2CO 5
5
1Zeitintiah hi lei i kan deu hi rawk hmanhsehlaw, Pathian sinin inn, kut i sak lomi, zungzal inn van i a ummi cu kan ngei ti kha kan hngalh. 2Van i kan umnâk ding i thomhmi si awkah hngahhlang ngai in hi deu chung in kan hrum ai. 3Cubangin thomh in kan um taktak ahcun, taklawng in kan um ti hnga lo. 4Zeitintiah kannih hi deu i a ummi hna hi thilrit phur in kan hrum ai, thomh lo i um kan duh ruangah si loin, hi thi kho mi taksa hi nunnâk nih a dawlh i a thar i thomh kan duh ruangah a si. 5Cubangin cu thil ca i a kan timlamtu cu Pathian a si i a kan ham chungnâk ca i Thlarau a kan petu cu a si. 6Taksa i kan um lio ah hin Bawipa sinah kan um rih lo ti kha hngal in lungdai tein kan um. 7Zeitintiah hmuh khawhmi si loin, zumhnâk in kan kal. 8Taksa in chuah i Bawipa sin i um awkah kan duh hringhran i phânnâk kan ngei hrimhrim lo. 9Cucaah a sinah kan um ah siseh, um lo ah siseh, kan i timh bikmi cu Amah lawmhter kha a si. 10Zeitintiah mikip nih taksa in a chia a ṭha an tuahmi vialte an hmuh ṭhân dih nâkhnga, Krih biaceihnâk ṭhutdanh hmai ah langhter kan si dih lai. 11Cucaah Bawipa ṭih a nunning hngal in, mi kha tei kan timh tawn. Pathian nih fiang tein a kan hngalh i nannih zong nih nan chiaṭha hngalhnâk in fiang tein nankan hngalh ko lai tiah kan zumh. 12Zeitintiah nan sinah kan i thangṭhat ṭhân zong a si lo, lungthin i i biatak ṭung lo in, lenglei lawng i a porhlaw mi hna lakah kanmah thawngin hmaihngalnâk le a lehnâk cânrem serpiak kan duh ruang i ka chimmi a si. 13Zeitintiah kan hruh a si le Pathian ca a si i kan fim a si le nanca ah a si. 14Zeitintiah Krih dawtnâk nih hranhrâm lo in aka fial, hi ti hin kan ruah: Mi vialte aiawh in Mi pakhat a thih ahcun, mi vialte kha an thi. 15cun a nungmi hna cu anmah caah nung ti loin, an aiawh in a thi i a tho ṭhanmi ca i an nun nâkhnga mi vialte aiawh i a thihnâk cu a si. 16Cucaah atu thawk cun ahohmanh hi vawlei phungin kan zoh ti hna lo. Krih zong minung hngalh in rakhngal cang hmanh ning law, atu ah cun cu lam cun ka hngal ti lo. 17Cucaah mizei pauh Krih ah a um ahcun sertharmi a si, thilhlun cu an lo i ngaihmanh u, zeizong vialte a thar cang. 18Cubangin thil vialte hi Pathian sinin a chuakmi an si, anih nih Krih thawngin amah he a kan remter ṭhân i remṭhânnâk rian kha a kan pêk. 19cuticun Pathian nih Krih ah vawlei hi Amah he a remterṭhân i an nawlbuarnâk cu nawlbuarnâk ah ruahpiak lo in, remṭhânnâk bia tu a kan chanh. 20Cubangin Krih aiawh in lamkaltu kan si, Pathian nih kanmah hmangin an nawl hna: Pathian he i remṭhân u tiah Krih aiawh in kan in nawl hna. 21Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.
Currently Selected:
2CO 5: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
