THUVARHAI 31
31
Lal ta dinga infuina
1Lal Lemuel thuhai chu; thuvar a nuin ama a inchûktir chu.
2Ieng am, ka naupa?
Ieng am, ka sul ra ka naupa?
Ieng am, ka thutiemhai naupa?
3 #
Dt 17.17; Neh 13.26 Nuhmeihai kuoma chun i hrâtna pe naw la,
Lalhai sukbohmang hlaktu kuoma chun i
lampuihai pe bawk naw rawh.
4 #
Ttu 10.17 Aw Lemuel, uoin dâwn hi lalhai ta ding a ni nawh a, lalhai ta ding a ni nawh;
Lal naupahai#Ka ṭawngṭâina naupahai khawm chun,
“Zu khâw lai am a um a”? ti ding an ni nawh.
5 #
Hos 4.11 Inrui hlau an ta, dân chu theinghil an ta,
Suknawmnata um tukhawm ta dinga rorêlna chu her kâwi hlau an tih.
6Bohmang el dinga inzosa zing kuoma chun zu chu pe la,
Lungrila rimsi kuoma chun uoin chu pe rawh.
7Indâwntir la, a tlâksamna chu theinghil raw se,
A pasietna chu hre zing bawk ta naw raw se.
8Ṭawngtheilo ta ding chun i bau ka la,
Chuong ang po po chungthua chun rausana mâksan an nih.
9I bau chu ka la, feltakin ro chu rêl la,
Chun, tlasamhai le pasiehai ta ding chun rorêlna rawng chu bâwl rawh.
Nuhmei ṭha inpâkna
10Nuhmei ringum chu tuin am hmu thei a ta?
A hlutna chu lung mantamhai nêkin ân sâng dai sih a.
11A pasal lungril chun ama chu a ring a,
Hlâwkna tlâksamna hrim hrim nei naw nih.
12Amanu chun a dam sûng nihaia po po chun,
Ama chu a thaw ṭhah a, a sukṭha naw ngai nawh.
13Pat le sahmul dâm chu a zawng a,
A kuthai chun thafântakin sin a thaw hlak.
14Amanu chu sumdâwng mi lawnghai ang a na,
Hlataka inthawkin a bu chu a hung lâk hlak.
15 #
Rom 12.11; Lk 12.42 Zân a lân thim lai khawmin a tho a,
A sûngkuohai ta ding chun bu a pêk hlak a,
A siehlawnuhai ta dingin an chanpuol chu a pêk hlak.
16Lo chu a ngaituoh a, ân châwk a.
A kuthai rasuok chun an grêphrui#grephuon a phun a.
17Hrâtnain a kâwng chu a hrên a,
A kuthai chu a sukhrât a.
18A sumdâwngna chu a hlâwk a nih ti chu a hmuh a,
A khâwnvar chu zâna khawm chun a thi ngai nawh.
19A kuthai chu sûthlâmah ân nghat a,
A kuthai chun hmuithal chu a chel a.
20 #
Eph 4.28; Heb 13.16 Mi pasiehai tienga chun a kut chu a phar a;
Anih, mi tlasamhai chu a kuthai chu ân tlungtir hlak.
21A insûng ta ding chun vûr chu a ṭi nawh a,
A insûng sûngkuohai po po chu sen inlâra inthuom an ni sih a.
22Ama ta ding chun puon kawp ta ṭiel ṭhungphahai a siem a,
A silfên chu puon zai inhmi kawp dumpâwl a nih.
23Daikawtkhârhaia chun a pasal chu hriet a na,
Ram upahai laia a ṭhung lai khawm chun.
24Puon zai inhmi silfênhai a siem a, a zawr a,
Dâwrkaihai kuoma chun kâwngkhihai a pêk a.
25Hrâtna le inzaumna chu a silfên an na,
Hun la hung tlunga ding khawm chun ân nui a.
26Varna leh a bau chu a kah a;
Lunginsietna inchûktirna chu a leia chun a um a.
27A insûng ta dinga lampuihai chu ṭhatakin a en a,
Thabona bei hrim hrim chu a fâk ngai nawh.
28A nauhai chu an tho a, ama chu vângnei an ta,
A pasal khawm chun, ama chu ân pâk a;
29“Naunuhmei tamtakhai chun ringumtakin an thaw tah a;
Amiruokchu, nang chun an rêngin i khûm vawng a,” tiin.
30Ditsakna hi hmusitum a na, mawina khawm hi teplo mei mei a nih,
Amiruokchu, nuhmei LALPA ṭitu chu, ama chu inpâkin um a tih.
31A kuthai rasuok chu ama chu pe la,
Dâikawtkhârhaia chun a sinthawhai chun ama chu inpâk raw se.
Currently Selected:
THUVARHAI 31: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
