PHUNGTHLÛKBIA 24
24
1Misual hngar hna hlah, an sin zongah i tel hlah. 2Zeitintiah poipang tuahding lawng an ruat i mi buainâk ding lawng an ruat. 3Fimnâkin inn cu sak a si i theihthiamnâk in fehter a si. 4Hngalhnâk in a dal chung hna cu rosung le duh a nungmi in khahter a si. 5Mifim cu a ṭhawng, asi, hngalhnâk a ngeimi nih thazâng a karhter. 6Zeitintiah fimnâk i remruatnâk in naral na tei lai i remruattu tam nâkah himnâk a um. 7Fimnâk hi mihrut caah cun a sangtuk i kutka hramah chim awk a hngal lo. 8Ṭhatlonâk tuah a timtu cu, ‘Ṭhatlonâk khuakhangtu’ tiah kawh a si lai. 9Mihrut hna ruahnâk cu sual a si, nisawh a hmangmi cu minung ca zongah fihnung a si. 10Vansan ni ah na buhri ahcun, na thazâng a tlawmtuk tinâk a si. 11Thi ding i an hruaimi hna cu khamh hna law, thah awkah an hruaimi hna cu chanh hna u. 12Ngaihhmanh, “Hihi cu ka hngal lo,” na ti ahcun, lungthin cuai thlaitu nih a ruat hnga lo maw? Na nunnâk kilvengtu nih a hngal lai lo maw? Mi kip tuahning cio in a cham hna lai lo maw? 13Ka fapa, khuaihliti hi ei, zeicatiah a ṭha; thaw nati ngaimi khuaithlar kha ei. 14Cubantukin hngalhnâk le fimnâk zong na nunnâk caah siseh; nahmuh tik ahcun, ruahchan awk a um i na ruahchannâk cu pakpalawng a si lai lo. 15Maw misuaksualpa, miding umnâk kha bawh hna hlah; â dinhnâk hmun zong rok hlah. 16Zeitintiah miding cu voisarih tiang a tluk hmanhah a tho ṭhân lai, asinain misuaksual cu rawhralnâk ah a tlu thai lai. 17Na ral a tluk tikah i lawm hlah, â chuihbah lio ah na lungthin rak i nuam hlah seh. 18Culoahcun BAWIPA nih a hmuh ko i â lawmlo sual lai, cun a sinin a thinhunnâk zong a daihter khawh ko. 19Ṭhatlonâk tuahtu hna ruangah i batter duh hlah, misuaksual hna zong hnahchuah hna hlah. 20Zeitintiah mi ṭhalo hna caah ruahchan awk a um lo, misuaksual meiin cu hmihpiak a si lai. 21Ka fapa, BAWIPA le siangpahrang cu ṭihzah hna, â thleng lelek mi hna cu kawm hna hlah. 22Zeitintiah chikkhat te ah an rawhralnâk a rak phân lai, an pahnih in zeibantuk chiatnâk dah a phakter tiah ahonihdah a hngalh? 23Hi hna zong hi mifim mi hna ta an si, biaceihnâk i thleidan ngeih hi a ṭha lo. 24Misuaksual sinah, “Nang cu na ding” a timi cu, mikip nih chiat an serh lai i miphun kip nih an fih lai. 25Asinain misuaksual nunchimtu nih bomhnâk a ngei lai, a cungah thluachuahnâk ṭha a phân lai. 26Dik ngai in a lettu nih a hmur a hnamh. 27Lenglei na rian timtuah law, na lo rianṭuan awkah i timlâm, cu hnu ah na inn na sak lai. 28Chan um lo in na innpa ralchanh in biahngaltu va si hlah, zeitintiah na hmurkâ in na hlen lai maw? 29“Ka cungah a tuah bangin a cungah ka tuah ve lai, a ṭuanmi he â tlâkin ka pêk lai,” tiah ti hlah. 30Thathu mi lo ah ka kal i theihthiamnâk a ngei lomi misur dumah ka kal, 31Hling nih a zelh dih hna, a chung cu a bua tuk i a kulhnâk lung zong an cim dih. 32Ka zoh peng i ṭha tein ka ruat, cawnpiakmi a ngei tiah ka hngalh. 33Hun zau ko rih ning, van i chinhta ko rihning, kutsih in i din rih ko ning, na ti lio ah. 34Sifahnâk nih zanvâk bangin an nam lai i chamhbaunâk nih ralkap bangin an nam lai.
Currently Selected:
PHUNGTHLÛKBIA 24: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
