NAMBAR 23
23
1Chun, Balaam chun Balak kuoma chun, “Hitaka hin mâi- châm pasari mi siempêk la, bâwng- chal pasari le berâmchal pasari mi buotsaipêk raw khai,” a ta.
2Balak chun Balaam hril ang chun a thawh a; chun, Balak le Balaam chun mâichâm tina chun bâwngchal pakhat le berâmchal pakhat an inhlân a.
3Balaam chun Balak kuomah, “I pumrawhmang thilinhlân bula hin lo ngîr zing la, kei chu hang fe tum ka ta, LALPA chu mi be dingin a hung el khawm a ni thei a; chun, a mi hril taphawt chu hril ka ti che,” a ta. Chuongchun, tlâng kawl vel vula hin a hang fe tah a.
Balaamin Israel mal a sâwm
4Pathien chun Balaam chu a lo intuokpui a; Balaam chun a kuomah, “Mâichâm pasari chu ka siem tah a; mâichâm tina chun bâwngchal pakhat le berâmchal pakhat kân hlân seng a,” a ta.
5LALPAIN Balaam baua chun thu a sieh a, “Balak kuoma chun kîr nâwk ta la, va hril sâwng rawh,” a ta.
6Chuongchun, a kuoma chun a kîr nâwk tah a; chun, ngai ta, Balak chu a pumrawhmang thilinhlân bula chun Moab mi lienhai po po leh a lo ngîr zing a.
7Chun thu chu a hril tah a,
“Aram rama inthawkin Balak chun a mi ṭhuoi a,
Saktieng tlânga Moab lal chun;
‘La hung la, Jakob rawihai ṭawngsie mîn phurpêk rawh,
Hung la Israelhai hi mi hung vaukhâwngpêk ta!’
8Iengtin am Pathien ṭawngsie inphur naw chu inphur thei ka ta?
9Iengtin am Pathien vaukhâwng lo chu vaukhâwng ka ta?
Lungpui chunga inthawk dâmin anni chu ka hmu sih a,
Tlânga inthawk dâmin anni chu ka hmuh a;
Ngai ta, hnam a tuma um det sa a nih,
Hnam danghai le angkhata inngai ngai lo.
10Jakobrawi pilvut chu tuin am tiem thei a ta?
Israelhai hmun lia ṭhea hmun khat chu tuin am tiem thei a ta?
Mi fel thi angin thi ve thei lang,
Ka tâwpna chu a tâwpna ang ni sien,” a ta.
11Chun, Balak chun Balaam kuomah, “I mi thaw dân hi iengtizie am a na? Ka hmêlmahai ṭawngsie inphur dingin ka ṭhuoi che a, mal i sâwm lem ta hlau el hi!” a ta.
12Ama chun a dawn a, “LALPAIN ka bâua a sie chu ka hril ngei ding a ni naw am a nih?” a tih a.
13Chun, Balak chun a kuomah, “Hmun dangah fe nâwk ei tih khai; chutaka inthawk chu hmu thei tâwl i ta; a hmatâwng pâwl tak hai chu hmûng i ta, an rêng ruok chun hmu vawng kher naw ti nih a; chutaka inthawk chun ṭawngsie mîn phurpêk rawh,” a ta.
14Chuongchun, Zophimhai umna Pisga sîpa chun a hang ṭhuoi a, mâi- châm pasari a siem a, mâichâm tina chun bâwngchal pakhat le berâmchal pakhat ân hlân a.
15Chun, Balak kuoma chun, “Saw laia LALPA ka va biek kâr i pum- rawhmang thilinhlân bula hin lo ngîr zing rawh,” a ta.
16Chun, LALPAIN Balaam chu a lo intuokpui a, a bâua chun thu a sie a, Balak kuoma chun kîr nâwk ta la, a kuomah va hril sâwng rawh, a ta.
17Chun, a kuoma chun a va feh a, ngai ta, a pumrawhmang thilinhlân bula chun a lo ngir zing a, Moab milienhai khawm a kuomah chun an um veh a. Balak chun a kuomah, “LALPAIN ieng am a lo hril a?” a ta.
18 #
Rt 3.20 Chuongchun, Balaam chun thu chu a hril tah a,
“Tho la, Balak, ngai ta;
Zippor naupa, ka thu ngai rawh:
19 #
1 Sam 15.29; Mal 3.16; Jak 1.17 Pathien chu khêl inhlip mihriem el a ni nawh,
Inkîr hmang mihriem naupa a ni bawk nawh a,
A hril ta chu a thaw naw ding am a nih?
A lo hril ta chu a sukpuitling naw ding am a nih?
20Ngai ta, mal sâwm dingin thu ka hmuh a,
Mal a sâwm tah a, ka sukdanglam thei nawh.
21 #
Rom 4.18
Jakobrawi rîtlona hrim a hmu nawh a,
Israel mihai lai chun kâwmâwna a hmu bawk nawh.
LALPA an Pathien chu an kuomah a um a,
Anni lai chun Lal chawimawina ri chu a um a.
22Aigupta rama inthawkin Pathien chun a ṭhuoi suok tâwl a.
Ramsiel tha ang el an put a.
23Jakobrawi chungah dawi invêtna a um nawh a.
Israelhai chungah dawi invêtna a um bawk nawh.
Jakobrawi le Israelhai chunga Pathien thilthaw chu suklang pei a nih.
24 #
Gen 49.9,27 Ngai ta, mipuihai chu sakeibakneipui angin an tho a,
Sakeibaknei angin an inchâwm tho a:
An sase an fâk hma chun zâl naw ni hai a.
An sase thisen chu an dâwn hma chun,” a ta.
25Chun, Balak chun Balaam kuomah, “Ṭawngsie inphur naw la, mal khawm sâwm naw rawh,” a ta.
26Nisienlakhawm, Balaam chun a dawn a, Balak kuomah, “LALPAIN a hril po po chu ka thaw ngei ding a nih, tiin ka hril che a ni naw am a nih?” a ta.
27Chun, Balak chun Balaam kuomah, “Hung ta, hmun dangah ṭhuoi phawt ka ti che. Chutaka inthawk chun ṭawngsie i mîn phûr- pêk Pathien chun a phal khiet rawi mawh,” a ta.
28Chuongchun, Balak chun Balaam chu thlalêr zuk suk en Peor sipah a ṭhuoi a.
29Chun, Balaam chun Balak kuomah, “Hitaka hin mâichâm pasari mi siempêk la, bâwngchal pasari le berâmchal pasari mi buotsaipêk rawh,” a ta.
30Chun, Balak chun Balaam hril ang chun a thawh a, mâichâm tina chun bâwngchal pakhat le berâmchal pakhat ân hlân a.
Currently Selected:
NAMBAR 23: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
