FESUOKNA 32
32
Rângkachak bâwngte
(Dt 9.6-29)
1 #
Tt 7.40,41 Mipui chun Mosie chu tlânga inthawk chun a hung thla intak hle ti an hmu chun anni mipui chu Aron kuomah an hung inkhâwm a, a kuomah, “Tho la, kan hma ṭhuoitu dingin pathienhai mi siem- pêk rawh: hi Mosie Aigupta rama inthawka mi ṭhuoi suoktu hlak hi ieng am a chang a ni tah kan hriet si nawh a,” an tih a.
2Aron chun an kuomah, “Rângka- chak kutsebihai in nuhmeihai le in naupasalhai le in naunuhmeihai nakâwra an bêhai chu hlîp thla unla, ka kuomah hung la ro,” a tih a.
3Chun, mipui po po chun an nakâwrhaia rângkachak nabêhai chu an hlîp a, Aron kuoma chun an hung lâk a.
4An kuta inthawk chun a lâk a, kerna hriemhrei hmangin a sungna ding a siem a, bâwngte limah a sung tah a. Anni chun, “Aw Israel, hi hi Aigupta rama inthawka hung ṭhuoi suoktu che i pathien chu a ni hi,” an tih a.
5Aronin chu chu a hmu chun, bâwngte hmaa chun mâichâm a siem a, “Zînga chu LALPA kuoma ruoi- ṭhena um a tih,” tiin thu a puong tah a.
6 #
1 Kor 10.7 A zînga chun inhmatakin an tho a, pumrawhmang thilinhlânhai chu an inhlân a, inremna thilinhlânhai chu an hung lâk tah a: chuongchun, mipui chu fa ding le dâwn dingin an ṭhung a, inhnel dingin an tho tah a.
7LALPA chun Mosie kuomah a hril a, “Inhmaw la, fe thla rawh, i mihai Aigupta rama i ṭhuoi suokhai khan anni le anni an insuksiet ta sih a:
8an kuoma thu ka pêka inthawk chun an pêt hmang nghâl el tah a; bâwngte lim sung an insiemfâwm a, an biek a, a kuomah an inthâwi a, ‘Aw Israel, Aigupta rama inthawka ṭhuoi suoktu che i pathien a ni hi,’ an tih a,” tiin.
9 #
Ex 32.31-35; Nam 14.11-25 LALPA bawk chun Mosie kuomah, “Hi mipui hi ka hmu chieng tah; ngai ta, mipui kawmawtak an nih:
10chuleiin, tuhin mi mâksan rawh, an chunga ka lunginsenna chu a hung lum a, anni ka sukbohmang theina dingin; nang ruok chu hnam ropuitakah la siem ka ti che,” a tih a.
11Mosie ruok chun LALPA a Pathien chu a ngên a, “LALPA, Aigupta rama inthawka kut thahrât le thilthawtheina nasatak le i hung ṭhuoi suok hieng i mihai chunga hin iengdingin am i lunginsenna chu lum el a ta?
12Iengdingin am Aigupta mihai chun, ‘Hnuoi chunga anni sukbo- hmang vawng ding le tlânghaia chun anni sukhlum dingin thiltum ṭha- nawtakin anni a ṭhuoi suok a,’ ti el an ti leh? I lunginsenna ṭiumtaka inthawk chun inher la, i mihai chunga hi thil ṭhanaw hi lakîr rawh.
13I siehlawhai Abraham, Isak le Israel kuoma nangma le nangma inkhâma, ‘I thlahai chu vâna arasihai angin sukpung ka ta; hi ram po po ka hril ta hi in thlahai kuomah pêng ka ta, kumkhuoin hluong an tih,’ tiha i hril kha hre zing rawh,” a tih a.
14Chun, LALPA chun a mihai chunga thâwng ka tih tiha a hril thil ṭhanaw chu a lâkkîr tah a.
15Chun, Mosie chu ân her a, thuthlung lung phêk pahni chu a kuta chawiin, tlânga inthawk chun a fethla tah a: chu lung phêkhai chu an pang khing hni hniha ziek an nih; a pang khing khat le a pang khingtieng khawm chun ziek ve ve an nih.
16Chu lungphêkhai chu Pathien sinthaw, le Pathien iziek, lung- phêkhai chunga ker an nih.
