FESUOKNA 31
31
Bezalel le Oholiab kona
(Ex 35.30—36.1)
1 #
Ex 35.30—36.1 LALPA chun Mosie kuomah a hril a,
2“En ta, Juda hnama mi Hur naupa Uri naupasal a hming Bezalel chu ka ko tah a,
3ama chu Pathien Thlarauin ka suksip tah a, varna le hrietthiemna le kutthiem sin tinrêng thawtheina leh,
4kutthiem sinhai riruong dingin, rângkachak, tangkaruo le dârsena sinthaw dingin.
5Lung inbûk ding ât thiem dingin, thing kermawi thiem ding le kut- thiem mak kawng tinrênga sinthaw dingin ka suksip a nih.
6Chun, ngai ta, ama inthlawppui dingin Dan hnama mi Ahisamak naupa Oholiab chu ka ruot bawk a; theina nei mihai po kuoma chun themthiemna ka sie tah a, thu ka pêk ta chehai po po kha an siem theina dingin;
7intuokna puon in, Thuthlung bâwm le, chu chunga zângaina ṭhungpha le, puon in thuomhnawhai po le,
8dâwkân, a hmangruohai leh, sa- thâukhâwnvâr siena, a hmangruohai le, riminhnik rawna mâichâm le,
9pumrawhmang thilinhlânna mâichâm a hmangruohai po po leh, dâr maihûn le ân ṭhutna leh;
10silfên ṭhataka siemhai le, thiempu Aron silfên inthienghai le, a naupasalhai silfênhai thiempu sina rawngbâwlnaa an hmanghai le;
11innâlna hriek le, Hmun In- thienga dinga riminhnik rawmihai leh siem dingin. Thu ka pêk che ang taphawt chun thâwng an tih,” tiin.
Sabbath chu inchiknaa hmang ding
12 #
Ex 20.8; 23.12; 35.2; Dt 5.12-15 LALPA chun Mosie kuomah a hril a,
13“Israel thlahai kuoma chun hril la, ‘Ka châwlnihai chu titakzetin in inser ding a nih: LALPA a suk- thiengtu cheu chu ka nih ti in hriet theina dinga in thlahai chena dingin nangni le keia inkâra inchikna chu a ni sih a.
14Châwlni chu in inser ding a nih, in ta dinga inthieng a ni sih a; mi tin a bâwsetu taphawt chu sukhlum a ni ngei ding a nih: mi tukhawm chu niha sin iengkhawm thaw taphawt chu, chu mi chu a mihai laia inthawka sâtthlâk nîng a tih.
15Ni ruk sûng chu sin thaw ding a na, ni sari ni ruok chu châwl ṭawk ṭawk ni, LALPA kuoma inthieng, châwlni chu a nih. Tukhawm chu châwlnia sin iengkhawm thaw taphawt chu sukhlum a ni ngei ding a nih.
16Chuongchun, Israel thlahai chun kumkhaw thuthlung dingin châwlni chu inser an tih, an thlahai chenin châwlni chu an inser ding a nih.
17Kumkhuoin Israel thlahai le keia inkâra inchikna ni zing a tih: LALPA chun ni ruk sûngin hnuoi le vân a siem a, ni sari ni chun a châwl a, ân suksâwldam ta sih a,’ a tih a,” tiin.
18Chun, Sinai tlâng chunga ama le inbiekna chu a suktâwp chun Thuthlung phêk hni, lung phêk pahni Pathien kut ngeia ziekhai chu Mosie kuomah a pêk tah a.
Currently Selected:
FESUOKNA 31: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
