THUVARHAI 14
14
1Nuhmei var taphawt chun a in chu a bâwl a,
Nuhmei invêt ruok chun a kuthaiin a ṭhiek hlak.
2Mi, felnaa fe chun LALPA chu a ṭih a,
A lampuihaia khêlinhlip ruok chun ama a hmusit hlak.
3Mi invêt baua chun chapona hmawl a um a,
Mi var hmûrhai ruok chun hla lem a tih.
4Bâwngchalhai um nawnaa chun ran in chu a fai a,#Hebraiah a fie fak nawh
Amiruokchu, hlâwkna nasatak chu bâwngchal hrâtna lei a nih.
5Thuhretu ringum chu inkhêl naw nih a,
Thuhretu indik naw ruok chun khêl hril a tih.
6Hmusittu chun varna a zawng hlak a, a hmu ngai nawh,
Hrietthiemna neitu ta ding ruok chun thiemna chu a awlsam hlak.
7Mi invêt hmaihmaa inthawk chun fe hmang rawh,
Amaa inthawk chun thiemna hmûrhai hmu chuong naw ti nih.
8Mi var varna chu a lampui hrietthiem chu a na,
Mi invêt invêtna ruok chu khêlthu chu a nih.
9Mi suol chun suolna chu an nuisan a,
Mi tluonghai laia ruok chun Pathien ditsakna chu a um.
10Lungril chun ama khâkna tak chu a hriet a,
Hmêlmak mi chun an hlimna chu a sukbuoi ngai nawh.
11Mi khawhlo in chu nam thlûk nîng a ta,
Mi tluong puon in ruok chu um rân a tih.
12 #
Tv 16.25; Rom 6.21 Mihriem kuoma indik âwmtak- a inlang lampui chu a um a,
Chu tâwpna ruok chu thina lampuihai a nih.
13 #
Ttu 2.2 Innuinaa ngei khawm lungril chu a lungngai a,
Chu hlimna tâwpna chu chungrikna a nih.
14Lungrila hnungtawltu chu ama lampuihai ngeia suksip nîng a ta,
Chun, mi ṭha chu amaa inthawk ngei chun suktlai nîng a tih.
15Mi mâwl chun thu tinrêng el hi a ring a,
Mi var ruok chun a fena chu a en ngun hlak.
16Mi var chun suol chu a ṭih a, a fe hmangsan hlak a,
Mi invêt ruok chun chaponain a hmang a, ama ân ring tlat hlak.
17Lunginsen awltak chun invêttakin thaw rawp a ta,
Chun, mi remruotna khawhlo neitu chu theida ni bawk a tih.
18Mi mâwl chun invêtna ro chu a hluo a,
Mi varhai ruok chu thiemna inkhumtirin an um.
19Mi suol chu mi ṭha hmaa chun a kûn a,
Mi khawhlo chu mi fel daikawtkhârhaia chun a kûn bawk a.
20Mi pasie chu a tuolbâwmhai ngei khawma theida a ni hlak a,
Mi hausa ruok chun ruolhai tamtak a nei.
21A tuolbâwm hmusittu chun a suksuol a na,
Mi pasie chunga lunginsietna nei ruok chu a hlim a nih.
22Thil ṭha naw rawt suoktuhai chun an suksuol a ni naw am a nih?
Thil ṭha rawt suoktuhai kuoma ruok chun thutak le lunginsietna um a tih.
23Sininrimna po poa hin hlâwkna a um a,
Hmûrhaia a hrila hril ngawt el hi chu tlâksamnaah ân nghat.
24An hausaknahai chu mi var ta ding chun an lallukhum a na,
Invêthai invêtna ruok chu invêtna ringawt el a nih.
25Thuhretu indik chun mihai a sansuok hlak a,
Thukhêl sâksuoktu ruok chun inhlêmna ân umtir.
26LALPA ṭinaa hin ringna nghettak a um a,
A thlahai chun inhumhimna hmun nei an tih.
27LALPA ṭina chu hringna tuikhur a na,
Thina chânghaia inthawka pêt hmangna leh.
28Mipuihai pungkhâwmnaa chun lal ropuina chu a um a,
Mipui tlâksamnaa ruok chun lal nau sietna chu a um thung.
29 #
Jak 1.19 Mi lunginsen intaktak chu hrietthiemna nasatak nei a nih,
Lungril ṭuonrang ruok chun invêtna chu a chawimawi a nih.
30Lungril hrisêl chu taksa hringna a na,
Itthîkna ruok hi chu ruhai ta dinga hmawnna a nih.
31 #
Mt 25.40 Mi pasie nêksâwrtu chun ama Siemtu a hmusit a nih,
Tlasam chunga lunginsietna nei ruok chun ama ân za a nih.
32 #
2 Kor 1.9; 2 Tim 4.16 Mi khawhlo chu a thilthaw ri- loa chun sukthlûkin a um a,
Mi fel ruok chun a thinaa chun beiseina a nei hlak.
33Varna chu mi hrietthiemna neitu lungrila chun a chêng a,
Invêthai lungrila um ruok chu ân hrietsa zing a nih.
34Felna hin hnam a chawimawi a,
Suolna ruok hi chu mi tukhawm ta dinga hmusitumna a nih.
35Siehlaw vartaka thawtu chunga chun lal ditsakna chu a um a,
Ama sukzaktu chunga ruok chun a lunginsenna um a tih.
Currently Selected:
THUVARHAI 14: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
