FESUOKNA 35
35
Sabbath inser dânhai
1Mosie chun Israel thla mipui po po chu a ko khâwm a, an kuomah, “Hieng hi LALPA thupêk in ithaw dinghai chu a nih.
2 #
Ex 23.12; 31.12-17; 34.21; Dt 5.12-15 Ni ruk sûng chu sin thaw nîng a ta, ni sari ni ruok chu in ta dingin ni inthieng, LALPA kuoma châwl ṭawk ṭawkna ding châwlni a ni ding a nih; mi tukhawm chu niha ieng sin khawm thaw taphawt chu sukhlum an ni ngei ding a nih.
3In umna hmun po poa chun châwlni chun mei khawm in sêm dêr ding a ni nawh,” a tih a.
Lalpa kuoma thilinhlân chu
4 #
Ex 25.1-9 Mosie chun Israel thla mipui po po kuoma chun, “Hi hi LALPA thupêk chu a nih,
5‘Nangni lai LALPA kuoma thilpêk ding dâwl ro, mi tukhawm lungrila pêk inhâwkna nei chun LALPA kuoma thilpêk chu hung chawi sienla, rângkachak, tangkaruo le dârsen:
6sahmul dumpâwl, a êm, a seninlâr le pât zai inhmi kawp le kêl hmul,
7berâmchal vun suksenhai, seal vunhai le shittim thing;
8chun, meivar dingin hriek le innâlna hriek ding le, riminhnik rawmi dingin thil riminhnikhai leh;
9zakawsîng le âwmbela phûm onik lunghai le lung danghai leh.
Biekbûk thuomhnawhai
(Ex 39.32-43)
10“Chun, nangni laia themthiem taphawt hung hai sienla, LALPA thupêk hi thaw vawng raw hai se:
11Biekbûk, a puon in le ân khum- na, a puonchepnahai le, a thing- phêkhai, a bangruhai, a banhai le a kerkuokhai,
12Thuthlung bâwm le a zâwn- funghai, zângaina ṭhungpha le inkhumna puonzâr,
13dâwkân le a zâwnfunghai le a thuomhnawhai po po le entirna bei chu:
14elvartu ding khâwnvar siena, a hmangruohai le a khâwnvarhai le a meivar ta dinga hriek leh;
15riminhnik rawna mâichâm a zâwnfunghai leh, innâlna hriek le riminhnik rawmi le kawtkhâr puon- zâr biekbûk kawtkhâra mi ding;
16le pumrawhmang thil inhlânna mâichâm, a dârsen thuk leh, a zâwn- fung le a hmangruo po po leh, dâr maihûn le ân ṭhutna leh;
17a tuolzâwl inhuonna puonzâr, le chutaka a banhai, le a kerkuokhai leh, a tuolzâwl inhuonna kawta puon- zâr leh;
18biekbûka a kilna, a tuolzâwla a kilna le a hruihai leh;
19Hmun Inthienga rawngbâwl- na dinga thiemtaka khâwng sil- fênhai, thiempu sina rawngbâwl dinga Aron silfên inthienghai le a naupasalhai silfênhai le chun,’ tiin,” a tih a.
Mipuiin thilinhlân an hung chawi
20Chun, Israel thla pungkhâwm po po chu Mosie kuoma inthawk an ṭin dar a.
21Mi tin a lungril phûr tak le mi tin a lungrila inhâwkna nei taphawt chu an hung a; intuokna puon in sina ding le, chutaka rawngbâwlna po poa ding le, silfên inthieng dinga hmang ding LALPA thawlâwm chu an hung chawi a.
22Lungrila pêk nuomna nei po po, pasal le nuhmei khawm, an hung a; puon kilnahai,#sumkuolhai hnâra khaimi kuol- hai,#Nabehai hmingnamna kutsebihai, bân- bunhai, rângkachak incheina chihai po po an hung chawi a; mi tinin LALPA ta dingin rângkachak thilpêk an inhlân tah a.
23Chun, mi tin sahmul dumpâwl, a êm, a seninlâr le patzaiinhmi dâm, kêl hmul dâm, berâmchal vun suksenhai le seal vun neitu chun a hung chawi a.
24Mi tin dârsen le tangkaruoa thilpêk inhlân theitu chun LALPA ta dinga thilpêkah a hung chawi bawk a.
25Nuhmei themthiemhai po chu an kutin pat an kher a; sahmul dum- pâwl, a êm, a seninlâr le, patzaiinhmi an kherhai chu an hung chawi a.
26Nuhmei themthiem phûrtakhai po po chun kêl hmul chu an kher a.
27Ṭhuoituhai chun onik lung le lung dang zakawsîng le âwmbela phûm ding chu an hung chawi a;
28meivar dingin le, innâlna hriek le riminhnik rawmihai hmang dingin riminhnikhai leh.
29Israel thlahai pasal tin le nu- hmei tin an lungrila pêk nuomna neihai chun LALPAIN Mosie hmanga thu a pêk tah sin po po thâwnaa dingin anni nuomthua LALPA ta dinga thilpêk chu an hung pêk a.
Bezalel le Oholiab koa an um thu
(Ex 31.1-11)
30 #
Ex 31.1-6 Chun, Mosiein Israel thlahai kuoma chun, “En ta u, LALPA chun Juda hnama mi Hur naupa Uri nau- pasal a hming Bezalel chu a ko tah a nih;
31ama chu varnaa le hrietthiem- naa le, kutthiem sin tinrêng thaw- theina le hrietnaa chun Pathien Thlarauin suksip a nih;
32kutthiem sinhai riruong dingin, rângkachak, tangkaruo le dârsena sinthaw dingin,
33inbûk ding lung ât thiem ding- in, thing kermawi thiem ding le kut- thiem sin kawng tinrênga sin thaw dingin.
34Dan hnama mi Ahisamak naupa Oholiab le ama chu mihai inchûktir theina a pêk ve veh a.
35Anni chu kutthiem sin tinrêng thiemtuhai, riruongtuhai, sahmul dumpâwl, a êm le seninlâr le patzaiinhmi ṭhuimawi thiemhai le, puon khâwngtu sin – kutthiemna le riruongna sin tinrêng thaw thiem- nain a suksip tah a nih.
Currently Selected:
FESUOKNA 35: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
