NAMBAR 25
25
Israelin Baal-peor pathiena a biek
1Chuongchun, Israelhai chu Sittima an um lai chun, Moab naunuhmeihai an pâwl tah a;
2an pathienhai kuoma an in- thâwinahaia chun an fiel tâwl a; Chuongchun, an fâk a, an pathienhai chu chibai an bûk ve tah a.
3Israelhai chun Baal-peor an pawm ve tah a, chuongchun, Israel- hai chunga chun LALPA lung chu a chawk tah a.
4Chuongchun, Mosie kuomah, “Mipuihai ṭhuoituhai po po chu ṭhuoi la, LALPA lunginsenna ṭiumtak el chu Israelhai chunga inthawka ân kieng theina dingin sûn varah LALPA hmaah khaihlum rawh,” a ta.
5Chun, Mosie chun Israel rorêl- tuhai kuoma chun, “Baal-peor pawm- tuhai po po chu sukhlum vawng ro,” a ta.
6Chun, ngai ta, Israel laia mi pakhatin intuokna puon in kawt- khâra a ṭap lai takin Mosie mithmua le Israel mi pungkhâwmhai mit- hmuah Midian nuhmei pakhat a unauhai kuomah a hung ṭhuoi a.
7Chun, thiempu Aron naupa Eleazar naupa Phinehas chun a lo hmuh a, pungkhâwmhai laia chun a tho a, fei a lâk a;
8Chun, Israel mi chu puon in sûnga chun a hnawt lût a. Israel mi leh an pahni chun a sun thleng a, nuhmei chu a phîngah.
9Chuongchun, Israel thlahai chunga hremna chu a re tah a. Chu hremnaa thihai chu sîng hni le sâng li an nih.
10LALPA chun Mosie a biek a,
11“Thiempu Aron nau Eleazar naupa Phinehas hin ka thîkna anga anni laia a thîkna chun ka lunginsen chu Israel thlahai laia inthawk chun a sukkieng a; chuongchun, ka thîkna chun Israel thlahai chu sukbohmang naw ning.
12Chuleiin, ka remna thuthlung chu a chungah thlung ka ta,
13ama le a hnunga a thlahai ta dingin kumkhaw thiempu nina thu- thlung nîng a tih; a Pathien ta dingin a thîk a, Israel thlahai ta dinga inremna a siem leiin, ti rawh,” tiin.
14Israel mi an that, Midian nuhmei le an ithat hming chu Zimri, Simeon mihai laia an pahnam ṭhuoitu Salu naupa a nih.
15Chun, Midian nuhmei an ithat hming chu Kozbi, Zura naunu a nih; ama chu Midian mihai pahnam laia an hotu a nih.
16LALPA chun Mosie a biek a, “Midian mihai chu suklungzîng unla, sukbohmang ro.
17Anni khawma Peor chungchâng thua le Peor chungchâng thu a hrem nia an farnu, Midian mihai milien naunu an that,
18Kozbi chungchâng thua var vervêka an hlêm chêu ang khan an la hlêm ta rawp si chêu leiin,” tiin.
Currently Selected:
NAMBAR 25: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
