FESUOKNA 30
30
Riminhnik Mâichâm
(Ex 37.25-28)
1“Riminhnik rawna dingin mâichâm siem i ta, shittim thingin siem i tih.
2A seitieng tawng khat, a lientieng tawng khat, killi nei nîng a tih. Ân sângtieng chu tawng hni nîng a ta, chutaka a kihai chu ama le zawm- khat an ni ding a nih.
3A chung le a sîrhai, a vêlin, a kihai leh rângkachak inluonkhum i ta; chun, a vêlin rângkachak rei siem bawk i tih.
4A kalhai pahni chung a rei hnuoia chun rângkachak kuol pahni siem la, a sîr hniah i siem ding a nih: chu chu a zâwnnaa zâwnfunghai rawlna ding nîng a tih.
5 #
Ex 37.25-29 Shittim thing zâwnfunghai siem i ta, rângkachakin inluonkhum i tih.
6Thuthlung bâwm chunga zângai- na ṭhungpha kân tuokpuina ding che hma zâwnah, Thuthlung bâwm kâwl- a puonzâr hmaa chun sieng i tih.
7Chun, Aronin chu chunga chun thil riminhnik chu râwng a ta, zîng tinin khâwnvarhai chu a chei pha raw hlak a tih.
8Aron chun zântienga khâwnvar- hai ân sit pha chun raw bawk a tih; in thlahai chenin LALPA hmaah rimin- hnik chu raw zing in tih.
9Chu chunga chun riminhniklo thil, pumrawhmang thilinhlân khawm, fâkmi thilinhlân khawm în hlân ding a ni nawh a, dâwnmi thilinhlân hrim a chunga chun i bur ding a ni bawk nawh.
10Aron chun a kihai chunga chun kum khata vawi khat intlanna siem a ta; in thlahai chenin intlanna suol ta dinga thilinhlân thisen chun kum khatah vawikhat mâichâm ta dinga intlanna siempêk a tih, LALPA kuoma inthiengtak a nih,” tiin.
Intlanna Tangka
11 #
Ex 38.25,26 LALPA chun Mosie kuomah a hril a,
12“Israel thlahai nizât i tiem pha chun, tiem an ninaa an nizât ang peiin, mi tinin ama ta dingin intlanna sum pêk ding a nih, anni i tiem pha anni laia hri a um nawna dingin.
13Intiemnaa tiema um taphawt chun pêng a tih: Hmun Inthieng sum dingin shekel chenve (shekel khat chu gerah sâwmhni a nih), LALPA kuoma thilinhlân dingin shekel chenve bawk pêng a tih.
14Mi tin intiemnaa ṭhang phâk, kum sâwmhniha upa le a chung- tienghai chun LALPA thilinhlân a pêk ding a nih.
15In hringna ta dinga intlanna siem dinga LALPA kuoma thilinhlân in pêk pha chun hausa khawmin shekel chenve nêka tam pe naw nih a, pasie khawma chu nêka tlâwm chu a pêk ding a ni nawh.
16Israel thlahai kuoma inthawkin intlanna sum chu lâng i ta, intuokna puon in rawngbâwlna dingin hmang i tih; in hringna ta dinga intlanna siem dinga LALPA hmaha Israel thlahai ta dinga hriet zingna a ni theina dingin,” tiin.
Maihûn chu
17LALPA chun Mosie kuoma chun a hril a,
18 #
Ex 38.8 “Insâwpna dingin, dâr maihûn, a ṭhut khawm dârin i siem bawk ding a nih. Mâichâm le intuokna puon in inkâra chun sieng i ta, a sûnga chun tui sie bawk i tih.
19Aron le a naupasalhai chun chutaka chun an kuthai an kehai sâwp an tih.
20Intuokna puon ina an lût ding phain amanih, LALPA kuoma meia thil inhlân raw dinga mâichâm hnaia rawngbâwl dinga an hung phain, tuia chun an insâwp ding a nih, an thi nawna dingin.
21An kuthai, an kehai sâwp an tih.; chuongchun, thi naw ni hai; chun, anni ta dingin kumkhuoha dân nîng a tih, ama le a chithla le an thlahai chen khawmin,” tiin.
Innâlna hriek le riminhnik
22 #
Ex 37.29 Chu naw khawm chu LALPAIN Mosie kuoma chun a hril a,
23“Riminhnik pui deu deuhai la la, murra tui inthieng shekel za nga bûk, thingzungthak riminhnik chu zâtve, chu chu shekel za hni sâwmnga, mafu riminhnik shekel za hni sâwmnga,
24thingzungthak chi dang shekel za nga bûk; hieng hi Hmun Inthieng- a shekel bûk hmang dân ang peiin nîng a ta; chun, oliv hriek hin khat leh;
25hienghai hi chawkpawlin innâl- na hriek inthieng, rim inhniktak, riminhnik siemtu siem dân angtakin siem i ta, chu chu innâlna hriek inthieng nîng a tih.
26Chu hriek chun intuokna puon in le Thuthlung bâwm,
27dawkân le a hmangruo po po, khâwnvar siena le a hmangruo dang po po le riminhnik rawna mâichâm le,
28pumrawhmang thilinhlânna mâichâm le a hmangruo po po le, dâr maihûn le ân ṭhutna le chun nâl i tih.
29Chun, inthiengtak an ni theina dingin inhlân i ta, chu chu tâwk taphawt chu inthieng an tih.
30Chun, Aron le a naupasalhai chu thiempu sina ka hmaha rawng an bâwl theina dingin nâl i ta, inhlân bawk i tih.
31Israel thlahai kuoma chun hril la, ‘Hi hi in thlahai chenin ka kuoma innâlna hriek inthieng nîng a tih.
32Mi narân taksa chunga hrim hrim buok a ni ding a ni nawh a, hi chawkpawl angtak hin, ama ang hi in siem ding a ni nawh: inthieng a nih a, in ta ding khawmin inthieng a ni ding a nih.
33Tukhawm ama angtaka lo chawkpawl amanih, mi narân chunga lo nâl amanih, an um chun, ama chu a mihai laia inthawka sâtthlâk nîng a tih,’ tiin,” a tih a.
34Chun, LALPA chun Mosie kuomah, “Hieng riminhnikhai, stak- te le onikha le galbanam la la; hieng riminhnikhai hi rimtui in- thieng leh bûk intluk seng an ni ding a nih.
35Riminhnik siemtu siem dân angtakin, riminhnik rawmi, rimin- hniktakin, chiha saw, inthieng le faitakin siem i tih.
36A hlek chite vaw thla hlak i ta, kân tuokpuina ding che intuokna puon ina Thuthlung bâwm hmaa chun sieng i ta, i ta dinga inthiengtak a ni ding a nih.
37Hieng chawkpawl dân anga riminhnik i siem chu nanga ta dingin i siem ding a ni nawh a: i ta ding chun LALPA ta dinga inthieng a ni ding a nih.
38Mi tukhawm mâni hmang dinga chuong anga rim nei siemtu chu a mihai laia inthawka sât thlâk nîng a tih,” tiin.
Currently Selected:
FESUOKNA 30: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
