TITAS 2
2
1Nang tu cu cawnpiaknâk dik he â tlâkmi bia kha chim: 2putar kha lungfim te le hmaizah awktlâk, â uk khomi, a dikmi zumhnâk le dawtnâk, toidornâk he um dingin cawnpiak hna; 3pitar zong cubantuk hmaizah awktlâk in nung hna sehlaw, mi kong ceih a hmang lomi, misurhang rit a hmang lomi, ṭhatnâk cawnpiaktu si hna seh, 4nutung no deuh kha an va le an fale a daw i 5biachim â ralringmi, a thiangmi, chungkhar kilkhawitu le ṭha te i um ding le an va le nawl ngai dingin, cawnpiak hna, cucu Pathian bia hi thangchiat i a um sual nâkhnga lo caah a si. 6Cubangin tlangval zong ruahnâk felfai ngei dingin tha pe hna, 7thilṭha tuahnâk ah a lamkip in mi zohchunh awkin um law, cawnpiaknâk ah nâ biataknâk, hmaizahmi sinâk le hrawhkhawh lomi na sinâk kha langhter, 8a kan dohtu hna nih thangchiatnâk ding zeihmanh an hmuhlo ruang i an ning a zah nâkhnga sawi awk umlo bia dawh kha hman i zuam. 9Ṭemmi-sal hna nih anpu le nawl ngai hna sehlaw, zeithil pauh ah anmah lawmhter ding le, an pule bia let lo ding le, 10kutkem ngei loin, zumhtlâk ansinâk tu langh terin, a lamkip in a kan Khamhtu Pathian cawnpiaknâk hi an dawhter khawh lai. 11Zeitintiah khamhnâk phâkpitu Pathian zângfahnâk cu mi vialte sinah a lang cang, 12cu nih cun vawlei-lei duhnâk, Pathian-zeirellonâk hi hlawt in atu lio cân ah nunning thiam in felfai tele Pathian-ṭihzah in kan nun nâkhnga a kan cawnpiak. 13Ruahchannâk duhnung, a lianngan mi kan Pathian le kan Khamhtu Jesuh Krih sunparnâk he â langhnâk kha kan cuan. 14Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe. 15Nawlngeihnâk vialte he cu thil hna cu chim hna, tha pe hna law si hna. Ahohmanhnih in zomhtaih hna hlah seh.
Currently Selected:
TITAS 2: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
