ISAI 21
21
Tuipui thlalêra rimsikna hung tlung ding
1Tuipui thlalêr phurrik chu. Sim rama thlivir a fe thlengin thlalêra inthawkin, ram ṭiumtaka inthawk chun, a hung ie.
2Inlârna khirkhântak el ka kuomah inhriettir a ni tah; vervêktaka thawtu chun vervêktakin a thawh a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.
3Chuleiin, ka kâwnghai hi natna nasatakin a sip a, nuhmei nau invawi natna angin natnain nasatakin a mi man tah; naa hre thei naw khawp hielin na ka tuor a; khaw hmu thei lo khawp hielin ka lunginzîng a.
4Ka lungril hi ân thuok hlawp hlawp a, thil râpthlâktakin a mi suklâu a; zântieng dei ka nghâkhla hlak kha ka ta dingin inthinnaah ân chang a,
5Dawkân chu an buotsai a, râlvêngtu chu an invêngtir a, an fâk a, an dâwn a; mi lienhai, tho unla phaw kha hriek nâl ro.
6LALPA chun ka kuomah hieng ang hin a hril a nih, “Fe la, râlvêngtu invêngtir rawh; ama chun a thil hmu chu hril raw se.
7Chun, sipai pâwl dâm, sakawr chung chuong a kawp peia fe dâm, sabengtung pâwl dâm, sanghâwngsei pâwl dâm, a hmu pha chun ngun- takin ngai kieu a tih,” tiin.
8Chun, ama chu sakeibaknei angin a khêk a, “Aw Lalpa, sûna chun râlvêng bûk chunga hin ka ngîr rawp a, zânkhawvârin ka vêngnaa hin i mîn umtir rawp a;
9ngai ta, hitaka hin mihriem pâwl, sakawr chung chuong a kawp peia fe an hung ie,” tiin. Chun, ama bawk chun, “Babulon khuo chu a tlâwm tah, a tlâwm tah; an thiempu- hai milim siem fâwmhai po po chu hnuoia suknâwiin a um tah,” tiin a dawn a.
10Aw ka bu vuok sa, ka hrizâwla bu; sipaihai LALPA Israelhai Pa- thiena inthawka ka hriet chu ka hril cheu a ni hi.
Duma chunga rimsikna hung tlung ding
11Duma phurrik chu. Miin Seir tlânga inthawkin an mi ko a, “Râl- vêngtu, zân hi iengtin am a ni tah a? Râlvêngtu, zân hi iengtin am a ni tah a?” tiin.
12Râlvêngtu chun, “Zîngkâr a hung ni ding a ni tah, zân khawm: in indawn nuom chun indawn ro: nghakîr nâwk unla, hung ro,” a ta.
Arabia chunga rimsikna hung tlung ding
13Arabia ram chunga phurrik chu. Aw Dedanhai khuol inzin pâwl tinhai, Arabia rama ramhnuoiah riek in tih. Dangchâr kuoma chun tui an hung lâk a.
14Tema rama umhai chun an buin tlân hmanghai chu an tuok a.
15Kâwlhnâmhaia inthawkin, kâwlhnâm phawisahaia inthawkin le, thalngul kuoisaa inthawk le indona nasataka inthawka tlân hmang an ni sih a.
16Lalpa chun hieng ang hin ka kuomah a hril sih a, “Inhlawfa kum tiema kum khat sûngin Kedarhai ropuina po po chu bo zo vawng a ta,
17thal kâp mi, Kedar thlahai laia mi hrât tak la um sunhai chu, tlâwmte nîng an tih: LALPA Israelhai Pathien chun chu chu a hril ta sih a,” tiin.
Currently Selected:
ISAI 21: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
