LEVI DÂN 21
21
Thiempuhai inthiengna
1 #
Ezek 44.25 LALPA chun Mosie kuomah, “Aron naupasal thiempuhai chu hril la an kuomah, ‘Mi tukhawm mithi leiin an chipuihai lai an insukpawrche ding a ni nawh.
2A sûng bul, a nu, a pa, a naupa- sal, a naunu, a unaupa dâm le,
3a farnu, pasal la neilo nunghâk inthieng lai thinaa ruok chun insuk- pawrche thei a tih.
4A chipuihai laia lusa a ni leiin ân sukpawrche ding a ni nawh a, ân sukhmingse ding a ni nawh.
5 #
Lev 19.27; Dt 14.1 An lu an vaw kawl ding a ni nawh a, khâkhmul sîr tuok an tan ding a ni bawk nawh a, an taksa chu an ât pawp ding a ni bawk nawh.
6An Pathien ta dingin mi inthieng an ni ding a na, an Pathien hming an suksiet ding a ni nawh; LALPA kuoma mei hmanga thilinhlânhai le fâk ding dâm an inhlân hlak leiin; chuleiin, an inthieng ding a nih.
7Nawchizawr amanih, hming se tah amanih, a pasal imâk hnung amanih an nei ding a ni nawh; thiempu chu a Pathien ta dingin mi inthieng a ni sih a.
8Ama chu în hlân thieng ding a na, i Pathien ta dinga fâkmi thilinhlân chu ân hlân hlak sih a. I ta dinga mi inthieng a ni ding a nih. Kei LALPA a sukthiengtu cheu hi kân thieng sih a.
9Thiempu naunuhmei tukhawm nawchizawra ân sukpawrche chun, a pa a sukpawrche a na, ama chu raw ding a nih.
10“A unauhai laia thiempu inlal tak, a lu hriek nâlmia nâl tah, silfên bel dinga suktuma um ta chun, a sam chu a thlâiin a put ding a ni nawh a, a puonhai a keithlêr ding a ni nawh a,
11mithi ruong umnaa chun a lût ding a ni nawh a, a pa amanih, a nu amani leiin ân sukpawrche ding a ni nawh;
12hmun inthienga inthawk chun a suok ding a ni bawk nawh a, a Pathien hmun inthieng chu a suk- pawrche ding a ni bawk nawh; a Pathien hriek nâlmia suktumin a um ta sih a: Kei hi LALPA chu ka nih.
13Nuhmei ding chun nunghâk hnakhat a nei ding a nih.
14Hmeithai amanih, mâk hnung amanih, nuhmei hming setah ama- nih, nawchizawr amani chu a nei ding a ni nawh a, ama chipui ngei nu- nghâk inthieng nuhmeiah a nei ding a nih;
15chuongchun, a chipui lai a thlahai chu a sukpawrche naw ding a nih; kei hi LALPA ama sukthiengtu chu ka ni sih a,’ ti rawh,” tiin.
16LALPA chun Mosie a biek a,
17“Aron kuomah hril la, ‘I thlahai laia an suonlepârhai lai chena demkai taphawt chun, a Pathien fâk ding thilinhlân inhlân dingin hung hnai naw raw se.
18Tukhawm demkâi taphawt chun an hung hnai ding a ni dêr nawh; mitdel, kebai, hmai hmêlhem, kut ke sei taluo dâm,
19kea hliemna nei, kut hliem dâm,
20zângkûn, mi tawnginsam, mit- hmu fie naw, pang inthak nei, pang inhlip, tilmu kawi dâm;
21thiempu Aron thlahai laia mi tukhawm demkaina nei chu, LALPA ta dinga mei hmanga thilinhlân inhlân dingin a hung hnai ding a ni nawh; demkaina nei a na, a Pathien fâk ding thilinhlân chu inhlân dingin a hung hnai ding a ni nawh.
22A Pathien fâkmi thilinhlâna mi, ân thieng tak le thil inthienghaia mi chu fa thei a ta;
23amiruokchu, demkaina nei a ni leiin, puonzâr bula manih, mâichâm hnaia mani chu hung thei naw ni, ka hmun inthienghai sukpawrche rawi a tih; kei LALPA anni sukthiengtu chu ka ni sih a,’ ti rawh,” tiin.
24Chuongchun, Mosie chun Aron le a naupasalhai le Israel thlahai po po kuoma chun a hril tah a.
Currently Selected:
LEVI DÂN 21: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
