril ngei kha a hmusit a nih;
Amiruokchu, kâwkna ngaitu chun hrietthiemna a nei hlak.
33LALPA ṭîna chu varna inchûktirna a nih;
Chun, inzakaina hmaa chun inngaitlâwmna a fezie.
Currently Selected:
THUVARHAI 15: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
