SÂM 143
143
1Maw BAWIPA, ka thlacamnâk ka ngaihpiak law, zângfah kan halnâk hi ka ngaih piak ko; zumhtlâk na sinâk le na dinnâk in ka let hrâm ko. 2Na sal hi bia ka ceih sawh hlah, zeitintiah na mit hmuh ah a dingmi ahohmanh an um lo. 3Zeitintiah ral nih ka nunnâk hi a serhsat, ka nunnâk hi vawlei ah a khuai dih i a thi diam cangmi bantukin muihnâk chungah an umter. 4Cucaah ka chung lei thlarau nun hi a ba i ka lungthin hi ka chung ah a hrûm ai. 5Hlan lio cân hna ka ruahṭhân. Na tuahmi vialte kha ka hun ruahṭhân i na kut chuak hna kha ka ruah tawn hna. 6Ka kut hi na sinah ka thlir tawn, tihâlnâk ram bantukin ka nunnâk nih nangmah an hâl.
(Selah)
7Maw BAWIPA, khulrangin ka let, ka thlarau a ba; ka sin in na hmai cu thup sawh hlah; culoahcun khor chung i a tlami bantuk ka si sual lai. 8Zing ah naduhdawtnâk kong ka theihter, zeitintiah nangmah kha kan bochan; ka kalnâk ding lam cu ka hngalhter tuah; zeitintiah ka nunnâk nih nangmah an zoh. 9Maw BAWIPA, ka ral hna chungin ka khamh. Nangmah cu ka himnâk na si. 10Na duhnâk tuah awkah ka cawnpiak, zeitintiah nangmah cu ka Pathian na si. Na Thlarau cu a ṭha. Diknâk ramah ka hruai ko. 11Maw BAWIPA, na min ruangah ka hlauhter ko, zeitintiah na dinnâk thawngin ka harnâk chungin ka chuahter hram ko. 12Na vêlngeihnâk thawngin ka ral kha hrawkdih hna law, ka nunnâk a buaitertu vialte kha hrawkdih ko hna; zeitintiah na sal ka si.
Currently Selected:
SÂM 143: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
