LEVI DÂN 19
19
Inthiengna le indikna dânhai
1LALPA chun Mosie a biek a, 2#Lev 11.44,45; 20.7,26; 1 Pet 1.16 “Israel thla, mipuihai po po chu hril la, an kuomah, ‘In inthieng ding a nih, kei LALPA in Pathien hi kân thieng sih a.
3 #
Ex 20.12; Dt 5.16; Ex 20.8; 23.12; 34.21; 35.23; Dt 5.12-15 Mi tinin in nu le pa in ṭi ding a na; chun, ka châwlnihai chu in inser ding a nih; Kei hi LALPA in Pathien chu ka nih.
4 #
Ex 20.4; Lev 26.1; Dt 4.15-19; 27.15 Milim tieng chun thle naw unla, milim sung fâwm pathienhai in ta dingin insiem naw ro; Kei hi LALPA in Pathien chu ka nih.
5“LALPA kuoma inremna thilin- hlâna in inthâwi pha chun, pawm tlâk ni dingin in inhlân ding a nih.
6In inhlân ni tak amanih, a zîng tûka mania fâk ding a na; ni thum chena um a la um chun raw ding a nih.
7Ni thum nia fâk a ni chun thil tirdakum a na, pawm ni naw nih,
8chun, a fatu taphawt chun LALPA thil inthieng chu a suk- pawrche leiin a rîtlona maw chu phur a ta, ama chu a chipuihai laia inthawkin tuithlârin um lem a tih.
9 #
Lev 23.22; Dt 24.20,21 “In loa bu dâm in sîk pha in lohnâwm kil rawt chenin in sîk ding a ni nawh a, lâk ṭhelhai chu pâwl tlâk hnungin in lâk khâwm ding a ni bawk nawh.
10In grêp huona lo ṭhelhai in zawng nâwk ding a ni nawh a, in grêp huona a ra ṭilhai in rût khâwm ding a ni bawk nawh; mi rimsihai le ram dang mihai in hlapêk ding a nih; Kei hi LALPA in Pathien chu ka nih.
11 #
Ex 20.15,16; Dt 5.19 “Inru naw unla, mî hlêm naw unla, khêl hril bawk naw ro.
12 #
Ex 20.7; Dt 5.11; Mt 5.33 In Pathien hming hrilse dingin ka hming sâlin khêlin in inkhâm ding a ni nawh; Kei hi LALPA in Pathien chu ka nih.
13 #
Dt 24.15; Jak 5.4 “I tuolbâwmhai i hnawchêp ding a ni nawh a, în rûkpêk ding a ni bawk nawh. Inhlawfa hlaw chu zânkhuoin a zînga chen i hrênpêk ding a ni nawh.
14 #
Dt 27.18 Nasêt chu ṭawngsie în phur ding a ni nawh a, mitdel hmaah inpal thlûkna i sie ding a ni bawk nawh; i Pathien chu i ṭi ding a ni lem; Kei hi LALPA chu ka nih.
15 #
Ex 23.6; Dt 1.17 “Rorêlnaa chun fellotakin in rêl ding a ni nawh, mi rimsi chu i thlier ding a ni nawh a, mi thilthawthei în za chuong ding a ni bawk nawh, feltakin i tuolbâwm ro chu i rêlpêk ding a nih.
16I chipuihai lai mihai hêkin în vâk vêl ruoi ding a ni nawh a, i tuolbâwm thisen thuah a ni naw zâwngin i ṭhang ding a ni bawk nawh; Kei hi LALPA chu ka nih.
17I lungrilin i unau i theida ding a ni nawh, i tuolbâwm chu i kâwk ngei ding a nih, a suolnaa în thiengna dingin.
18 #
Mt 5.43; 19.19; 22.39; Mk 12.31; Lk 10.27; Rom 13.9; Gal 5.14; Jak 2.8 Phuba i lâk ding a ni nawh a, i chipuihai theidâna i pâi ding a ni bawk nawh a, nang le nang în hmangai angin i tuolbâwm chu i hmangai ding a ni lem: Kei hi LALPA chu ka nih.
