LEVI DÂN 20
20
Dân bawsietna le hremna
1LALPA chun Mosie a biek a, 2#Lev 18.21 “Israel thlahai kuoma chun, ‘Tukhawm Israel thlahai laia mi amanih, Israel rama khawsa, ram dang mi amanih, mâni rîla rahai a tukhawm Molek kuoma pe taphawt chu sukhlum ngei ding a na, hi rama mihai hin lungin an dêng ding a nih.
3Kei khawmin ka hmun inthieng sukpawrche ding le, ka hming in- thieng sukpawrche dinga a rîla ra Molek a pêk leiin, chu mi chunga chun ka hmai sukthim ka ta, a chi- puihai laia inthawk chu sukbohmang ka tih.
4Hi rama mihai hin, chuong ang mi mâni rîla ra Molek petu chu an theinghil tehlêm a, an sukhlum naw chun, ama le a sûnghai chunga chun
5ka hmai sukthim ka ta, Molek kuoma uire dinga a mi uiretsantuhai po leh an chipuihai laia inthawk sukbohmang ka tih.
6 #
Lev 19.31 “Khawhri aisânthiem zâwlhai le dâwithiemhai pana uiretu chunga chun ka hmai sukthim ka ta, a chipui- hai laia inthawk chu sukbohmang ka tih.
7 #
Lev 11.44,45; 19.2; 20.26; 1 Pet 1.16 Chuleiin, insukthieng unla in- thiengin um ro; Kei hi LALPA in Pathien chu ka nih.
8Ka thupêkhai chu in pawmin in zâwm ding a nih. Kei hi LALPA a sukthiengtu cheu chu ka nih.
9 #
Ex 21.17; Dt 27.16 A pa amanih, a nu amanih ṭawngsie inphurtu taphawt chu sukhlum ngei ding a nih; a pa ama- nih, a nu amanih ṭawngsie inphur a na, a chungah a thisen maw chu a um ding a nih.
10 #
Ex 20.14; Lev 18.20; Dt 5.18 “Miin a tuolbâwm nuhmei a uiretpui chun, uiretupa le uirenu chu sukhlum ngei ding an nih.
11 #
Lev 18.7,8 Pahai nuhmei zâlpuitu chu mâni pahai saruokna hlîmtu a na, sukhlum ve ve ngei ding an na, an thisen maw chu an chunga um a nih.
12 #
Lev 18.15 Miin a monu a zâlpui chun sukhlum ve ve ngei ding an nih; rîtlona chungchuong thaw an na, an thisen maw chu an chunga um a nih.
13 #
Lev 18.22 Miin nuhmei a zâlpui anga pasal a zâlpui chun, thil tirdakum an thaw ve ve a na, sukhlum ngei ding an nih, an thisen maw chu an chunga um a nih.
14 #
Lev 18.17; Dt 27.23 Miin nufa faa nuhmeia a nei chun rîtlona nasatak a na, anni laia rîtlona a um nawna dingin, ama le anni pahni chu raw hlum ding an nih.
15Miin ran a zâlpui chun sukhlum ngei ding a nih; ran khawm chu in sukhlum ding a nih.
16 #
Lev 18.23 Nuhmeiin ran a va hnai a, ân pâwlpui chun, nuhmei le ran chu in sukhlum ding a nih; sukhlum ngei ding an nih, an thisen maw chu an chunga um a nih.
17 #
Lev 18.19 “Miin a farnu, a pa naunu amanih, a nu naunu amanih a nei a, a saruokna a hmuh a, amanu khawma a saruokna a hmu bawk chun thil inzakumtak a na, an chipuihai thla- hai mithmua sukbohmang ding an nih; a farnu saruokna hlîm a na, a rîtlona maw chu phur a tih.
18 #
Lev 15.24; 18.19 Miin nuhmei a hul naw laia a zâlpui a, a saruokna a hlîm chun a thi suokna chu hlîm a na, nuhmei khawm chun ama thi suokna a hlîm a na; an chipuihai laia inthawka suk- bohmang ve ve ding an nih.
19 #
Lev 18.12,13 I nu zuorpuinu amanih, i pa farnu amanih saruokna chu i hlîm ding a ni nawh. Mâni laibunghai saruoka siemna a na; an rîtlona chu phur an tih.
20 #
Lev 18.14 Miin a pami nuhmei a zâlpui chun, a pami saruokna hlîm a na, suol maw chu phur an ta, nau boin thîng an tih.
21 #
Lev 18.16 Min a unaupa nuhmei a nei chun, thil tirdakum a nih; a unaupa saruokna hlîm a na, nau boin um an tih.
22“Chuleiin, ka thupêkhai po po, ka rorêlhai po po pawmin in zâwm ding a nih; chuongchun, umna dinga ka ṭhuoina cheu ram chun luok dawk naw ni cheu.
23In hmaa ka hnawt suok tah hnamhai dân dâm in hraw ding a ni nawh; hieng thilhai po po hi an thaw hlak leiin ka tirdak tâwl an nih.
24Amiruokchu, nangni kuoma chun, An ram, nênetui le khuoizua luong ram chu hluong in ta, in hluo dingin ka pêk cheu a nih, ka lo ti tah a. Kei hi LALPA in Pathien, hnam danghaia inthawka suktumtu cheu chu ka nih.
25Chuleiin, sa thieng le thieng naw, vate thieng le thieng naw in thlier hran ding a nih; sa amanih, vate amanih, hnuoia bawkinvâk chi hrim hrim amani chu in ta dingin inthieng loa ka ithlier hran tahai chun, in hringnahai in suktirdakum ding a ni nawh.
26 #
Lev 20.7
Ka ta dinga mi inthieng in ni ding a nih; kei LALPA chu kân thieng sih a, ka ta in nina dingin hnam danghaia inthawkin ka suktum ta cheu a nih.
27 #
Lev 19.31; 20.6 “Pasal khawm, nuhmei khawm, khawhri aisânthiem amanih, dâwi- thiem amani chu sukhlum ngei ding a nih; lunga dêng nîng an ta; an thisen maw an chungah um a tih,’ ti rawh,” tiin.
Currently Selected:
LEVI DÂN 20: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
