THUHRILTU 1
1
Iengkim a thlâwn vawng a nih
1Jerusalema lal, David naupa Thuhriltu thuhai chu:
2“Teplohai teplo, Thuhriltu#Tev—Mivar (philosopher) ti a nih chun, teplohai teplo!
Thil po po hi teplo a nih,” a ta.
3Miin a sininrimna, nisa hnuoia a sininrimna po poa chun ieng am hlâwkna a hmu a?
4Suon#Thla, Suon (Generation) khat a fe liem a, suon dang a hung suok a;
Leihnuoi ruok hi chu a um ngaiin a um zing a.
5Nisa chu a hung suok a, nisa chu a tla nâwk a,
A hung suokna hmun ma chu a tlung nâwk vak a.
6Thli chu simtieng a hrâng a, hmartieng a kîr nâwk a.
A vêl a vêlin thli chu a hrâng a,
Chu thli chu a fe kuolnaa bawk chun a kîr nâwk a.
7Vadunghai po po chu tuisuorietah an luong lût a,
Anachu tuisuoriet chu a sip nawh a:
Vadunghai chu an hung suokna hmun tiengah, chutieng ma chun an kîr nâwk a.
8Thil po po hi inrimna el#Ningteluma sip a nih; miin a hril thei nawh;
A hmua hmuin mit chu a tlai ngai nawh a,
A hrieta hrietin na khawm chu a sip ngai bawk nawh.
9Thil ni tasa kha, thil la hung ni ding chu a na;
Thaw tasa kha la thaw ding chu a nih:
Nisa hnuoia hin thil tharlâm hrim a um nawh.
10Miin, “En ta, hi hi a thar a nih” an ti ding thil hrim a um am a nih?
Einihai hmaa#Eini hun (age)hma lo um ta dai ruok an nih;
11Hi hma thilhai hriet zingna a um nawh a,
La hung um ding thilhai khawm chu Suon hung um dinghai laia tukhawmin hre zing chuong naw nih.
Thuhriltu thil hmusuokhai
12Kei Thuhriltu hi Jerusalema Israelhai chunga lal ka ni tah a.
13Vânkhuphnuoia thil thawa um ta po po chungthu chu varnaa zawnga zawng suok dingin ka lungril ka lo hmang tah a; Pathienin mihriem nauhai buoipui dinga a pêk chu sin rinumtak a nih.
14Nisa hnuoia sin thawa um tahai po po chu ka hmu tah a; chun, ngai ta, thil po po chu teplo el, lungril sâwlna el a nih.
15A kâwi ta hlak chu siem tlûn thei a ni nawh a, Chun, a um naw hlak tiem el thei a ni hliek nawh a.
16Ka lungrilin, “Ka hmaa Jerusa- lema umhai po po nêkin varna ka nei nasa lem a nih, ka lungril khawmin hrietthiemna le varna nasatak a nei a,” ka tih a.
17Chun, intlâwkna le invêtna hre dingin le, varna chu hre dingin ka lungril ka sêng a; hi khawm hi nuom- hmanglo#Thli hnawt ang chau el a niin ka hriet tah a.
18Varna tamtak umnaa chun lungngaina tamtak a um veh a;
Hrietna insukpungtu khawm chun lungngaina ân sukpung bawk a nih.
Currently Selected:
THUHRILTU 1: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
