1THESALON 1
1
1Paul, Silvanas le Timote nih Pa Pathian le Bawipa Jesuh Krih ah Thesalon kawhhran hna sinah: Pa Pathian le Bawipa Jesuh Krih sinin zângfahnâk le daihnâk nan sinah um ko seh. 2Kan thlacamnâk ah nanmin chim in, nan dihlak caah Pathian sinah lawmhnâk bia kan chim tawn, 3zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein, 4dawtmi unau hna Pathian thimmi nan si kha kan hngalh. 5Zeitintiah kan thawngṭha hi bia lawngin nan sinah a phân lo i ṭhawnnâk le Thiang thlarau he, hngalhfiannâk tampi he a phânmi a si, nanmah zawn ruahah nan sin kan um lio ah zeibantuk minung ah dah kan i can ti kha nan hngalh bangin. 6Cun harnâk fakpi temtuar buin bia kha cohlâng in Thiang thlarau ah lawmhnâk he Bawipa le kanmah zultu ah nan i cang, 7cuticun Masidonia le Akai ram i zumtu vialte caah zohchunh awktlâk nan rak si. 8Zeitintiah Bawipa bia cu nan sinin a thang i Masidonia le Akai ram lawngah si loin ramkip ah a thang dih. Pathian nan zumhning hi a thang ngai ngai i kan chim len hmanh a herh lo. 9Zeitintiah nan sin kan rat lio i nan kan cohlan ning le, milem kaltâk in Pathian leiah nan i mer ning, Pathian nung le a dikmi rian ṭuan dingin nan i pek ning, 10A Fapa, thihnâk in a thawhter i a ra laimi thinhunnâk chungin a kan khamhtu Jesuh vanin a rat lai nâk hngahhlang ngaiin nan cuanhning hna cu anmah hrim hrim nih an chim lênmi a si.
Currently Selected:
1THESALON 1: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
