2 JOHAN 1
1
1Upa nih, thimmi nu le a fale hna sinah, biatak i ka dawtmi hna, keimah lawng hmanh si loin, biatak a hngaltu vialte hna sin zongah, 2biatak kan sinah a hmunmi le zungzal in kan sinah a um lai caah: 3Pa, Pathian le Bawipa Jesuh Krih, Pa Fapa sinin zângfahnâk le velngeihnâk le daihnâk kha, biatak le dawtnâk in nansin ah um ko seh. 4Pa sin in nawlpêk kan hmuh bang khan na fale lakah cheu khat biatak ah an um ti kha ka hmuh tikah kan i lawm ngai ngai. 5Cun upat tlâk a simi nu, na sinah nawlpêk thar bangin ka ṭial lo, a hramthawk in kan ngeih ciami tu kha ka ṭial, pakhat le pakhat i daw dingin kan nawl. 6Hihi dawtnâk a si, a nawlpêkmi bang i nun hi. Hihi a hramthawk in na rak theih cangmi nawlpêk cu a si, cuka ah rak um. 7Zeitintiah hlengtu tampi, Jesuh Krih cu thisa in a ra tiah a pom lomi hna, vawlei ah hin an chuak cang. Cu hna cu hlengtu le Krih ralchanhtu cu an si. 8Kan ṭuan ciami hna kha kan hloh lo i ṭuanman zong tling tein kan hmuh nâkhnga, rak i ral ring u. 9Mizei pauh Krih cawnpiaknâk ah hmun loin a buartu nih cun Pathian an ngei lo. Krih cawnpiaknâk i a hmunmi lawng nih Pa le Fa an ngei. 10Cubantuk cawnpiaknâk i ken loin nan sinah an rat ahcun, nan innah tlunter hna hlah u, biaṭha zong in rak chawn hna hlah u, 11zeitintiah biaṭha i a chawntu nih cun a sualnâk ah khan â tel ve tinâk a si. 12Nan sinah thil tampi ṭial ding ka ngei, catlap le cahang in ṭial ka duh lo, nan i lawmhnâk a tlin khawh nâkhnga, nan sin i rat i hmaitonh tein i kawmh i chim ka duh deuh. 13Thim a si ve mi, na unau nu fale nih na kut an tlaih. Amen.
Currently Selected:
2 JOHAN 1: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
