ISAI 55
55
Mi po po kuoma zângaina a thlâwna pêk chu
1 #
Tp 21.6; 22.17 Hung ta u, dangchâr taphawthai, tuiahai hin hung ro, tangka nei nawhai khawm hung unla, inchaw unla, fa ro; anih, hung unla, uoin le nênetui tangka pe loin, a man khawm pe loin inchaw ro.
2Bu ni si loah ieng dinga tangka in sêng am a na? Khawp le tlaina ni si loah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.
3 #
Tt 13.34; Heb 13.20 In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.
4Ngai ta, ama chu mi tin ta dinga hretuah ka ruot a, mi tin ta dingin hotua le ṭhuoituah ka ruot a nih.
5Ngai ta, i hriet naw hnam chu ko i ta, nangma hre ngailo hnam chu i kuomah hung tlân an ta; LALPA i Pathien lei le, Israelhai Mi Inthieng lei chun; ama chun a chawimawi si cheh a.
6Hmu awla a um lai hin LALPA chu zawng unla, a hnâi lai hin ko ro;
7mi rilo chun a um dân chu bânsan sienla, mi fel naw chun a ngai- tuonahai chu bânsan bawk raw se; LALPA kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm sih a.
8Ka ngaituohai hi i ngaituohai a ni si nawh a, i um dânhai chu ka um dân a ni bawk nawh, LALPAIN a tih.
9Vân khi hnuoi nêka ân sâng lem angin, ka um dânhai hi i um dânhai nêkin ân sâng lem sih a, ka ngai- tuohai khawm hi i ngaituohai nêkin ân sâng lem a nih.
10 #
2 Kor 9.10
Ruo le vûr chu vâna inthawkin a sûr hlak a, khitienga khin a kîr nâwk ngai nawh a, hnuoi hi a châwm lem a, thil ân mâwngtirin ân dertir a, bu chi thetu kuoma chun bu chi a pêk a, fatu kuoma chun fâk ding a pêk hlak a.
11chuong ang bawkin ka baua inthawka ka thu suok chu um a tih: iengkhawm thaw nei loin ka kuomah hung kîr nâwk naw nih a, ka dit ang chu thaw lem a ta, thil thaw dinga ka tirnaa chun hlawtling bawk a tih.
12Hlimtaka suokin, lungmuong- taka ṭhuoi suokin in um ding a ni sih a, tlâng lienhai le tlâng chînhai chun in hmaah hla sak suok phut an tih, phûl thing po pohai chun an kut ben bawk an tih.
13Hlohlingnei nêk chun fâr mâwng lem a ta, buor nêk chun inhmui mâwng lem a tih; chu chu LALPA ta dinga hmingṭhatna ding le, kum- khawtluonga inchikna sukbohmanga um lo ding nîng a tih.
Currently Selected:
ISAI 55: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
