ISAI 54
54
Israel ta dinga Lalpa hmangaina tâwp nei lo
1“Aw ching, nau nei lo, nang, hlimtakin hla sak rawh; nang, nauhase ngai naw, hla sak suok phut la, khêk suok rawh: pasal nei mi nauhai nêk chun khawsâwtnu nau- hai an tam lem sih a,” LALPAIN a tih.
2I puon in hmun chu zau rawh, i umnahai puon in chung chu keiphar- in um raw se; ret naw rawh, i hruihai chu suksei la, i keimarna hembûrhai chu sukdet rawh.
3Changtieng le vawitienga khawm în dar lien ding a ni sih a; chuong- chun, i chithlahai chun hnam tin chu roin hluong an ta, khawpui râusan hnungahai chun mîn umtir nâwk an tih.
4Ṭi naw, i muolpho âwm si nawh a; beidawng bawk naw, muolphoin i um âwm bawk si nawh a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si nawh a.
5Nangma siemtu chu i pasal a ni sih a; a hming chu sipaihai LALPA a nih; Israelhai Mi Inthieng chu nang- ma intlantu a ni bawk a nih; ama chu khawvêl po po Pathien tîng an tih.
6Nuhmei mâk, lungrila lungngai- tak, tlangvâl laia nuhmei tah, pei hnung ko nâwk angin LALPAIN a ko che a ni hi, i Pathienin a tih.
7Mitkhapkâr chau el ka mâk cheh a; nisienlakhawm, lunginsietna nasa- takin ṭhuoi nâwk ka ti che.
8Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zai- nêmnain lunginsiet ka ti che, LALPA nangma intlantu chun a tih.
9Chu chu ka ta dingin Noa tuihai ang kha a ni sih a; “Noa tuihai chun hnuoi chîm tlum nâwk ta naw ni,” tia ṭawng kân khâm ang khan, “I chungah lunginsen nâwk ta naw ning a, kâwk nâwk ta naw bawk ka ti che,” tiin ṭawng kân khâm tah a nih.
10Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw nih a, ka remna thuthlung chu sawnin um bawk naw ni, LALPA a lungin- siettu che chun a tih.
Jerusalem thar chu
11Aw nang sukrimsik, tuifâwn vawr vawra um, lungmuongna nei lo, ngai ta, i lunghai chu zie mawitak- haiin rem ka ta, i lungphûmhai chu sapphir lunghaiin rem bawk ka tih.
12 #
Tp 21.19
I sîp zumhai chu rubi lungin, i kawtkhârhai chu karbankle lungin, i kul po po chu lung mawihaiin siem ka tih.
13 #
Jn 6.45
I nauhai po po chu LALPA in- chûktirin um an ta, i nauhai lung- muongna chu nasatak nîng a tih.
14Felnaa sukdetin um i ta, nêk- sâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.
15Ngai ta, an la pung khâwm a ni thei, nisienlakhawm, ka thu ni naw ni; nangma thaw dinga pung khâwm ta- phawt chu nangma leiin tlûng an tih.
16Ngai ta, kei chun thirsu pûm zâpa a sinthawna ding hriem sut hlaktu chu ka siem a; keima bawkin sukse dingin suksetu ka siem a nih.
17Nangma thawna dinga hriem sut hrim hrim ṭhahnem naw nih a, lei tinrêng thupawia nangma hung khing- tuhai che chu thiemnaw inchangtir i tih. Chu chu LALPA siehlawhai ro- chan chu a na, an felna chu ka kuoma inthawk a nih, LALPAIN a tih.
Currently Selected:
ISAI 54: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