19 #
Dt 22.9,11 “Ka thupêkhai in pawm ding a nih. I ran chu chi tum tum inthlatir naw rawh; i loah thlaichi chi hni chîng naw la, thil chi hni khâwng pawl puon i sil ding a ni bawk nawh.
20“Tukhawm suoknu, pasal huol- tu nei, lân tlan lo, lân suoktir lo le zâl hmunkhat taphawt chu hrem nîng a ta, sukhlum chu ni êm naw nih a, ama chu insuo lo a la ni leiin.
21Intuokna kawtkhâr bulah LALPA kuoma a bawsiet thâwina dingin, bawsiet thâwina berâmchal a hung kei ding a nih.
22Chun, a thil suksuol taha baw- siet inthâwina dingin thiempu chun berâmchalin LALPA hmaah intlanna siempêk a tih; chuongchun, a thil suksuolnaa chun ngaidam nîng a tih.
23“Ram chu in va hluoh a, fâk dinga theikûng chi tinrêng in phun pha chun, a ra chu in ta dinga thieng- nawah in ngai ding a nih; in ta dingin kum thum sûng chu inthieng nawa ngai ding a na, fâk dêr lo ding a nih.
24Amiruokchu, a kum li kum chun a ra po po chu suktum ding a nih a, LALPA inpâkna thilinhlân ding a nih.
25A kum nga kum ruok chun, in ta dinga a pung pei theina dingin a ra chu in fâk ding a nih: Kei LALPA in Pathien chu ka nih.
26 #
Lev 3.17; 7.26,27; 17.10-16; Dt 12.16,23-25; 18.10 “Ieng sa khawm a thisen pumin in fâk ding a ni nawh. Dawi dâm hmangin aisân dâm in ching ding a ni nawh.
27 #
Lev 21.5; Dt 14.1 I bekbawra inthawkin a vêlin i lu i vaw ding a ni nawh a, i khâkhmul a sîrtuokin i tan ding a ni bawk nawh.
28Mithi leiin in taksa in ât ding a ni nawh a, in inṭiel ding a ni bawk nawh; Kei hi LALPA in Pathien chu ka nih.
29 #
Dt 23.17,18 Nawchizawra siem dingin i nau- nu chu sukpawrche naw rawh; ram chu uiretna ramah hung inchang a ta, rîtlonain hung sip rawi a tih.
30 #
Ex 20.8-11; 23.12; 34.21; 35.2,3; Lev 19.3; 20.2; Dt 5.12-13 Ka châwlnihai chu in inser ding a na, ka hmun inthieng chu in inza ding a nih: Kei hi LALPA in Pathien chu ka nih.
31 #
Lev 20.6,7 “Khawhri aisânthiem zâwlhai chu pan naw unla, dâwithiemhai khawm in pawrche phâna dingin zawng suok naw ro: Kei hi LALPA in Pathien chu ka nih.
32“Lua kêlsam ṭohai hmaa chun i ngîr pei ding a na, tar hmêl chu în za ding a na, i Pathien chu i ṭi ding a nih; Kei hi LALPA chu ka nih. 33#Ex 22.21 “Ram dang mi in rama khawsa ve an um chun in sukse ding a ni nawh.
34Ram dang mi nangni laia khawsahai chu in ta dingin a ram mi ang hrim an ni ding a nih; nangma i înhmangai angin i hmangai ding a nih; nangni khawm Aigupta rama khan ram dang mi in ni kha: Kei hi LALPA in Pathien chu ka nih.
35“Rorêl thua dâm, seizie in- khinaa dâm, bûknaa dâm, tamzie inkhinaa dâm indik nawtakin in thaw ding a ni nawh.
36Khâina indiktak, bûkna indik- tak, epha indiktak, hin indiktak in nei ngei ding a nih: Kei hi LALPA in Pathien, Aigupta rama inthawka ṭhuoi suoktu cheu ka nih.
37Chun, ka thupêkhai po po le ka rorêlhai po po chu zâwmin in thaw ding a nih: Kei hi LALPA chu ka nih,’ ti rawh,” tiin.
Currently Selected:
LEVI DÂN 19: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
