ISAI 34
34
Hnamhai le Edom chunga Lalpa lungsenna
1Hnam tinhai, naa hre dingin hung hnai ta u; mi tinhai, ngai ta u; hnuoi le a sûnga um po pohai chun nain hre raw hai se; khawvêl le a sûnga inthawka suok po pohai leh.
2LALPA chun hnam tinrêng chung- a chun lungninawna a neiin, an sipai- hai po po chunga chun lunginsenna a nei sih a; anni chu a sukbohmang vawng a, that dingin a pêk tah a.
3Anni laia thata umhai chu pei suokin um an ta, an ruong rimsie chu innam vut vut a ta; tlânghai chu an thisen suktuiin um a tih.
4 #
Tp 6.13-14; Mt 24.29; Mk 13.25; Lk 21.26 Vâna umhai po po khi sukboin um an ta, vân khi lekhabu zuol mi an zuol angin zuolin um a ta; a umhai po po khi grêp hruia inthawka a hna a vuoi a, a tla hlak ang le, theichang kûnga inthawka a hna vuoi a tla hlak ang hin vuoi zoin tla vawng an tih.
5Ka kâwlhnâm chun vânah tlai- takin a dâwn ta sih a, ngai ta, chu chu, rorêl dingin, Edom mihai chunga le, ka ṭawngse inphur mihai chunga chun tlâng a tih.
6LALPA kâwlhnâm chu thisenin a khawp a, thâunaa sukthâuin a um tah a; berâmte le kêlte thisenin, berâmchal kal thâu dâmin; LALPA chun Bozra khuoa chun inthâwina a nei a. Edom rama chun thatna nasa- tak a nei bawk sih a.
7Ramsielchalhai khawm chu an ruola sât thlûkin um an ta, bâwng- chalhai, bâwngchalngênghai leh; an ram chun thisen inrui a ta, an pilvut chu thâunaa sukthâuin um a tih.
8LALPA phuba lâk ni a ni ta sih a; Zion sêlna kawng thua thungna kum chu.
9A vadung tuihai chu lawng hnaia inchangtirin um a ta, a pilvut chu kâta inchangtirin um bawk a tih, a ram chu lawng hnai kâng hlut hlutah inchang a tih.
10 #
Tp 19.3
Asûn azânin sukrêmin um naw nih a; a meikhu chu kumkhuoin intung ngut ngut a tih; suon um sûng po po chun serâwpin um zing a ta, tukhawma kumkhuo khawma pal naw ni hai.
11Tuivalawng le sakuin chu ram chu nei lem an tih; chingpirinu le vaâk chutaka chun um an ta; sietna hrui le ruokna dârmumkhai chu a chungah keimar a tih.
12An mi ṭhahai chu ram awp ding- in ko an ta, nisienlakhawm, chutaka chun ko ding tukhawm um naw ni hai a; an mi lienhai po po chu iengkhawm ni naw ni hai.
13An lal inahai chun hlohlingnei- hai ṭo a ta, an kulpui sûngahai chun zakthlai le buorhai ṭo a ta, sihalhai umna ding le vate rîngseihai ta ding- in in inhuon sûng tuollai nîng a tih.
14Chun, thlalêra ramsahai chu satenehai leh intuok an ta, sakêl chun a ruolhai ko a ta, anih, zân thil ṭiumtak chun chutaka chun umhmun khuor a tih, ama ta dingin châwl- hmun ding hmûng a tih.
15Chutaka chun rûltliem chun bu sep a ta, intui a ta, kêu a ta, awp khâwm a tih, anih, chutaka chun muhai chu kawppui nei sengin um khâwm an tih.
16LALPA lekhabuah zawng unla, tiem ro; chuonghai laia chun pakhat khawm a kim naw um naw nih a, pakhat khawm kawppui nei naw um naw ni; ka bau ngeiin thu a pêk a, a thlarau ngeiin chuong chu a ṭhuoi khâwm tâwl ta sih a.
17Ama chun an ta dingin ai a sânpêk a, a kutin hruia inkhiin ram chu a sempêk tâwl a; kumkhuoin nei an ta, suon um sûng po po chun chutaka chun um an tih.
Currently Selected:
ISAI 34: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
