FESUOKNA 20
20
Thupêk Sâwm
(Dt 5.1-21)
1Pathienin hieng thuhai po po hi a hril a,
2 #
Dt 5.6-21 “LALPA in Pathien, Aigupta ram, suok nina ina inthawka ṭhuoi suoktu cheu ka nih.
3 #
Ex 20.23; Dt 5.7 Kei naw chu pathien danghai hrim i nei ding a ni nawh.
4 #
Ex 20.23; 34.17; Lev 19.4; 26.1 Milim siem fâwm, chungtieng vâna mi amanih, hnuoitieng leihnuoia mi amanih, hnuoi hnuoitienga tuia mi amanih, a ieng angpui khawm i ta dingin i siem ding a ni nawh.
5an kuoma chun kûnin an rawng i bâwl ding a ni nawh: LALPA i Pathien hi Pathien thikthusetak, pahai khawhlona chu nauhai chunga hung intlungtir hlaktu, a mi theida- tuhai chu an thla sâwng thum le sâwng li chen chunga khawm, hung intlungtir hlaktu le
6 #
Ex 23.24; 34.6,7,14; Dt 4.24; 5.9,10; 7.9 a mi hmangaituhai le ka thupêk hai zâwmtuhai sâng tamtak chunga zângaina inentirtu chu ka ni sih a.
7 #
Lev 19.12; Dt 5.11 LALPA i Pathien hming a thlâwnin i sâm mei mei ding a ni nawh; ama hming a thlâwna sâm mei meitu chu LALPA chun suol loah a ngai naw ding a ni sih a.
8 #
Ex 23.12; 31.12-17; 34.21; 35.2,3; Lev 19.3; Dt 5.12-15 Châwlni chu vawng inthieng dingin hre zing rawh.
9Ni ruk sûng sin thâwng i ta, i sin po po chu thâwng i tih.
10Ni sari ni ruok chu LALPA i Pathien kuoma châwlni a nih; chu ni chun ieng sin khawm i thaw ding a ni nawh a, nang khawmin, i naupa khawmin, i naunu khawmin, i siehlaw- pa khawmin, i siehlawnu khawmin, i ran ruol khawmin, i kawtkhâr sûnga khuolzintu khawmin a thaw ding a ni bawk nawh:
11ni ruk sûngin LALPA chun vân le hnuoi, tuipui le an sûnga um po po le chun a siem zo vawng a, a ni sari ni chun a châwl sih a; chuongchun, LALPAIN châwlni chu mal a sâwm a, ân ser tah a.
12 #
Lev 19.3; Dt 5.16 I nu le pa chawimawi rawh: LALPA i Pathienin a pêk che ram- a hin i nihai chu a sâwt theina ding- in. #Mt 19.18-19; Mk 10.19; Lk 18.20
13 #
Gen 9.6; Ex 21.12; Lev 24.17; Dt 5.17; Mt 5.27; Rom 7.7 Tuol i that ding a ni nawh.
14 #
Lev 20.10; Dt 5.18; Mt 5.27; Rom 7.7 I uire ding a ni nawh.
15 #
Lev 19.11; Dt 5.19 În rûk ding a ni nawh.
16 #
Ex 23.1; Dt 5.20 I vênghai chungah hrietpuina inkhêl i hril ding a ni nawh.
17 #
Dt 5.21; Rom 7.7 I vênghai in în hnar ding a ni nawh; i vênghai nuhmei amanih, a siehlawpa amanih, a siehlawnu amanih, a bâwngchal amanih, a sabengtung amanih, i vênghai thil nei hrim hrim chu în hnar ding a ni nawh,” tiin.
Mipuihai ṭîna
(Dt 5.22-33)
18Mipui po po chun vâninrûmhai, ṭêktlahai, tawtawrâwt ri le, tlâng khu suok chu an hmu chun mipui chu an inthin a, hlatakah an ngîr a.
19Anni chun Mosie kuomah, “Nangin kan kuomah thu hril la, ngai kan tih; Pathien ruok chun kan kuomah thu hril naw raw se. Chuong naw chun thîng kan tih,” an tih a.
20Mosie chun mipui kuomah, “Ṭi naw ro. Pathien ṭiumna chu in hmuha in suol nawna dingin nangni infiena ding cheuin ama chu a hung a ni sih a,” a tih a.
21Mipui chu hlatakah an ngîr a, Mosie chun Pathien umna inthim samup tieng chu a va hnai tah a.
Mâichâm dânhai chu
22LALPA chun Mosie kuomah, “Hieng ang hin Israel thlahai kuom- ah hril rawh: Nangni ngeiin vâna inthawka ka hung biek ta cheu ti in hmuh a.
23Keima le biek ding pathien danghai in insiem ding a ni nawh a, in ta dingin tangkaraw pathienhai, rângkachak pathienhai in siem ding a ni bawk nawh.
24 #
Ex 27.1-8; Dt 12.3; 26.2; 20.15; 27.5,6 Ka kuomah leihnuoiin mâichâm siem i ta, chu chunga chun rawhmang thilinhlânhai, inremna thilinhlânhai le, i berâmhai le i bâwngchalhai chu hung inhlân i ta; ka hming hriet zing dinga ka tina chun i kuomah hung ka ta, mal sâwm ka ti che.
25Lung mâichâm i mi siempêk chun, lung cherhaiin i bâwl ding a ni nawh; a chungah hriemhrei în let chun i sukpawrche a nih.
26I saruokna chu hmu a ni nawna dingin, kailâwnhaiin ka mâichâma chun i hang kai ding a ni bawk nawh.
Currently Selected:
FESUOKNA 20: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
