3 JOHAN 1
1
1Upa nih, Dawtmi Gaias, biatak i ka dawtmi sinah: 2Dawtmi, na nunnâk nih thluachuah a hmuh bantukin, na ngan a dam i a lam kip in thluachuah na hmuh nâkhnga thla ka cam. 3Zeitintiah unau a rami hna nih nangmah i biatak a umnâk kong le na nunpinâk kong an chim tikah ka lawm ngai ngai. 4Ka fale biatak ah an um tiah ka hngalhmi hlei in lawmhnâk dang ka ngei hlei lo. 5Dawtmi, unau hna le khual sin i na tuahmi kipah zumh awktlâk in rak tuah ko; 6cuhna nih dawtnâk i na tuahmi kong kha kawhhran hna hmai ah an chim cang, Cuhna cu khual an tlawn vima nâk dingah Pathian mi le hna tuahawk a sibangin na rak bomh hna a ṭha lai. 7A min ruangah a chuakmi an si, Gentel mi hna sin in zeihmanh bomhnâk an hmu fawn lo. 8Cucaah cubantuk mi hna cu biatak i rian kan ṭuanpi hawi an si khawh nâkhnga kan cohlân awk an si. 9Kawhhran hna sinah ca ka kuatcang, Daiothefes an lak i cungnun a duh ngaimi nih khan a kan cohlâng duh lo. 10Cucaah ka rat ahcun, a dik lomi thil a tuahmi hna kha ka phuan dih lai. Bia ṭha lo lawng tein kan kong a ceih. Cu lawng si loin unau hna a rak cohlang duh lo, cohlan a duhtu hmanh a kham hna i kawhhran in a dawi hna. 11Dawtmi, thil ṭha lo cu i zoh chunh hlah. A ṭhami lawnglawng rak i zoh chunh. Ṭhatnâk tuahtu cu Pathian ta an si i sualnâk a tuahtu nih Pathian a hmu bal lo. 12Demetias nih mi vialte mithmai ṭha a hmuh tawn, biatak i thangṭhat zong a co. Kannih zong nih kan thangṭhat i kan thangṭhatnâk zong a dik tiah na hngalh ko. 13Nan sinah thil tampi ṭial awk ka ngei ko nain catlap le cati in ṭial ka duh hna lo, 14a rauh hlan ah nangmah hmuh kâ ruahchan i hmai tonh tein bia kan i ruah lai. Daihnâk na sinah um ko seh. Kan hawi le nih na kut an tlaih. Kan hawi le kha min chim in an kut ka tlaih piak hna.
Currently Selected:
3 JOHAN 1: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.