17Josua chun mipui khêkri chu a hrietin Mosie kuomah, “Riebûka sawn indona ri a um,” a tih a.
18Mosie chun, “Hnena khêkri chu a ni nawh a, hneha umhai khêkri khawm a ni bawk nawh a, hlasak ri a ni lem chu ka hriet chu,” a tih a.
19Chun, riebûk kâwl a hung tlunga bâwngte lim le lâm chu a hmu phingleh Mosie lunginsenna chu a hung lum a, a kuthaia inthawk lungphêkhai chu a dehâwn a, tlâng bula chun a sukkawi tah a.
20Bâwngte lim an siem chu a lâk a, meiah a rawh a, a rawt nâwi a, tuiah a phul a, Israel thlahai chu ân dâwntir tah a.
21Mosie chun Aron kuomah, “Hi mipui hin i kuomah ieng am an thawha hienga an chunga suol nasa- tak în tlungtir hi?” a tih a.
22Aron chun, “Ka lalpa lunginsen- na chu lum naw raw se: hi mipui hi thil suol âwnsa hrim an nih ti nangin i hriet annâwm.
23 #
Tt 7.40 Ka kuomah, ‘Kan hma ṭhuoitu dingin pathienhai mi siempêk rawh, hi Mosie Aigupta rama inthawka mi ṭhuoi suoktu hlak hi ieng am a chang a ni tah kan hriet si nawh a,’ an tih a.
24Chun, an kuomah, ‘Tukhawm rângkachak nei chun hlîp raw se,’ ka tih a, chuongchun, an mi hung pêk a, chun, meiah ka rawtui a, hi bâwng- te lim hi a hung suok a ni hi,” a tih a.
25Mosie chun mipui chu zalêntaka um a hmu chun (Aronin a lo khuokhir naw leiin hmêlmahai mithmuah muolphotakin a lo inumtir ta sih a),
26Mosie chu riebûk kawtkhâra chun a ngîr a, “LALPA tienga ṭhang chu ka kuomah hung raw se,” a tih a. Levi thlahai po po chu ama kuoma chun an hung inkhâwm tah a.
27Chun, an kuomah, “Israel Pathien LALPA chun hieng ang hin a tih, ‘Mi tinin a ngûnhnâm chu a mal chungah sie sienla, riebûk po poah kawtkhâr tinah fe vêl sienla, mi tinin a unaupa, mi tinin a ruolpa khawm, mi tinin a tuolbâwm khawm that raw se,’ a tih,” a tih a.
28Levi thlahai chun Mosie thu ang chun an thawh a; chuongchun, mipui chu chu ni chun mi sâng thum lai an tlu tah a.
29Mosie chun, “Vawisûn hin in chunga malsâwmna a pêk theina ding cheuin, mi tin chu mâni naupa amanih, mâni unaupa amanih chenin LALPA rawngbâwl dingin in inhlân ta hi#in sietum: amanih “suktum” in ni ta hi,” a tih a.
30A zînga chun Mosie chun mipui kuoma chun, “Thil suol nasatak in thaw ta chu a nih a, chuleiin, LALPA kuomah tuhin hang fêng ka tih, in suolna ta dingin intlanna ka siem thei tâkduoiin,” a tih a.
31Chun, Mosie chu LALPA kuom- ah a hang fe nâwk a, “Aw hi mipui hin suolna nasatak chu an thaw tah a; rângkachak pathienhai an insiem- fâwm a,.
32 #
Tp 3.5 Nisienlakhawm, rem i ti chun an suolna chu la ngaidam hrâm rawh, chuong a ni naw chun, ka ngên che hi, i lekhabu i zieka inthawk khan mi thaihmang el rawh,” a tih a.
33LALPA ruok chun Mosie kuom- ah, “Tukhawm ka chunga thil suksuol chu, ama chu ka lekhabua inthawkin thaihmang ka tih.
34Tuhin fe la, hmun ka hrilna chea khan mipui chu ṭhuoi la, ngai ta, ka vântirko i hmaah fêng a tih. Amiruokchu, ka hung sir nia chun an suol man chu anni chungah intlung- tir ka tih,” a ta.
35Chuongchun, Aron isiem bâwngte an siem lei chun LALPAIN mipui chu a hrem tah a.
Currently Selected:
FESUOKNA 32: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
