FESUOKNA 29
29
Aron le a naupasalhai inthienna
(Lev 8.1-36)
1 #
Lev 8.1-34 “Tuhin Thiempu sina ka rawng bâwl dinga anni inhlân thieng dinga an chunga i thaw ding chu hi hi a nih: bâwngchal tuoi pakhat le berâmchal pahni demkailo le,
2bei, chawl ṭhanglo le beiphêk chawl ṭhanglo hriek pawl le, beiin- phân chawl ṭhanglo hriek nâl leh, chuongchu bupui beiphit inditakin i siem ding a nih.
3Chun, leikhâwr pakhatah sieng i ta, leikhâwr chu bâwngchal le berâmchal pahni le chun hung la lût i tih.
4Aron le a naupasalhai chu in- tuokna puon in kawtkhâra chun hung ṭhuoi i ta, tuiin însiltir i tih.
5Chun, silfênhai chu lâng i ta, Aron chu zakawchung, zakawfuol, zakawsîng le âwmbel chu inhâktir i ta;
6zakawsîng hrui thiemtaka khâwng chun khit i ta, a lu chunga chun lukâwm sieng i ta, lukâwm chunga chun lukhum inthieng chu sieng i tih.
7Chun, innâlna hriek lâng i ta, a lu chungah buok i ta, ama chu nâl i tih.
8A naupasalhai chu hung ṭhuoi i ta, zakawchunghai inhâktir i ta,
9an kâwng chu kâwngkhiin hrên i ta, lukhim inkhimtir i ta, thiempu nina chu kumkhaw dânah nei an tih: chun, Aron le a naupasalhai chu i hlânthieng ding a nih.
10Intuokna puon in tuola chun bâwngchal ṭhuoi i ta, Aron le a nau- pasalhai chun bâwngchal lu chunga chun an kut innghat an tih.
11Intuokna puon in kawtkhâra chun LALPA hmaah bâwngchal chu that i tih.
12Bâwngchal thisen chu lâng i ta, i kutpârin mâichâm kîhaia chun nâl i ta; chun, a thisen dang po chu mâichâm bula chun bur i tih.
13Chun, a sûng thâu po chu lâng i ta, a thin chunga duorda le, a kalhai pahni le anni tuomtu thâu leh mâichâm chunga chun rawng i tih.
14Bâwngchal sa le, a vun le, a êk ruok chu bûk puoa chun meiin rawng i tih; suol ta dinga thil inhlân a nih.
15Berâmchal pakhat chu la bawk i ta, Aron le a naupasalhai chun berâmchal lu chunga chun an kuthai innghat an tih.
16Berâmchal chu that i ta, a thisen chu lâng i ta, mâichâm chu a vêlin thêng i tih.
17Berâmchal chu ât nawi i ta, a sûnghai le a kehai chu sâwp i ta, a sa âtsa le, a lu le chun sieng i ta;
18 #
Eph 5.2; Phil 4.18 berâmchal chu a pumin mâi- châm chunga chun rawng i tih: LALPA kuoma pumrawhmang thil- inhlân a na, LALPA kuoma meia thil inhlân riminhnik a nih.
19“Chun, berâm chal dang pakhat chu lâng i ta, Aron le a naupasalhai chun berâmchal lu chunga chun an kuthai innghat an tih.
20Chun, berâmchal chu that i ta, a thisen chu lâng i ta, Aron nakâwr changtieng hmawra le a naupasalhai nakâwr changtieng hmawra le, an changtieng kutpui chunga le, an changtieng kepuihaiah nâl i ta; chun, thisen la um po chun mâichâm chu a vêl chun thêng i tih.
21Mâichâm chunga thisen chu innâlna hriek leh lâng i ta, Aron le a silfênhai le, a naupasalhai le an silfênhai chunga chun thêng i ta, ama chu inhlânthieng nîng a tih; a silfên- hai le a naupasalhai le a naupasalhai silfênhai leh.
22Berâmchal thâu khawm chu a ngûm le a sûngbawtu thâuhai leh, a thin chunga a duorda leh, a kal pahni le a tuomtu thâuhai leh, a dâr chang- tieng leh la bawk i tih (inhlânna berâmchal a ni leiin).
23Chun, bei tliem khat, beiphêk hriek pawl tlang khat le, bei inphân pakhat leh; LALPA hmaha chawl ṭhanglo bei leikhâwra chu lâng i ta;
24Aron le a naupasalhai kuthaia chun a rêng chun sie vawng i ta, LALPA hmaha thên thilinhlân dingin thên an tih.
