KOLOSE 4
4
1Hotu le hna nannih zong vanah hotu nan ngei ti kha hngal in nan sal le sinah dik le ṭha tein tuah u. 2Thla cam lengmang u law, ṭha te i ruah buin lawmhnâk bia chim u. 3Kan ca zongah thla rakcam ve u, cikcin khih ka si chan Krih biathli ka phuan khawh nâkhnga le, cu bia cu phuang dingin ka ca i lam â on lengmang nâkhnga le, 4ka chim hngami kha ka chim khawh nâkhnga ka nawl piak u. 5Lenglei mi hna lakah fim ngaiin um u law a herh ningin cân rem kha hngak u. 6Nan chimmi pauh ah cite in al termi zângfahnâk telhchih zungzal u law, cuticun mikip sinah zeitindah leh ding a si ti kha nan hngalh lai. 7Ṭaikhikhas kan unau dawtmi, rianṭuantu zumhtlâk, Bawipa i kan sal hawi a simi nih ka konglam vialte an chimh hna lai. 8Cucaah amah hi nan sinah ka rak thlahnâk chan cu a si, kan thawng nan rak theihnâk thawngin nanlung hna a ngam khawh nâkhnga. 9Onesimas unau zumhtlâk le dawtmi nanmah chungmi kha â rak tel ve. Amah nih hi ka lei thil sining cu a dih um nâkin an chimh hna lai. 10Aristarkhas, thong i ka tlâkpi hawi nih nan kut an tlaih hna: Marka Barnabas tupa zong nih nan kut an tlaih hna, (amah kong i tuahawk thil ka chim cang kha: nan sin a rat tikah rak cohlang u). 11Cun Jesuh Justus timi nih nan kut an tlaih hna. Hi hna lawng hi cuarpar tanmi hna sinin Pathian pennâk ca i ka ṭuanpi mi an si, ka hna ngamtertu taktak an si. 12Epafaras nanmah chungmi, Krih Jesuh ah ṭemmi sal nih nan kut an tlaih hna. Pathian duhning in lamkip i nan um i tlam nan tlin khawh nâkhnga, fak piin nan caah thla camtu a si. 13Zeitintiah nanmah ca le Loadisia mi hna ca le, Heiropalis i a ummi hna caah ṭhahnem a ngaihning ka hngalhpi. 14Luka dawtmi sibawi le Demas nih nan kut an tlaih hna. 15Loadisia i a ummi unau hna kha an kut ka tlaihpiak hna u. Nimfa le a inn i kawhhran hna kha an kut ka tlaihpiak hna u. 16Cubangin hi cakuat hi nan rel dih in Loadisia kawhhran zong relter ve hna u: nannih zong nih Loadisia khua i cakuat kha rak rel ve u. 17Cun Arkhippas sinah, “Rianṭuannâk Bawipa sinin na hmuhmi kha lim dingin i ralring,” tiah nan rak ti lai. 18Keimah Paul nih, ka kut hrimhrim i ṭialin nan kut kan tlaih hna. Ka cikcin hi philh hlah u. Zângfahnâk nan sinah um ko seh. Amen.
Currently Selected:
KOLOSE 4: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
