FESUOKNA 28
28
Thiempuhai thuomhnaw
(Ex 39.1-31)
1“I unaupa Aron hi Israel thlahai laia inthawkin ama le a naupasalhai hi, thiempu sina ka hmaha rawng an bâwl theina dingin Aron le Aron naupasalhai, Nadab le Abihu, Eleazar le Ithamar hi i kuomah la tum rawh.
2I unaupa Aron ta dingin mawina ding le ropuina dingin silfên inthieng i siempêk ding a nih.
3Mi, lungrila varna nei, varna thlaraua ka suksiphai po chu, Aron silfênhai siem dingin hril rawh, ama chu thiempu sina ka kuoma rawng a bâwl theina dinga inhlânthieng a ni theina dingin.
4“Hieng hi silfên an siem dinghai chu a nih: âwmbel, zakawsîng, zakaw fuol le zakawchung ṭhuimawi, lu- kâwm le kâwngkhi hi; chun, i unaupa Aron le a naupasalhai chu thiempu sina ka kuoma rawng an bâwl theina dingin silfên inthienghai siempêk an tih.
5Chun, rângkachak zai le sahmul dumpâwl, a êm le seninlâr le pat zai inhmi kawp hmang an tih.
6 #
Ex 39.2-7 “Chun, rângkachak zai le sahmul dumpâwl le, a êm le seninlârin kut- thiemtakin zakawsîng chu siem an tih.
7An khai detna dingin a dârbel pahni, a hmawr hniha ṭhui mat a ni ding a nih.
8Chun, zakawsîng chunga a khitna ṭhuimawi chu siem dân thu- hmun bawka siem, zawm khat a ni ding a na; rângkachak zai le sahmul dumpâwl, a êm le seninlâr le pat zai inhmi kawp ṭhataka siem bawk a ni ding a nih.
9Chun, onik lung pahni lâng i ta, chuhaia chun Israel thlahai hming chu ker i tih;
10an piengzie indawt ang peiin hming paruk chu lung pakhatah, hming paruk dang chu lung danga chun ker i tih.
11Lungkertuin hming namna a ker angin, lung pahnia chun Israel thlahai hming indawt ang peiin ker i ta, rângkachak kerkuokhaia thun dingin siem i tih.
12Israel thlahai ta dinga hriet zingna lunghai dingin, chu lung pahni chu thiempu zakawsîng dâr belhaia chun sieng i ta; chuongchun, Aron chun hriet zingna dingin a liengko pahni chunga chun an hminghai chu LALPA hmaa chun put zing a tih.
13“Rângkachak kerkuokhai siem i ta, rângkachak inthieng khaidiet pahni hruol anga inherthlawp leh;
14chun, khaidiet herthlawphai chu kerkuokhaia chun thun i tih.
15 #
Ex 39.8-21 “Kutthiem takin rorêlna âwm- bel siem i ta, zakawsîng siem dân ang bawk khan siem i tih: rângkachak zai, sahmul dumpâwl, a êm, senin- lâr le pat zai inhmi-kawpin siem i tih.
16Kil li nei a thuo a ni ding a na, a sei tieng khâp khat, a lien tieng khâp khat bawk a ni ding a nih.
17A sûnga chun lung phûm chihai tlar liin phûm i ta, a tlar hmasa tak chu sardion, topaz le karbankle lung,
18a tlar hnina chu emeral, sapphir le endonuk (lunghlu),
19a tlar thumna chu jasinth, agate le amethust,
20a palina chu birul, onik le jasper lung nîng a ta, a phûmna chu râng- kachaka tuom khum seng ni bawk an tih.
21Lunghai chu sawmpahni, Israel naupasalhai hming indawt ang peiin nîng an ta, hmingnamna kerhai angin Israel hnam sâwmpahni hming chu ker ning a tih.
22Âwmbel chunga chun rângka- chak inthieng khaidiet, hruol anga inherthlawp siem i tih;
23chun, âwmbel chunga chun rângkachak kuol pahni siem i ta; chu kuolhai pahni chu âwmbel hmawr pahnia chun inbûk i tih.
24Rângkachak khaidiet pahni chu âwmbel hmawra kuol pahnia chun inbûk i tih.
