Popular Bible Verses from THUHRILTU 1

Share

Varna tamtak umnaa chun lungngaina tamtak a um veh a; Hrietna insukpungtu khawm chun lungngaina ân sukpung bawk a nih.

Thil ni tasa kha, thil la hung ni ding chu a na; Thaw tasa kha la thaw ding chu a nih: Nisa hnuoia hin thil tharlâm hrim a um nawh.

Thil po po hi inrimna el a nih; miin a hril thei nawh; A hmua hmuin mit chu a tlai ngai nawh a, A hrieta hrietin na khawm chu a sip ngai bawk nawh.

“Teplohai teplo, Thuhriltu chun, teplohai teplo! Thil po po hi teplo a nih,” a ta. Miin a sininrimna, nisa hnuoia a sininrimna po poa chun ieng am hlâwkna a hmu a?

Nisa hnuoia sin thawa um tahai po po chu ka hmu tah a; chun, ngai ta, thil po po chu teplo el, lungril sâwlna el a nih.

Suon khat a fe liem a, suon dang a hung suok a; Leihnuoi ruok hi chu a um ngaiin a um zing a.

Hi hma thilhai hriet zingna a um nawh a, La hung um ding thilhai khawm chu Suon hung um dinghai laia tukhawmin hre zing chuong naw nih.

Chun, intlâwkna le invêtna hre dingin le, varna chu hre dingin ka lungril ka sêng a; hi khawm hi nuom- hmanglo el a niin ka hriet tah a.