1THESALON 5
5
1Asinain ule nau hna, a ni le a cân kongah, nan sinah ka ṭial theng kha nan herh lo. 2Zeitintiah Bawipa ni cu zanah mifir bangin a rak phân lai tiah nanmah lila nih tling tein nan hngalh ko. 3Zeitintiah, “Daihnâk le himnâk” tiah an chim lio ah, fapawinu nganfah bantukin hmakhat te ah rawhralnâk an cungah a tlung lai. Ahohmanh nih an hrial kho lai lo. 4Asinain ule nau hna, cu ni a rak phâk tikah mifir bangin poh nan si nâkhnga lo nannih cu muihnâk ah a ummi nan si lo. 5Nan dihlak in ceunâk fa le chun fale nan si dih. Zan le khuamui minung kan si lo. 6Cucaah midang bangin i hngilh hlah u sih, fimhring tein i ralring u sih. 7Zeitintiah â hngilhmi hna cu zanah an i hngilh tawn, cun zuri mi hna zong zanah dah kaw an rit tawn. 8Asinain kan nih chun minung hna cu fimhring tein um u sih law, zumhnâk le dinnâk ṭangphaw kha i benh in khamhnâk ruahchannâk cu i chinh u sih. 9Zeitintiah Pathian nih thinhunnâk tuar dingin si loin, kan Bawipa Jesuh Krih thawngin khamhnâk hmu ding tu ah a kan ruahmi kan si, 10kan i hlauh ah siseh, kan i hngilh ah siseh Amah he kan nunṭi khawh nâkhnga kan thih ai in a thi. 11Cucaah nan tuah cuahmah bangin pakhat le pakhat nan hna i ngam terin thazâng i pe u. 12Cun ule nau hna, nan lakah thaba in rian a ṭuntu le Bawipa i nan hotu hna le nun an chimtu hna kha upat dingin kan nawl hna, 13an ṭuanmi rian ruangah dawtnâk he sâng ngai ah chia hna u. Nanmah lakah rualrem tein um kha i zuam u. 14Cubangin ule nau hna ningcang loin khua a sami hna cu chimhring hna u, zakzummi kha an hna ngamter u law, thazâng dermi tungmer hna u, mi vialte lakah lungsau in um zungzal dingin kan forh hna. 15Ahohmanh nih Ṭhatlonâk kha Ṭhatlonâk in lehrul hlah u, nanmah le mi vialte caah ṭhatnâk kha a dawi in dawi u. 16I lawm zungzal u, 17Ngol loin thla cam u. 18Thil vialte ah lawmhnâk bia chim u, zeitintiah hihi Krih Jesuh ah nan ca i Pathian duhmi a si. 19Thlarau kha mihter hlah u. 20Biaphuan zong zawmtaih hlah u. 21Zeizong vialte hniksak u law, a ṭhami kha fek tein tlai u. 22Ṭhatlonâk muisam vialte chungin i thianter u. 23Atu ah daihnâk Pathian nih a dih um nâkin in thianter hna seh, nan thlarau le nan nunnâk le nan pum cu kan Bawipa Jesuh Krih a rat tikah sawiawk um loin himter si ko seh. 24An kotu hna cu zumhtlâk a si, tuah zong a tuah ko lai. 25Ule nau hna, thla kan cam piak u. 26Unau vialte cu a thiangmi hnamh nâkin an kut ka tlaih piak hna u. 27Hi câkuat hi a thiangmi unau vialte sinah rel dingin Bawipa min in ṭuanvo kan pêk hna. 28Kan Bawipa Jesuh Krih zângfahnâk nan sinah um ko seh. Amen.
Currently Selected:
1THESALON 5: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
