TITAS 3
3
1Uktu hna le nawlngeitu hna tangah um in, an nawl ngaiding le, ṭhatnâk phunkip tuah awkah timhcia te i um ding le, 2ahosinhmanh ah bia chia-khâ chimlo ding le, dai te i um awkah, nunnemnâk in mi vialte sinah toidarnâk vialte langhter dingin theihter ṭhân hna. 3Zeitintiah kanmah zong hlan ah mihrut, nawlngailo, hlenmi, nomhhnaihnâk le duhnâk phunkip tuahmi, mi hnachuah le huat tlai ngai le pakhat le pakhat â huami kan rak si. 4Asinain kan Khamhtu Pathian dawtnâk le velngeihnâk cu minung cung i a langh tikah, 5dinnâk in tuahmi, kanmah hrimhrim nih kan tuahmi ruangah si loin, hrinṭhannâk i kholhthiannâk le Thiang thlarau tharchuahnâk in a velngeihnâk in Amah nih a kan khamh, 6cucu kan Khamhtu Jesuh Krih thawngin kan cungah duhdim tein Amah nih a kan toih, 7cuticun zungzal nunnâk ruahchannâk ningin rocotu kan si khawh nâkhnga a zângfahnâk i thiamcoter kan si. 8Hihi zumhawk a tlâkmi bia, nangmah zongnih na fehter lengmang awkah ka duh, Pathian a zum cangmi hna nih thilṭha tuah peng dingin ṭha tein ruat hna seh. Hi thil hna hi minung caah a ṭha i san a tlai. 9Asinain hruh thil i buaibainâk le pupa hna kong hlathlai le elhnialnâk le nawlbia kong i el-len kha hrial hna, cu hna cu ṭhathnemnâk le santlaihnâk an ngei lo. 10Zumhnâk dang a ngeimi cu chimhring law, voi hnih tiang na chimhhrin hnu ah ngol tâk. 11Cubantuk mi hna cu ruahnâk ngawi le a sual pengmi an si i mah le mah thiamlo â cotermi an si 12Artemas maw, Taikhikhas maw na sinah ka rak thlah tikah Nikopolis khua ah ka sinah rat i zuam te, zeitintiah cuka ah khuasik chung um kâ tim. 13Nawlbia thiam Zenas le Apollo hna zong zeihmanh khualtlawn nâkah chambau in an um sual nâkhnga lo a rannâk in ratter hna. 14Cun kanmi le hna zong theipar chauh loin an um nâkhnga lo an herhnâk zawn i hman awk an ngeih khawh nâkhnga rianṭha ṭuan pengin um hna seh. 15Ka sin i a ummi vialte nih nakut an in tlaih, zumhnâk i a ka dawtu kha an kut ka tlaihpiak hna. Nan dihlak cungah zângfahnâk um ko seh. Amen.
Currently Selected:
TITAS 3: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
