FESUOKNA 38
38
Rawhmang inthâwina mâichâm siem thu
(Ex 27.1-8)
1 #
Ex 27.1-8 Shittim thingin pumraw- hmang thilinhlânna mâichâm a siem a; a seitieng tawng nga, a lientieng khawm tawng nga, killi nei a nih. Ân sângtieng chu tawng thum a nih.
2A kil palia chun kihai a siem a, a kihai chu ama le zawmkhat an nih; dârsenin ân luon khum a.
3Chun, mâichâma bûrlebêlhai: bêlhai, meikhelnahai, châwtawlhai, thîrkuoihai le vutluohai, a bûr- lebêlhai po po chu dârsenin a siem a.
4Mâichâm ding chun a chung khang hnuoiah dârsen inphan thuk mâichâm chenve hang tlungin a siem bawk a.
5Dârsen inphan thuk kil lia chun a zâwnfunghai rawlna dingin kuol pali ân bûk a.
6Shittim thing zâwnfunghai a siem a, dârsenin ân luon khum a.
7A zâwnna dingin mâichâm sîr- haia a kuolhaia chun zâwnfunghai chu a rawl a; mâichâm chu thing- phêkin a kawrawngin a siem a.
Maihûn siem thu
(Ex 30.1-8)
8 #
Ex 30.18 Chun dârsenin maihûn a siem a, a ṭhut chu dârsen, intuokna puon in kawtkhâra rawng bâwl hlak nu- hmeihai hlimenhaia siem a nih.
Biekbûk tuolzâwl chu
(Ex 27.9-21)
9 #
Ex 27.9-19 Chun a tuolzâwl a siem a, tuolzâwl inhuonna puonzârhai chu simtieng pangah puon zai inhmi kawp tawng za khat a nih.
10A ban sâwmhni le an kerkuok sâwmhni dârsena siem leh; a banhaia kuoikimhai le a tuommawinahai ruok chu tangkaruo an nih.
11Hmârtieng panga chun tawng za khat, ban sâwmhni, an ker- kuokhai sâwmhni dârsena siem an nih; banhaia kuoikimhai le an tuommawinahai chu tangkaruo an nih.
12Thlangtieng panga chun puonzâr tawng sâwmnga, banhai sâwmkhat, an kerkuokhai sâwm- khat a nih; banhaia kuoikimhai le a tuom mawinahai chu tangkaruo a nih.
13A tuol tienga saktieng panga chu tawng sâwmnga a nih.
14A kawt sîr khata a puonzârhai chu tawng sâwmpanga, ban pathum le a kerkuok pathum bawk leh.
15A sîr khingtienga khawm chuong ang bawk chu a nih; a tuolzâwl inhuonna kawtkhâr hitieng pang le sawtieng pangah puonzârhai chu tawng sâwmpanga ve ve an nih; banhai pathum ve ve, kerkuokhai pathum ve ve leh.
16Tuolzâwl inhuonna puonzârhai chu a vêlin puonzaiinhmi kawp a ni vawng a.
17A banhai inṭhutna kerkuokhai chu dârsen an nih, a kuoikimhai le a tuommawinahai ruok chu tangkaruo an nih; a hmawrbâwkhai tuomna chu tangkaruo an nih a, tuolzâwl in- huonna banhai po po chu tangkaruoa tuommawi vawng an nih.
18A tuolzâwl kawtkhâr puonzâr chu dumpâwl, a êm, seninlâr le puonzaiinhmi kawp kutthiem taka ṭhuimawi a nih, a seitieng chu tawng sâwmhni, ân sângzie chu tawng nga, tuolzâwl puonzârhai le inep tâwk chie a nih.
19Banhai chu pali, a kerkuokhai dârsena siem pali bawk a nih, a kuoi- kimhai chu tangkaruo, an hmawr- bâwkhai inkhumna le an tuom- mawinahai chu tangkaruo an nih.
20Biekbûk le tuolzâwl po poa hmang a kilna chu dârsen a nih.
Hmun Inthienga hmangruohai
21Thiempu Aron naupa Ithamar kuta, Levi mihai rawngbâwlnaa hmang dinga Mosie thupêk ang peia an tiem angin, biekbûk, thuthlung biekbûka thil hmanghai belkhâwm chu hi hi a nih:
22Juda hnama mi Hur naupa Uri naupasal Bezalel chun LALPAIN Mosie thu a pêk po po chu a thaw vawng a.
23Ama ṭhangpuitu ding chun Dan hnama mi Ahisamak naupa Oholiab, lung ker thiem le kutthiemtak, dumpâwl, a êm, seninlâr le puon- zaiinhmi kawpa ṭhuimawi thiem mi chu a um bawk a.
24Hmun Inthieng sinthawnaa hmang rângkachak thilpêk, rângka- chak hmang tahai po po chu Hmun Inthieng tangka bûk dân angin talent sâwmhni pakuo le shekel za sari le sâwmthum a nih.
25 #
Ex 30.11-16 Mipui tiema um tahaia in- thawka tangkaruo hmu po chu Hmun Inthieng tangka bûk dân angin talent za khat, shekel sâng khat za sari le sâwmsari panga a nih.
26Chu chu Intiemnaa tiemna laia ṭhang phâk, pasal kum sâwmhni le a chungtieng mi nuoi ruk sâng thum za nga sâwmnga, mi lukipa beka khat (chu chu Hmun Inthieng tangka bûk dân anga shekel chenve) pei ang a nih.
27Tangkaruo talent za khat chu Hmun Inthienga kerkuokhai le puonzâr khaina kerkuokhai siemnaa hmang a nih; kerkuok za khatah talent za khat, kerkuok pakhatah talent khat pei.
28Chun, shekel sâng khat za sari sâwmsari panga chu banhaia kuoi- kimhai siemnain a hmang a, an hmawrbâwkhai ân luon khum a, tuom- mawinahai a siem vawng bawk a.
29Dârsen thilinhlânhai chu talent sâwmsari le shekel sâng hni za li a nih.
30Chu chun biekbûk kawtkhâra kerkuokhai, dâr mâichâm le dâr thuk le, mâichâm hmangruo dang po po le,
31tuolzâwl inhuonna, a vêl po poa kerkuokhai, le tuolzâwl inhuonna kawtkhâra kerkuokhai, biekbûk kilna po po, le tuolzâwl inhuonna a vêla kilna hmang po po chu a siem a.
Currently Selected:
FESUOKNA 38: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