25Chun, chuong chu an kuthaia inthawkin lâng i ta, LALPA hmaha riminhnik dingin, mâichâm chunga chun pumrawhmang thilinhlânin raw hmang i tih: LALPA kuoma meia thilinhlân a nih.
26Aron inhlânna berâmchal ir chu lâng i ta, LALPA hmaha thên thilin- hlân dingin thên i tih; chu chu nanga chan nîng a tih.
27Thên thilinhlân ir le dawmkâng thilinhlân dâr, inhlânna berâmchal ir le dâr dawmkânga thên tah, thiempu chan khawm chu inhlân i tih, Aron le a naupasalhai chan a ni leiin.
28Aron le a naupasalhai chan dinga Israel thilinhlân an pêk zing ding an bat nîng a tih; chu chu an inremna thilinhlânhaia inthawka thiempu chan dinga Israel thlahai inhlân ding chu nîng a tih; LALPA kuoma an dawmkâng thil inhlân chu a nih.
29“Aron silfên inthienghai chu ama hnunga a naupasalhai ta dingin nîng a tih, chuonghaia hlânthieng le hrieknâl an ni theina dingin.
30Hmun Inthienga rawng bâwl dinga a hung pha, ama aia thiempu sin thawtu a naupa chun silfênhai chu ni sari sûng hâk a tih.
31“Inhlânna berâmchal chu lâng i ta, Hmun Inthienga chun a sa chu suong i tih.
32Aron le a naupasalhai chu berâm sa le leikhâwra bei chu intuok- na puon ina kawt bula chun fâng an tih.
33Chuong thil intlanna siemnahai chu anni inhlânna le hlânthiengna dingin fâng an tih, amiruokchu, thil inthieng an ni leiin mi dang chun a fâk ve ding a ni nawh.
34Inhlânna sa le bei a iengkhawm chu zîngkâr chena a um zing chun, a mahla chu meiin rawng i tih, thil inthieng a ni leiin fâk a ni ding a ni nawh.
35Chuong ang chun Aron le a naupasalhai chungah, thu ka pêk che po po ang tak khan i thaw ding a na; ni sari sûng anni chu i hlânthieng ding a nih,
36ni tinin suol ta dinga thil inhlân bâwngchal chu inhlân i tih. Mâichâm ta ding khawm chun suol ta dinga thilinhlân inhlân i ta, chu ta dinga intlanna i siem lai chun, inhlân thiengna dingin, mâichâm chu hriek nâl bawk i tih.
37Mâichâm ta dingin ni sari sûng chu intlanna siem i ta, chun, inhlân i tih; chun, mâichâm chu inthiengtak hung nîng a ta, mâichâm tâwk taphawt chu inthieng ni tâng an tih.
Ni tin thilinhlânhai
(Nam 28.1-8)
38“Hi hi mâichâm chunga i thilinhlân ding chu a nih; berâmte pahni kum khat mi ve ve ni tinin în hlân zie ding a nih.
39Berâmte pakhat chu zîngtieng inhlân i ta, berâmte dang chu zân- tieng inhlân i tih.
40Berâmte pakhat le chun beiphit indi epha hmun sâwma ṭheha hmun khat hriek sâwrsa hin hmun liha ṭheha hmun khat chawkpawl, le dâwnmi thilinhlân dingin uoiin hin hmun liha ṭheha hmun khat inhlân i tih.
41Berâmte pakhat chu zântieng inhlân i ta, LALPA kuoma meia thil- inhlâna riminhnik dingin, zîngkâra dâwnmi thilinhlân ṭhanga fâkmi thilinhlân dân angin thâwng i tih.
42Chu chu i thlahai chena dingin LALPA hmaha intuokna puon in kawtkhâra pumrawhmang thilinhlân chu ni zing a tih; chutaka chun intuokpui ka ti che.
43Chutaka chun Israel thlahai chu intuokpui ka ta, intuokna puon in chu ka ropuinain sukthieng nîng a tih.
44Intuokna puon in le mâichâm chu sukthieng ka ta, Aron le a nau- pasalhai khawm chu thiempu sina ka rawng bâwl dingin sukthieng ka tih.
45Israel thlahai lai chun um zing ka ta, an Pathien nîng ka tih.
46Chun, anni laia ka um zing theina dinga Aigupta rama inthawka ṭhuoi suoktu LALPA an Pathien ka nih ti hrieng an tih; LALPA an Pathien ka ni sih a.
Currently Selected:
FESUOKNA 29: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
