Popular Bible Verses from ISAI 54

Share

Nangma thawna dinga hriem sut hrim hrim ṭhahnem naw nih a, lei tinrêng thupawia nangma hung khing- tuhai che chu thiemnaw inchangtir i tih. Chu chu LALPA siehlawhai ro- chan chu a na, an felna chu ka kuoma inthawk a nih, LALPAIN a tih.

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw nih a, ka remna thuthlung chu sawnin um bawk naw ni, LALPA a lungin- siettu che chun a tih.

Ṭi naw, i muolpho âwm si nawh a; beidawng bawk naw, muolphoin i um âwm bawk si nawh a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si nawh a.

Nangma siemtu chu i pasal a ni sih a; a hming chu sipaihai LALPA a nih; Israelhai Mi Inthieng chu nang- ma intlantu a ni bawk a nih; ama chu khawvêl po po Pathien tîng an tih.

I puon in hmun chu zau rawh, i umnahai puon in chung chu keiphar- in um raw se; ret naw rawh, i hruihai chu suksei la, i keimarna hembûrhai chu sukdet rawh.

I nauhai po po chu LALPA in- chûktirin um an ta, i nauhai lung- muongna chu nasatak nîng a tih.

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zai- nêmnain lunginsiet ka ti che, LALPA nangma intlantu chun a tih.

Mitkhapkâr chau el ka mâk cheh a; nisienlakhawm, lunginsietna nasa- takin ṭhuoi nâwk ka ti che.

Chu chu ka ta dingin Noa tuihai ang kha a ni sih a; “Noa tuihai chun hnuoi chîm tlum nâwk ta naw ni,” tia ṭawng kân khâm ang khan, “I chungah lunginsen nâwk ta naw ning a, kâwk nâwk ta naw bawk ka ti che,” tiin ṭawng kân khâm tah a nih.

I sîp zumhai chu rubi lungin, i kawtkhârhai chu karbankle lungin, i kul po po chu lung mawihaiin siem ka tih.