2TIMOTE 4
4
1Pathian le Bawipa Jesuh Krih hmaiah a pennâk le mithi le minung hna biaceih awkah a lang laimi hmaiah nawl kan pêk: 2Bia cu chim! Cân â rem ah siseh, â remlo ah siseh timhcia in um ko. Lungsaunâk he cawnpiak hna law an lung pemh i zuamin chimhring hna law tha zong pe hna. 3Zeitintiah cawnpiaknâk dik an ngaih duhlo cân kha a phân lai. An hnâ kha a za i anmah nih ngaih an duhmi cawnpiaktu kha an sawm hna lai, 4biatak in an hnâ an mer lai i ṭawnchawmmi tuanbia lei ah an pial lai. 5Nang tu cu zeithil pauh ah i ral ringin harnâk tuar law, evangelist rian hi ṭuanin na rian hi lîm i zuam. 6Kei tu cu ka chuah cân a nai cang, raithawinâk ti bangin thlet awkah timh cia in ka um lio cân a si. 7Raldohnâk ṭha cu ka tei cang, tlik zuamnâk ah a donghtiang ka tli cang i zumhnâk kha kâ tlaih cang. 8Ahnubik ah dinnâk luchin cu ka caah chiah a si, cucu biaceihtu fel, Bawipa nih cu Ni ah aka pêk lai, kasin lawngah a si lai lo, Â langhnâk â ngaihmi vialte sin zongah a pêk lai. 9Ka sinah ratzau i tim; 10zeitintiah Demas nih atu chan vawlei a dawt caah a ka kaltâk, Thesalon khua ah a kal i Kresen cu Galati ramah a kal i Titas zong Dalmatai ramah a kal. 11Luka lawnglawng nih a ka umpi. Marka kha sawm law ratpi, zeitintiah amah cu hi rianṭuan nâkah ka caah san a tlai ngaingai. 12Cun Ṭaikhikhas cu Efesa ah ka thlah. 13Na rat tikah Troas khua i Karpas sinah ka chiahmi angki-fual le cauk he khan ratpi, a hlei in saphaw cauk kha ratpi te. 14Aleksandria Dar-soser pa nih khan fahnâk tampi a ka pêk. Bawipa nih a tuah ningin teirul cham te ko seh. 15Nang zong khapa ah khan fakpi in i ralring, zeitintiah kan chimmi fak piin a ralchanh. 16Kâ kilvennâk kachim hmasat lio ah dirpitu ahohmanh ka ngei lo, anka hlawt dih. Amawh tu cu phur hrâm hna hlah seh. 17Asinain Bawipa nih a ka dirpi i thazâng a ka pêk, cuticun Gentel mi vialte theih khawh in thawngṭha ka chim khawhnâk cu a si. Cuhlei ah chiandeih kâ chungin khamh ka si. 18Cun Bawipa nih sual rianṭuannâk vialte chungin a kan khamh lai i a vanlei pennâk ah him tein a kan phâkter lai. Amah sinah zungzal in zungzal tiang sunparnâk um ko seh. Amen! 19Priska le Akuila, cun Onesfaras chungkhar kha an kut ka tlaih piak hna. 20Erastas cu Korin khua ah a um i Trofimas tu cu Miletas ah dam loin ka kaltâk. 21Khuasik hlanah rat kha biatak in i tim. Eubalas le Pudens, Linas le Klaudia le unau vialte nih na kuat an in tlaih. 22Bawipa Jesuh Krih na thlarau sinah um ko seh. Zângfahnâk na sinah um ko seh. Amen.
Currently Selected:
2TIMOTE 4: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
