FESUOKNA 37
37
Thuthlung bâwm siem thu
(Ex 25.10-22)
1Bezalel chun shittim thingin Thuthlung bâwm a siem a; a seitieng tawng hni le a chenve, a lientieng tawng khat le a chenve, ân sângtieng khawm tawng khat le a chenve a nih.
2A sûng le a puo chu rângkachak inthiengin ân luon khum a, a vêlin rângkachakin a tlâng a kâwm a.
3Rângkachak kuol pali a kehai palia dingin; sîr khatah kuol hnih, a sîr dangah kuol hni bawk a siem a,
4shittim thing zâwnfunghai a siem a, rângkachakin ân luon khum a.
5Thuthlung bâwm chu zâwnna dingin, thuthlung bâwm sîrhaia kuolhaia chun zâwnfunghai chu a rawl a.
6Rângkachak inthiengin Zângai- na ṭhungpha a siem a; chu seitieng chu tawng hni le a chenve, a lientieng chu tawng khat le a chenve a nih.
7Rângkachakin cherub pahni, a suta sut zawmin, zângaina ṭhungpha tâwp ve vea chun a siem a;
8cherûb pakhat hmawr khing khatah cherub pakhat hmawr khing dangah; a hmawr ve veah cherubhai chu zângaina ṭhungpha le zawm- khatin a siem a.
9Cherubhai chun an thlahai chu chungtieng an zâr a, an thlahai chun zângaina ṭhungpha chu a zâr hlieh a, an hmai le an hmai chu innghat- tuokin, zângaina ṭhungpha tieng chun cherubhai hmai chu a nghah a.
Dawkân siem thu
(Ex 25.23-30)
10Shittim thingin dawkân a siem a, a seitieng tawng hni, a lientieng tawng khat, ân sângtieng chu tawng khat le a chenve a nih.
11Rângkachak inthiengin ân luon khum a, a vêlin rângkachakin a tlâng a kâwm a.
12A vêlin a rei kutphabawkin a siem a, chu rei tlâng chu râng- kachakin ân luon a.
13Chu chu ta ding chun rângka- chak kuol pali a siem a, chu kuolhai chu a ki palia a kehai palia chun ân bûk a.
14Dawkân zâwnna ding zâwn- funghai rawlna dingin a kuolhai chu a rei hnaiah an um a.
15Dawkân zâwnna ding chun shittim thing zâwnfunghai a siem a, rângkachakin ân luon khum a.
16Chu dawkân chunga hmang ding chun bûrlebêlhai-thlenghai, riminhnik thlêngtêhai, no inkûmhai, notung seihai, dâwnmi thilinhlânhai bun suokna dingin rângkachak inthiengin a siem a.
Khâwnvar siena siem thu
(Ex 25.31-40)
17Chun, rângkachak inthiengin sathâukhâwnvar siena a siem a. Sathâukhâwnvar siena a ṭhut le a ngul chu a suta suta siem a nih; chu chu le a kheihai, a mûmhai le a hmawr pârhai chu zawm khat vawng a nih.
18A sîrhaia chun kau paruk a ṭo suok a, a sîr khata chun sathâu- khâwnvar siena kau thum, sîr khing dangah sathâukhâwnvar siena kâu thum bawk;
19kâu khata chun almond zîk pâr anga siem, a khei pathum, a mûm le a hmawr pârhai; kâu danga khawm almond zîk pâr anga siem khei pathum, a mûm le a hmawr pârhai leh – Khâwnvar sienaa kâu paruk suokhai chu chuong ang seng chu a nih.
20Khâwnvar siena ngulpuia chun almond zîkhai anga siem, khei pali, a mûmhai le a pârhai leh an um a.
21A sîra kâu paruk ṭo suokhaia tuok khat pei hnuoia chun a mûm pakhat a um pei a,
22an mûmhai le an kauhai chu ama le chun zawmkhat vawng an nih a, a pumpui chun rângkachak in- thieng hlawm khata sut vawng an nih.
23A khâwnvarhai pasari le a chaichehai, a vâmdawhai chu râng- kachak inthiengin a siem a.
24Khâwnvar siena le a hmangruo po po chu rângkachak inthieng talent khatin a siem a.
Riminhnik rawna mâichâm siem thu
(Ex 30.1-6)
25 #
Ex 30.1-5 Shittim thingin riminhnik rawna mâichâm a siem a, a seitieng tawng khat, a lientieng tawng khat, killi nei a nih. Ân sângtieng chu tawng hni a nih a a kihai chu ama le chun zawm khat an nih.
26A chung leh a sîrhai leh, a vêlin, a kihai leh rângkachak inthiengin ân luon khum a; a vêlin rângkachak rei a siem bawk a.
27A zâwnna ding a zâwnfunghai rawlna dingin a sîr khing hniha a rei hnuoia chun rângkachak kuol pahni a siem a.
28Shittim thing zâwnfunghai a siem a, rângkachakin ân luon khum a.
Innâlna hriek le riminhnik chu
(Ex 30.22-38)
29Chun, riminhnik siemtu siem dânin riminhnik rawmi le innâlna hriek inthieng a siem a.
Currently Selected:
FESUOKNA 37: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
