FESUOKNA 39
39
Thiempuhai thuomhnaw siem thu
(Ex 28.1-43)
1LALPAIN Mosie thu a pêk angin, sahmul dumpâwl, a êm le seninlârin Hmun Inthienga rawng- bâwlna dingin silfên ṭhatakhai an siem a, Aron silfên inthienghaiah an siem a.
2 #
Ex 28.6-12 Zakawsîng chu rângkachak zai le sahmul dumpâwl, a êm, le seninlâr le, pat zai inhmi kawpin an siem a.
3Rângkachak chu phêk inphân- takhaiin an sut a, a zaiin an ât a, kutthiemtak sinthaw, sahmul dum- pâwl, a êm, seninlâr le pat zai inhmi kawpa zep dingin.
4Zakawsînga chun a liengko bel- hai a hmawrhai pahnia ama le ṭhui matin an siem a.
5Zakaw chunga a khitna, kâwng- chûn chu hmangruo thuhmun le khâwng dân thuhmuna thiemtaka khâwng, rângkachak zai, sahmul dumpâwl, a êm, le seninlâr le pat zai inhmi kawpa, LALPAIN Mosie thu a pêk ang taka siem a nih.
6Onik lunghai chu an ât a, Israel thlahai hming ang peiin, hming- namna ker anga rângkachak ker- kuokhaia chun an phûm a.
7LALPAIN Mosie thu a pêk anga Israel thlahai ta dinga hriet zingna lunghai ni dingin zakawsînga liengko belhaia chun a sieh a.
8 #
Ex 28.15-29 Chun, kutthiemtak siem dânin, zakawsîng siem ang bawk chun, rângkachak zai le sahmul dumpâwl, a êm, seninlâr le pat zai inhmi kawpin âwmbel a siem a,
9killi inchen seng a nih a: âwmbel chu thlep thuoa siem a nih a, thlep thuo chun a seizie khâp khat, a lienzie khâp khat bawk a nih.
10Chutaka chun lunghai chu tlar liin an inbûk a, sardion, topaz le karbankle lung chu tlar khatna a nih.
11A tlar hnina chu emeral, sapphir le diamond lung;
12a tlar thumna chu jasinth, agate le amethust lung,
13a tlar lina chu birul, onik le jasper lunghai a nih a; rângkachak kerkuokhaia phûm an nih.
14Lunghai chu sâwm le pahnih, Israel naupasalhai hming ang peia an hming leh, hnam sâwmpahnia dingin lung tin chu a hming pei leh, hmingnamna anga siem a nih.
15Âwmbel chunga chun rângka- chak kerkuok pahni le rângkachak inthieng khaidiet, hruol anga inher- thlawp an siem a.
16Rângkachak kerkuok pahni le rângkachak kuol pahni bawk an siem a, a kuol pahni chu âwmbel tâwp ve vea chun an inbûk a.
17Rângkachak khaidiethai pahni chu âwmbel hmawra kuol pahnia chun an inbûk a.
18Khaidiet hmawr khingtieng pahni chu kerkuok pahnia chun an inbûk a, zakawsîng liengko bel hma- tieng panga chun an khai a.
19Rângkachak kuol pahni an siem a, âwmbel hmawr khing tieng sîr tâwp, sûngtieng pang zakawsîng deptienga chun an inbûk a.
20Rângkachak kuol pahni an siem a, hmatiengah zakawsîng liengko bel hnuoitieng pang zakawsîng khitna thiemtaka khâwng chunga ân tuok- naa khan an inbûk a.
21LALPAIN Mosie thu a pêk ang taka, âwmbel chu zakawsîngah det- taka a kawp theina ding le, zakaw- sîng khitna thiemtaka khâwng chung- a chun a um theina dingin, âwmbela kuolhai chu zakawsînga kuolhaia chun hrui dumpâwlin an khit mat a.
