NAMBAR 24
24
1Chuongchun, Israelhai mal sâwmpêk chu LALPA dit zâwng a nih ti Balaam chun a hrietin ni danga a thaw ang khan dawi invêt tieng thaw dinga fe loin thlalêr tieng a pan ta lem a.
2Chun, Balaam chu vântieng a tang a, Israel mihai chu a hnam hnama um chu a hmuh a, chun, Pathien thlarau a chungah a hung tlung a.
3Chun, thu chu a hril tah a,
“Beor naupa Balaam,
Mit vara,
4Pathien thu hai hrea,
Iengkimthawthei inlârna hmuh a,
Tlu bawkhupa mit hung var ta chun:
5Aw Jakobrawi chu in puon inhai a va ṭha de;
Aw Israelhai, in Biekbûk chu:
6 #
Sm 1.3; 104.16; Jer 17.8 Ruom angin în phar dûr el a,
Vadung panga huon angin,
LALPA phun aloes ang,
Vadung panga sidar thinghai ang an nih.
7A bâlṭina inthawkin tui luong suok a ta,
A chi chu tui tamtakahai chun um a ta,
A lal chu Agag nêkin ropui lem a ta,
A ram chu chawimawiin um a tih.
8Aiguptaa inthawkin Pathien chun a ṭhuoi suok a,
Ram siel tha ang el an put a,
An hmêlma hnam danghai chu fa zo an ta,
An ruhai chu suknâwi vawng an ta,
An thalin kâp thleng an tih.
9 #
Gen 49.9 An kûn a, sakeibaknei angin an bawk a.
Sakeibakneihai ang elin, tuin am chawktho a ta?
Malsâwmtu taphawt cheu chu malsâwmin um sienla,
Ṭawngsie inphurtu taphawt cheu chu ṭawngsephurin um raw hai se,” tiin.
Balaam hrillâwkna
10Chuongchun, Balaam chunga chun Balak lung chu a hung chawk tah a, a kuthai a ben a. Balak chun Balaam kuomah, “Ka hmêlmahai ṭawngsie inphur dingin ka ko che a, hi, vawi thum rau mal i sâwm tah a.
11Chuleiin, i umna tieng fe hmang dai rawh; ropuitaka chawisâng che ka lungril a na, nisienlakhawm, ngai ta, LALPAIN chawisâng che a hluo tah a ni hi,” a tih a.
12Chun, Balaam chun Balak kuomah, “I mitirhai kuoma khawm ka hril hrim naw am a nih?
13‘Balak hin a in chu tangka le rângkachaka sipin mi pe ding ni sien khawm, a ṭha tieng amanih, a se tieng amanih, keia lungril puoksuok chun LALPA thu bâk chu iengkhawm ka thaw thei nawh; LALPAIN a hril ta phawt chu hril ka tih,’ tiin.
14Ngai ta! tuhin ka mihai kuomah ka fe ding a nih; hung la, hieng mi hai hin hi hnunga i mihai chunga an thaw dân ding hril ka ti cheu,” a ta.
15Chun, ama chun thu chu a hril tah a,
“Beor naupa Balaam,
Mit vara,
16Pathien thuhai hreh a,
Achunghnungtak hrietna hreh a,
Iengkimthawthei inlârna hmuh a,
Tlu bawkkhupa mit hung var ta chun:
17‘Ama chu ka hmuh a, tuta a um ang ni lo hi,
Ka thlîr a, hnaitea mi ang ni loin;
Jakoba inthawk chun arasi hung suok a ta,
Israela inthawk chun lalhmawl hung suok a ta,
Moab ram tluonin sun thleng a ta,
Buoina nauhai po po suktlâwm a tih.
18A hmêlma hlak Edom le,
Seir dâm chu chang a tih;
Israelhai chan a ṭhat sûng po chu.
19Jakoba inthawkin tu amanih inlal a ta,
Khuoa a la um sunhai chu sukbohmang a tih,’ a tih,” a ta.
20Chun, Amalek tieng chu a nghah a, thu a hril a,
“Amalek chu hnam bultak a ni nâk a chu,
A tâwpna chu bohmangna a nih,” a ta.
21Chun, Ken tieng a nghah a, thu a hril a,
“In umna hmun chu a det a,
I bu chu lungpuia sep a na.
22Nisienlakhawm, Ken chu sukrêm la nîng a tih,
Assurhaiin sala an ṭhuoihmang pha cheu,” a ta.
23Chun, thu chu a hril nâwk a,
“Pathienin hienga a thaw chun tu am hring thei a ta?
24Kittim rama inthawkin lawnghai hung tlung a ta,
Assur le Eber sukrinum a ta.
Anni khawm chu bohmang vawng an tih,” a ta.
25Chuongchun, Balaam chu a tho a, a khuo tieng a fe tah a; Balak khawm chu a fe ve tah a.
Currently Selected:
NAMBAR 24: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
