FESUOKNA 36
36
1“Bezalel le Oholiab le mi themthiem tukhawm, Hmun Inthieng bâwlnaa sin po pohai thaw dân hre dinga an lungrila LALPAIN thiemna le varna a sienahai taphawt chun LALPAIN thu a pêk po po ang tak chun thâwng an tih,” a tih a.
Mipuiin thilpêk tamtak an hung chawi
2Mosie chun Bezalel, Oholiab le mi themthiem LALPAIN an lungrila thiemna a pêkhai, chu sin thaw dinga an lungrila phûr takhai phawt chu, sin chu thaw dingin a ko a.
3Anni chun Israel thlahaiin Hmun Inthieng bâwlnaa hmang dinga nuomthua thilpêk an hung chawihai po po chu Mosie kuoma inthawkin an lâk a. Zîng tinin ama kuoma chun mâni nuomthua thilpêk chu an la hung chawi zing a.
4Chun, mi themthiem Hmun In- thienga sinthawtuhai po po chu, mi tin chu an sinthawna senga in- thawkin, an hung a,
5Mosie kuoma chun, “LALPAIN siem dinga thu a pêk, hi sin thawnaa hmang ding hin a huntâwk nêka tam lem mipuiin an hung lâk tah,” an tih a.
6Chuongchun, Mosie chun, “Pasal khawmin, nuhmei khawmin Hmun Inthienga dinga thilpêk dang hrim pe ta naw raw hai se,” tiin thu a pêk a, chu thu chu riebûk po poa puong a ni tah a. Chuongchun, mipui chu an hung pêk khap an ni tah a:
7Hmangruo an nei chu sin po poa hmang ding chun a huntâwk tah a, a tam taluo rau ta leiin.
Biekbûk siem thu
(Ex 26.1-37)
8 #
Ex 26.1-14 Anni laia sinthawtu mi them- thiemhai po po chun biekbûk chu puonzâr sâwm, puon zai inhmi kawp le, sahmul dumpâwl, a êm, le a seninlâr, cherubhai lim kutthiemtaka chei chun an siem tah a.
9Puonzâr tin seitieng chu tawng sâwmhni pariet, puonzâr tin lien- tieng chu tawng li a nih a, puonzâr po po chu ân tie vawng a nih.
10Chun, puonzâr panga chu a ṭhui zawm a, puonzâr panga dang chu a ṭhuizawm bawk a.
11Puonzâr pakhat a thuo laia kâwlhnung tak tlânga chun valbahai dumpâwlin a siem a, chuong ang bawk chun a thuo hninaa puon- zâr puo tak tlânga chun a siem bawk a.
12Puonzâr pakhata chun valba sâwmnga a siem a, a thuo hninaa puonzâr pakhat tlânga chun valba sâwmnga bawk a siem a; valbahai chu an inzawm seng bawk a.
13Chun, rângkachak puonchepna sâwmnga a siem a, chuong puon- chepnahai chun puonzârhai chu an cheptuoh a: chuongchun, biekbûk chu pakhat a hung ni tah a.
14Biekbûka puon in inkhumna ding chun kêl hmul puonzârhai a siem a, puonzâr chu sâwm le pakhat a siem a.
15Puonzâr tin seitieng chu tawng sâwmthum, puonzâr tin lientieng chu tawng li a nih; puonzâr sâwm le pakhat chu an intie seng a.
16Puonzâr panga chu a ṭhui zawm a, puonzâr paruk chu a ṭhui zawm bawk a.
17Puonzâr hmasa a kâwlhnung tak tlânga chun valba sâwmnga a siem a, a thuo hninaa puonzâr kâwl- hnung tak tlânga chun valba sâwmnga bawk a siem a.
18Puon in chu pindan pakhat a ni theina dinga chep khâwmna ding- in dârsen puonchepna sâwmnga a siem a.
19Chu puon in inkhumna ding chu berâmchal vun suksenin le chu chung nâwka chun seal vunhaiin inkhumna a siem a.
20Chun, biekbûk bang intunghai chu shittim thingin a siem a.
21Thingphêk tin seitieng chu tawng sâwm, thingphêk tin lientieng chu tawng khat le a chenve a nih.
22Thingphêk tin chun rek pahni, a dang le thun zawmna ding a nei seng a; biekbûk thingphêk po po chu chuong ang seng chun a siem vawng a.
23Biekbûka thingphêkhai chu chuong ang chun a siem a, sim- sawngah thingphêk sâwmhni,
24chun, thingphêk sâwmhni hnuoia chun tangkaruo kerkuok sâwmli, thingphêk pakhat hnuoiah a rek pahni inṭhutna dingin kerkuok pahni pei; chun, thingphêk dang hnuoia khawm a rek pahni in ṭhut- na ding kerkuok pahni pei bawk a siem a.
25Chun, biekbûk sîr hnina, a hmartieng panga chun, thingphêk sâwmhni le,
26an inṭhutna ding tangkaruo kerkuok sâwmli a siem a; thingphêk pakhat hnuoiah kerkuok pahni, thingphêk dang hnuoiah kerkuok pahni bawk.
27Biekbûk châwrtieng thlang- tieng panga chun thingphêk paruk a siem a.
28Biekbûk châwrtieng kihaia dingin thingphêk pahni a siem a.
29Chun, a hnuoitieng chun suk- tuok an nih a, a chungtieng ruok chun a sîpah, kuol pakhata chel khâwm an nih a, a kihai pahnia mi chu chuong ang ve ve chun a thawh a.
30Chuongchun, thingphêk pariet an inṭhutna tangkaruo seng leh; ker- kuok sâwmparuk, thingphêk pakhat hnuoiah kerkuok pahni peiin a um a.
31Chun, shittim thing bangru- hai a siem a, biekbûk sîr khata thingphêkhai dingin bangru panga,
32biekbûk sîr khingtienga thing- phêkhai dingin bangru panga bawk, biekbûk châwrtieng thlangtieng panga thingphêkhai dingin bangru panga.
33A bangru lailung tak chu a thingphêkhai sûngah a tâwp taka inthawka khingtieng tâwp tak chena rawl thlengin a siem a.
34Thingphêkhai chu rângkachak- in ân luon khum a; chun, a bangruhai rawlna dingin rângkachak kuolhai a siem a, bangruhai chu rângkachakin ân luon khum bawk a.
35Chun, puonzâr sahmul dum- pâwl, a êm le a seninlâr le, pat zai inhmi kawpin, cherubhai lim kut- thiemtaka siemhaia cheiin a siem a.
36Chu khaina ding chun shittim thing ban pali a siem a, rângkachakin ân luon khum a; an kuoikimhai chu rângkachak a nih a, an inṭhutna dingin tangkaraw kerkuok pali a sut bawk a.
37Puon in kawtkhâra ding chun puonzâr, sahmul dumpâwl, a êm, a seninlâr le puonzai inhmi kawp, a ṭhuia ṭhuimawia chei chu a siem a;
38a ban panga le a kuoikimhai leh. An lubâwkhai le an tuom mawinahai chu rângkachak ân luon khum a, an inṭhutna panga ruok chu dârsen an nih.
Currently Selected:
FESUOKNA 36: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