22 #
Ex 28.31-34 Chun, thiempu zakawfuol a khâwnga khâwngin a dumpâwl vawngin a siem a;
23Zakawfuola a âwng chu indona phaw zakuo anga, ân ek nawna dinga a vêl tuoka tuom a nih.
24Zakawfuol hmawr tlânga chun dumpâwl, a êm, seninlâr le patzai inhmi kawpin theibufai an siem a. 25Rângkachak inthiengin telnêng- hai an siem bawk a, telnênghai chu theibufai inkâr, zakawfuol hmawr tlânga a vêl suoka theibufai inkâra chun an khai a: 26LALPAIN Mosie thu a pêk angin, rawngbâwlna ding zakawfuol hmawr tlâng vêl suoka chun, telnêng theibu- fai, telnêng le theibufai ti peia khaiin.
27 #
Ex 28.39,40,42 Aron le a naupasalhai ta dingin puon zai inhmi a khâwnga khâwngin zakawchunghai an siem a,
28puon zai inhmi lukâwm, puon zai inhmi lukhum, puon zai inhmi kawpin puon zai inhmi kekawr hnuoihai,
29puon zai inhmi kawp ṭhatak le sahmul dumpâwl, a êm le senin- lâr ṭhuimawia chei kâwngchûn, LALPAIN Mosie thu a pêk ang chun an siem bawk a.
30 #
Ex 28.36,37 Rângkachak inthiengin lukhim inthieng phêk an siem a, chutaka chun “LALPA TA DINGA INTHIENG” ti an ziek a.
31LALPAIN Mosie thu a pêk anga a chunga lukâwma khitdena dingin hrui dumpâwl an inbûk a.
Biekbûk thuomhnawhai siem zo an nih
(Ex 35.10-19)
32Chuong ang chun intuokna puon in sin po po chu zo a ni tah a, chun Israel thlahai chun LALPAIN Mosie thu a pêk po po angtak chun an thawh a, chuong ang tak chun an thaw tah a.
33Biekbûk chu Mosie kuomah an hung lâk a, a puon in le a hmangruo po po, a kuoikimhai, a thingphêkhai, a bangruhai, a banhai le ân ṭhut- nahai;
34ân khumna berâmchal le kêl vun suksenhai, a chung inkhumna seal vunhai, a puonzâr khaihai:
35Thuthlung bâwm le a zâwn- funghai, zângaina ṭhungpha leh;
36 #
Ex 25.30; 40.23; Lev 24.5-9 dawkân le a bûrlebêlhai po po le inentirna bei,
37Rângkachak inthienga siem sathâukhâwnvar siena le khâwn- varhai, a khâwnvarhai siena pei leh a hmangruo po po, meivar dinga hriek;
38rângkachak mâichâm, innâlna hriek, riminhnik rawmi le puon in kawtkhâr puonzâr ding;
39dâr mâichâm le dâr inphan thuk, zâwnfunghai le a bûrlebêl po pohai, dâr maihûn le ân ṭhutna;
40tuolzâwl inhuonna puonzâr khaihai, a banhai, a kerkuokhai, tuolzâwl inhuonna kawtkhâra puon- zâr, a hruihai, a kilnahai, biekbûk le intuokna puon ina dinga rawng- bâwlna hmangruo po po;
41Hmun Inthienga rawngbâwlna dinga silfên khâwng ṭhatakhai, thiempu Aron silfênhai le, thiempu sina rawngbâwlna dinga a naupasal- hai silfênhai le chun an hung lâk a.
42LALPAIN Mosie thu a pêk po po ang tak chun Israel thlahai chun sin po po chu an thaw tah a.
43Mosie chun an sinthawhai po po chu a en a, LALPAIN thu a pêk ang tak chun an thaw zo tah ti a hmuh a; chuong ang tak chun an thaw zo tah a; chun, Mosiein anni chu mal a sâwm tah a.
Currently Selected:
FESUOKNA 39: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
