FESUOKNA 33
33
Fe pei dinga thupêkna
1LALPA chun Mosie kuomah, “Suok unla, hitaka inthawkin nang le Aigupta rama inthawka mipui i ṭhuoi suokhai chu, Abraham, Isak le Jakob kuoma, ‘I thlahai kuomah pêng ka tih,’ tiha ka tiem tah ram tieng chun fe ro.
2In hmaah ka vântirko tir ka ta, Kanaan mihai, Amor mihai, Hit mihai, Periz mihai, Hiv mihai le Jebus mihai chu hnawt suok ka tih.
3 #
Tt 7.51 Khuoizu le nênetuia luong rama chun fe ro; kei ruok chu nangni lai fe ve naw ning, chuong naw chun lam kârah sukbohmang hlau rawi ka ti cheu, mi kâwmâwtak in ni sih a,” a tih a.
4Mipuiin hi thuthang ṭhanaw hi an hriet chun an sûn a, tukhawmin an incheina chu an inbel ta nawh a.
5LALPA chun Mosie kuomah, “Israel thlahai kuomah hril rawh, ‘Mi kâwmâwtak in nih a, mitkhapkâr bak khawm nangni laia ka fe ve chun ka sukbohmang ding cheu a nih a; chuleiin, in incheinahai chu hlîp ro, iengtin am ka thaw ding cheu a nih ti ka hriet theina dingin,’ tiin,” a tih a.
6Chuongchun, Israel thlahai chun Horeb tlânga inthawk chu an in- cheinahai chu an hlîp ta vawng a.
Intuokna Puon In Chu
7Mosie chun puon in chu a sawm pei a, riebûk puotieng, riebûka in- thawka hla deua hin a zar hlak a; chu chu “Intuokna puon in” tiin ân bûk a. Mi tin LALPA zawngtu taphawt chu riebûk puoha um puon ina chun an fe hlak a.
8Mosie chu puon ina a fe lai chun mipui po po chu an tho a, mi tin chu mâni puon in kawtkhâra chun an ngîr a, Mosie chu puon ina a lût chenin an enzui pei a.
9Mosie puon ina a lût phingleh sûm ngîr a hung thlah a, puon in kawtkhâra chun a ngîr a; chun, LALPAIN Mosie kuomah thu a hril hlak a.
10Mipui chun sûm ngîr kawt- khâra ngîr an hmu pha chun, mipui po po chu an tho a, mâni puon in kawtkhâr chita chun mi tinin chibai an bûk hlak a.
11 #
Nam 12.8; Dt 34.10 LALPA chun Mosie chu inhma- tuoin, miin a ruol a biek angtakin a biek hlak a. Chun, Mosie chu riebûk tieng a kîr nâwk a, a rawngbâwltu Joshua, Nun naupa, tlangvâl ruok chun puon in chu a mâksan nawh.
Lalpain um ve zing dinga thu ân tiemna
12Mosie chun LALPA kuomah, “Ngai ta, nangin ka kuomah, ‘Mipui hi hung ṭhuoi rawh,’ i tih a, kei le i tir ding chu tu am a nih i mîn hriettir si nawh a. Nisienlakhawm, nangin, ‘I hmingin ka hriet cheh a, ka mit- hmuah lunginsietna i chang ta bawk a nih,’ i tih a.
13Chuleiin, tuhin ka ngên che, i mithmuah lunginsietna ka chang a ni chun, nang ka hriet cheh a, nanga mithmua lunginsietna chu a tâwp chena ka hmu theina dingin i lamhai chu mîn entir rawh: chun, hi hnam hi i mihai an ni hi ngaituo rawh,” a tih a.
14LALPA chun, “I kuomah fe ve pei ka ta, châwlna pêng ka ti che,” a tih a.
15Mosie chun a kuomah, “Ka kuomah i fe ve pei naw ding chun hitaka inthawk keini mi ṭhuoi tung ta naw rawh.
16Kei le i mihai hin i lunginsietna kan hmu tah ti iengtin am inhriet a ta? Hnuoi chunga um mi dang po poa inthawk kei le i mihai ṭheha kan umna chu keini le i fe ve zingnaa chun a ni naw ding am a nih?” a tih a.
17LALPA chun Mosie kuomah, “I hril ang tak chun thâwng ka tih: hmingin ka hriet cheh a, ka lung- insietna chu i hmu ta sih a,” a tih a.
18Mosie chun, “Ka ngên che, i ropuina chu mîn hmutir rawh,” a tih a.
19 #
Rom 9.15 Chun, ama chun, “Ka ṭhatna po po i hmaah fêng a ta, ka hming ‘LALPA chu’ i hmaah puongdar ka tih; ka lunginsiet dinghai chu lunginsiet ka ta, za ka ngaina dinghai chunga chun za ngai ka tih.
20Nisienlakhawm, Ka hmêl chu hmu thei naw ti nih, tukhawm ka hmêl hmu chu an hring ding a ni si nawh a,” a tih a.
21LALPA bawk chun, “En ta, ka kâwla hi lungpui chungah i ngîrna ding a um;
22ka ropuinain a fe khêl lai che chun lungpui kak kârah sieng ka ti cheh a, ka kutin i hmai hlieng ka ti che;
23chun, ka kut chu la hmang ka ta, ka hnungtieng chu hmûng i ta, ka hmai ruok chu hmu a ni ding a ni nawh,” a tih a.
Currently Selected:
FESUOKNA 33: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
