ISAI 20
20
Assuriain Aigupta le Ethiopia hung hnêng a tih
1Assuria lal Sargon tirin Tartan chu Asdod khuoah a hung a, Asdod khuo chu a thawh a, a lâk kum khan;
2chu lai chun LALPAIN Amoz naupa Isai bauin, “Fe la, i kâwnga saiip puon kha hlîp la, i kea kekawk kha sie rawh,” tiin a hril a. Chuong- chun, chuong ang chun a thawh a, saruok le kekawk bun loin a fe a fe tah a.
3Chun, LALPA chun, “Ka siehlaw Isai hi Aigupta mihai chunga le Ethiopia mihai chunga thilmak le inchiknaa dingin kum thum sûnga saruok le kekawk bun loa a fe ang hin,
4Assuria lal chun Aiguptahai manhai le Ethiopiahai salhai chu, a nuhmei a pasalin, saruok le kekawk bun lo le mawng inlangin Aiguptahai muolphona dingin ṭhuoi hmang a tih.
5Chuongchun, an beisei tak Ethiopia le an ropuina tak Aigupta mihai lei chun lunginzîngtak le muolphotakin um tâng an tih.
6Chuongchun, chu nia chun hi tuisuoriet panga mi hin, ‘Ngai ta, ka beiseitak, Assuria lala inthawka mi sanhim dinga mi ṭhangpuitu dinga ei tlânna chu, hieng hi a ni ta sih a, eini hi iengtin am tlân suok ei ta?’ la tîng an tih,” a ta.
Currently Selected:
ISAI 20: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
