SÂM 142
142
1Ka aw in BAWIPA cu a auh i BAWIPA sinah zângfah hal in ka au. 2Ka vansannâk kong a sinah ka bungh i a sinah ka harnâk kong ka phuan. 3Ka thlarau ka chung i a bat lio ah, ka zulhmi lam na hngalh; ka kalnâk lamah a thli in rap an chiah. 4Ka orhlei hi mer hnawh law, zohtuah, ahohmanh aka hngalmi an um lo; himnâk hmun ka ngei lo i ka nunnâk zawn ruattu an um lo. 5Maw BAWIPA, na sinah ka au. “Nangmah cu ka himnâk le, minung hna ram i ka covo na si,” tiah ka ti. 6Ka aunâk aw hi ka ngaihpiak, zeitintiah ka dirhmun a niam tuk cang; aka serhsattu hna sin in ka khamh, zeitintiah keimah nâkin an ṭhawng deuh. 7Na min ka thangṭhat khawh nâkhnga, thong chungin ka chuahter; miding zong nih anka kulh cang lai, zeitintiah ṭha tein naka zohkhenh lai caah.
Currently Selected:
SÂM 142: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
