FESUOKNA 22
22
Thil thung nâwk dân hai
1“Miin bâwngchal amanih, berâm inru sienla, lo zawrin amanih lo that sienla; bâwngchal pakhat aia chun bâwngchal panga pêng a ta, berâm pakhat aia chun berâm pali a pêk ding a nih.
2Inru chu ina a lût lai hmuin, vuokin lo thi ta sienla, ama chunga chun thisen phuba um naw nih.
3Ama chunga chun nisa a suok ta chun, ama ta dingin thisen phuba chu um a tih. Inru chun a thung ngei ding a nih. Iengkhawm a nei naw chun ama chu iengkhat inrûk mana zawr ding a nih.
4A thil inrûk chu, bâwngchal amanih, sabengtung amanih, berâm amanih a hringa a kuta hmu a ni chun, a lêthni peiin thung a tih.
5“Miin lo amanih, grêp huon infâktirin, annawleh, a ran chu insuoin mi dang loah intlattir sienla; a lo laia a ṭha tak le, a grêp huon laia a ṭha takin thung a tih.
6“Mei a suok a, ṭhûlah a kâng mat pei a, bu hlum amanih, buvui ngîr lai amanih, lo amanih a kâng hmang chun, mei insuotu chun a thung ngei ding a nih.
7 #
Lev 5.14—6.7; Nam 5.5-8 “Miin a vênghai kuomah tangka amanih, bûrlebêl kawl dinga a pêk a, chu mipa ina inthawka inrûk a nih a, ân rutu chu man a ni chun, a lêt hniin a thung ngei ding a nih.
8Inru chu man a ni naw chun, a in neitu chun a vênghai thuomhnaw chunga chun kutkem a lo hmang le hmang naw fie dingin Pathien#Rorêltuhai ti thei khawm a nih kuomah a hung ding a nih.
9Thil inhmang thubuoi tinah, bâwngchal khawm, sabengtung khawm, berâm khawm, silfên khawm, thil inhmang ieng ienga khawm, mi pakhatin, ‘Hi hi a nih,’ a ti phawt chun, a khingtuokhai ve ve chu Pathien hmaah hung an ta, Pathienin ân thiemnaw chun a vêngpa kuoma chun a lêt hniin thung a tih.
10“Miin a vênghai kuomah sa- bengtung amanih, bâwngchal am- anih, berâm amanih ran hrim hrim enkawl dingin sie sienla, lo thiin amanih, suknatin amanih, khal hmangin lo umin, mi tukhawmin hmu naw hai sien,
11a vênghai thuomhnawhai chungah kutkem a hmang le hmang naw, LALPA hmaa inkhâmna chu an inkârah um ve vêng a ta, chu chu a ran neitu khawm chun pawm a ta; a thung ṭûl naw nih. 12Nisienlakhawm, amaa inthawk- a inrûk hmang a ni chun, a ran neitu chu a thung ding a nih.
13Ramsa ikeinâwi vawng amanih a lo ni chun, hrietfiena dingin hung lâng a ta, keinâwia um ta hnung chu thung ta naw nih.
14“Miin a vênghai ran iengkhawm haw sienla, lo thi amanih, inhliem lo ni sienla, a neitu ṭhanglo a ni chun, a thung ngei ding a nih.
15A neitu a ṭhang ruok chun, thung chuong naw nih a; man neia haw a ni chun haw a ni dân dân chun fêng a tih.
Sakhuo biek dân le um dân ṭha thua inchûktirna
16 #
Dt 22.28,29 “Miin nunghâk inthieng huol la ni lo, thlemin lo zâlpui sienla, a man pêng a ta, a nei ngei ding a nih.
17“A pa chun ama chu a pêk nuom dêr naw chun, nunghâk man ang hu tangka a pek tho ding a nih.
18 #
Lev 20.27; Dt 18.10 “Dawithiemnu chu a hring i phal ding a ni nawh.
19 #
Lev 18.23; 20.15,16; Dt 27.21 “Tukhawm ran rîm taphawt chu sukhlum a ni ngei ding a nih.
20“LALPA ti chau lo pathien dang hrim hrim kuoma inthâwi chu sukbohmang dêr nîng a tih.
21 #
Ex 23.9; Lev 19.33,34; Dt 27.19 Mikhuol chu indiknawtakin i thaw ding a ni nawh a, i suknawmna ding khawm a ni nawh; nang khawm Aiguptaah mikhuol i ni ta kha.
22Hmeithai amanih, fahra chu i sukrimsi ding a ni nawh.
23Ieng kawnga khawm i suk- rimsih a, kei an mi hung ko phawt chun, an mi kona lo hre ngei ngei ka ta;
24ka lunginsenna chu hung lum a ta, kâwlhnâmin that ka ti cheh a; i nuhmei chu hmeithai nîng a ta; i nauhai chu fahra nîng an tih.
25 #
Lev 25.36,37; Dt 23.19,20 “I kuoma ka mihai pasie tukhawm kuomah tangka în pûktir chun, a chunga chun lei inbattirtu ang i ni ding a ni nawh a; ama chunga chun a pung i hnawt kher ding a ni nawh. #ch.25, a zuolkaia sukpungna
26“I vênghai silfên tiemkama i lâk chun nisa tlâk hmain i pêk nâwk ngei ding a nih;
27chu chu a puonsil neisun a nih a, a taksa inkhumna dinga a puon chu a nih; khâwlai am zâl tâng a ta? Chun, kei a mi hung ko pha lo hrieng ka tih, mi lunginsiettheitak ka ni sih a.
28 #
Tt 23.5 “Pathien i hrilsiet ding a ni nawh a, i mihai rorêltu khawm chu ṭawngsie în phur ding a ni bawk nawh.#ch.28, Rorêltuhai hal naw rawh
29 #
Ex 23.16,19; Dt 26.2-11; Ex 13.2,11-16 “I sinthaw ra po poa dâwnmihai le fâkmihaia ra hmasa tak#ch.29,Hebraia a umzie tak a chieng nawh chu în hlân inhnu ding a ni nawh. I naupasalhaia nau lutîr chu i mi pêk ding a nih.
30Chuong ang bawk chun i bâwngchalhai, i berâmhai i thaw ding a nih; ni sari chu a pui leh um an ta, ni riet ni chun ka kuomah i pêk ding a nih.
31 #
Ex 19.6; Lev 11.44; 19.1; 7.24; 17.15 “Ka kuoma chun mi inthieng nîng in ta, chuongchun, ramsahai fâk hnung sa hrim hrim chu fa naw ti niu a, uihai kuomah pe lem in tih.
Currently Selected:
FESUOKNA 22: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
