FESUOKNA 21
21
Suok kawl dân ding
(Dt 15.12-18)
1“Hienghai hi an kuoma i pêk ding dânhai chu an nih:
2 #
Lev 25.39-46; Dt 15.12-18 Hebrai siehlaw în châwk chun, kum ruk sûng i rawngbâwl a ta; a kum sarinaa chun iengkhawm ngai loin, a thlâwnin suok el a tih.
3Ama khâta hung lût a ni chun, ama khâtin suok nâwk el a ta; nuhmei nei tah a ni chun a nuhmei khawm ama leh suok vêng a tih.
4A hotupa chun nuhmei a pêk a, a nuhmei chun naupasalhai le naunu- hmeihai a neipêk chun,nuhmei le a nauhai chu a hotupa ta nîng an ta; ama khâtin suok el a tih.
5Nisienlakhawm, siehlaw chun, Ka hotupa, ka nuhmei le ka nauhai ka hmangai a, zalêna um dingin suok da el ka tih, a ti chun:
6a hotupa chun Pathien#rorêltuhai kuomah hung ṭhuoi a ta, kawtkhâr bienga manih, kawtkhâra manih hung ṭhuoi a ta; a hotupa chun a nakâwr chu thîr zumin ver tlang a ta, kumkhuoin ama rawng chu bâwl tâng a tih.
7“Miin a naunuhmei siehlawnu ni dinga a zawr chun, siehlawpahai suok angin chu minu chu suok thei naw nih.
8A hotupa a suklungawi nawh a, ama chun nei dinga a huol naw chun,#A hotupa ama nei dinga huoltu chu a suklungawi naw chun intlanin inumtir a tih: amânu chu indiklotaka a lo thaw tâk leiin, ram dang mi kuoma zawr sâwng dingin thuneina nei thei naw nih.
9A naupa nuhmei dinga a huol a ni chun, ama chu naunuhmeihai ang bawkin a thaw ding a nih.
10Nuhmei dang ân neitir chun, a bu, a silfên le inneinaa a chan chu a suktlâwmpêk chuong ding a ni nawh.
11Hi thil pathum hi chu minu chunga a thaw naw chun, tangka loin, iengkhawm ngai loin fe suok el a tih.
Kut thlâk thua dân siemhai
12 #
Ex 20.13; Lev 24.17; Dt 5.17; Mt 5.21 “Miin mi dang a vuok a, a thi chun, ama khawm chu sukhlum ngei ding a nih.
13 #
Nam 35.10-34; Dt 19.1-3; Jn 20.1-9 Nisienlakhawm, tum hrimnaa inchân lei ni lo a, Pathienin ama chu a kuta a pêk hrim a ni chun, tlân hmangna ding hmun ruotpêk ka ti che.
14Miin a vênghai tum hrimnaa hlêma sukhlum tuma a thaw ruok chun, ama chu sukhlum dingin ka mâichâma inthawkin ṭhuoi hmang i tih.
15“Tukhawm a nu manih, a pa manih vawtu chu sukhlum ngei ding a nih.
16“Tukhawm mihriem inru chu, a zawr khawmin, amain a umpui a ni khawmin, ama chu sukhlum ngei ding a nih.
17“Tukhawm a pa manih, a nu manih ṭawngsieinphurtu chu sukhlum ngei ding a nih.
18Mi insuol hai sienla, mi pakhat- in mi dang lunga dêngin amanih, a kuttumin amanih chum sienla, ama chu thi loin, tho kâng pei loin zâl el sienla;
19a hung tho nâwk a, hmawl ṭhuna a lâwn thei chun, a vawtu chu insuo phawt ding a nih; a hun sukhmang ai chu thung a ta, a dam var chenin enkawl a tih.
20“Miin a siehlawpa amanih, a siehlawnu amanih hmawlin vaw sien, thi dêr sienla, ama chu hrem ngei ding a nih.
21Nisienlakhawm, ni khat am- anih, ni hni amanih a la dam chun, ama chu hrem ding a ni nawh; siehlaw chu a tangka a ni leiin.
22“Mi an insuol a, nuhmei nau vawn a suknah a, a nau chu a tla chun, sietnain hung zui kher naw sien khawm, chu nuhmeinu pasalin a chunga a phût zât ang ang chu inchawitir ngei ding a nih: chun, rorêltuhaiin ṭha an ti ang chu a pêk ding a nih.
23 #
Lev 24.19-20; Dt 19.21; Mt 5.38 Sietnain a hung zui hlau ruok chun hringna aiah hringna,
24mit aiah mit, ha aiah ha, kut aiah kut, ke aiah ke,
25raw aiah raw, sukhliem aiah sukhliem, vuok aiah vuok pe ve thung i tih.
26“Miin a siehlawpa mit amanih, a siehlawnu mit amanih a vuok a, a suksiet chun, a mit lei chun ama chu iengkhawm ngai loin insuoktir el a tih.
27A siehlawpa ha amanih, a siehlawnu ha amanih a vuok thlawng chun, a ha lei chun iengkhawm ngai loin insuoktir el a tih.
Thil neitu mawphurna
28“Bâwngchalin pasal amanih, nuhmei a sik a, a thi chun, chu bâwngchal chu lunga dêng hlum ngei ding a na, a sa chu fâk a ni ding a ni nawh; bâwngchal neitu ruok chu fihlîm a tih.
29Nisienlakhawm, bâwngchal chu a hma khawmin mi sik hmangtak lo ni tahin, a neitu khawm chu inhriet- tir lo ni ta bawk sienla, ama chun a inah a thlung nawh a, pasal amanih, nuhmei a sukhlum a ni chun, a neitu chu sukhlum nîng a ta, bâwgchal khawm chu dêng hlum ni bawk a tih.
30Ama chu intlanna phût a ni chun, a hringna ta dinga intlanna a kuoma phût ang taphawt chu pêng a tih.
31Naupa amanih, naunu sik a ni khawmin hi dân bawk hi a chungah hmang nîng a tih.
32Bâwngchalin siehlawpa am- anih, siehlawnu a sik chun, a neitu chun an hotupa kuoma chun shekel tangka sâwmthum pêng a ta, chun, bâwngchal chu dêng hlum nîng a tih.
33“Miin khur hawngin amanih, miin khur choin nel nâwk naw sienla, chutaka chun sabengtung amanih, bâwngchal tla ta sienla,
34a khur neitu chun thung a ta; a ran neitu kuoma chun tangka pêng a ta, ran thi chu ama ta ni tâng a tih.
35“Mi pakhat bâwngchalin mi dang bâwngchal suknain lo thi ta sienla, bâwngchal la dam chu zawr an ta, a man chu insem an tih; chun, a thi khawm chu insem bawk an tih.
36Bâwngchal chu a hma khawma mi sik hmang a ni ti hriet sa a ni ruok chun, a neituin a inah a thlung naw a ni chun, bâwngchal aia chun bâwngchal ma a pêk ngei ding a nih; chun, ran thi chu ama ta ni tâng a tih.
Currently Selected:
FESUOKNA 21: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
