ISAI 35
35
Lalpa mipuihai tungding nâwk thu
1Thlalêr le ram inril chu lâwm a ta; ram ṭâwl chu hlimin phûlpâr pâr angin pâr a tih.
2Pâr vul chûk a ta, hlasak le lâwmin hlim a tih; Lebanon ropuina chu a kuoma pêk nîng a ta, Karmel le Saron mawina leh; LALPA ropuina hmûng an ta, ei Pathien mawina leh.
3 #
Heb 12.12 Kut hrâtnawhai chu sukhrât unla, khûp zawihai chu sukdet ro;
4Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.
5Chu pha chun mitdelhai mit chu sukmengin um a ta, nasêthai na chu sukvarin um a tih.
6 #
Mt 11.5; Lk 7.22 Chu pha chun kebaihai chu sakhi angin inchâwm an ta, ṭawng thei- nawhai lei chun hlimtakin hla sak a tih; thlalêra chun tuihai chu hung inkhaw suok huou huou a ta; ram ṭâwla chun vadunghai tui chu hung inchik suok hur hur bawk a tih.
7Chuongchun, ṭieuphit lumtak hmun chu dîlah inchang a ta, hnuoi dangchârtak chu tuihnârhaiah in- chang a tih: sihalhai chêngna, an zâlnaa chun hlobet, phairuong le thielkuong um a tih.
8Chun, chutaka chun lamlien um a tih; lampui leh, chu chu, “In- thiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.
9Sakeibaknei hrim hrim chutaka chun um naw nih a, sa hnukinrâwl hrim hrim chutaka chun hang fe bawk naw nih, chutaka chun hmun ding khawm um naw nih: intlanhai ruok chu chutaka chun fêng an tih;
10chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.
Currently Selected:
ISAI 35: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