25Khaidiet pahni hmawrhai chu kerkuok pahnia chun thun i ta, zakawsîng dârbelhai hmatieng panga chun khai i tih.
26Rângkachak kuol pahni siem i ta, zakawsîng deptieng pang sûng, a tlâng sîr chunga âwmbel pahni hmawrhaia chun inbûk i tih.
27Rângkachak kuol pahni bawk siem i ta, zakawsîng hmatieng panga dârbel pahni hnuoitieng pang, a thuo sûnghnung lem hnuoitienga ân tuokna, zakawsîng hrui thiemtaka khâwng inbûkna chung taka khan inbûk i tih.
28Chun, âwmbel chu zakawsînga kawp thlapna dingin le, zakawsîng hrui thiemtaka khâwng chunga chun a um theina dingin âwmbela a kuolhai le zakawsînga a kuolhaia chun hrui dumpâwlin khit mat an tih.
29Chun, Aron chun LALPA hmah- a hriet zingna dingin Hmun In- thienga a fe po leh, a lungkhur chunga rorêlna âwmbela chun Israel thlahai hming chu phur zing a tih.
30Rorêlna âwmbela chun Urim le Thummim inbûk i ta, LALPA hmaha a fe laiin Aron lung chung taka chun an um ding a nih; chuongchun, Aron chun Israel thlahai rorêlpêkna chu LALPA hmaah a lung chunga chun a phur zing zing ding a nih.
31 #
Ex 39.22-26 “Chu zakawfuol chu a dumpâwl vawngin i siem ding a nih.
32A hmawr a lai zâwnah a lu âwng a um ding a na, a lu âwng chu a vêl tuok chun ân ek nawna dingin, indona phâw zakuo angin puon a khâwnga khâwnga tuom ding a nih.
33A hmawr tlânghaia chun thei- bufai dumpâwl, a êm le seninlârin, a hmawr tlâng vêl po poa chun i siem ding a nih; an inkârah rângkachak telnênghai leh,
34zakawfuol hmawr tlâng vêl tuoka chun rângkachak telnêng, theibufai, rângkachak telnêng le theibufai ti anga inkârthlâkin a um ding a nih.
35Aronin rawng a bâwl pha chun chuong ang chun inthuom a ta, a ri chu LALPA hmaa Hmun Inthienga a fe lai le a hung suok lai chun hriet a ni ding a nih, a thi nawna dingin.
36 #
Ex 39.30,31 “Chun, rângkachak inthieng phêk siem i ta, a chunga chun hmingnamna kerhai angin, ‘LALPA TA DINGA INTHIENG,’ ti ker i tih.
37Chu chu hrui dumpâwlin lu- kâwm chungtienga chun khitdêng i ta, lukhim hmatieng panga chun a um ding a nih.
38Aron bâwk chunga chun a um ding a na. Aron chun Israel thlahaiin thilpêk inthienga an ipêk thil inthienghaia suolna um phawt chu phur a tih: LALPA hmaa pawm a ni theina dingin a bâwka chun a um zing ding a nih.
39 #
Ex 39.27-29 “Chun, zakawchung puonzaiin- hmi kil li neia ṭiel khâwng i ta, puonzaiinhmi bawk lukhimin siem i ta; chun, kâwngkhi puon ṭhuimawi- takin siem bawk i tih.
40“Aron naupasalhai ta dinga mawina le ropuina dingin zakaw- chunghai, kâwngkhihai le lukhimhai siempêk i tih.
41I unaupa Aron le a naupasalhai chu inhâktir i ta, anni chu ka hmaa thiempu sina rawng an bâwl theina dingin hriek nâl i ta, namdet i ta, inhlân thieng i tih.
42Chun, an taksa saruokna inkhum dingin kekawr hnuoi siem- pêk i ta, kâwnga inthawka êlpui chen tlung an tih;
43chuong chu Aron le a naupa- salhai chun an bun ding a nih, intuokna puon ina an hung lût phain amanih, Hmun Inthienga rawng bâwl dinga mâichâm an hung hnai phain amanih, suolna phura an thi nawna dingin. Ama le ama hnunga a thlahai chena khawm hi hi dân nîng a tih.
Currently Selected:
FESUOKNA 28: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
