2CO 6
6
1Cuticun Pathian zângfahnâk nan hmuhmi hi santlai lo i nan canter nâkhnga lo Amah ṭuanpitu ah kan sawm hna. 2“Cânsunglawi ah kan ngaih ko i khamhnâk ni ah kan bomh,” tiah a ti. Ngaihmanh u, atu hi cânsunglawi cu a si i ngaihmanh u, atu hi khamhnâk ni cu a si.” 3Kan ṭuanmi rian hi sawi a tonnâk hngalo mi ruahnâk thurter ding thil zeihmanh kan tuah lo. 4Pathian rianṭuantu sinâk he â tlakin zeithil pauh ah mi mit hmai kan zoh tawn. Thinfual te i teminnâk, harnâk, chamhbaunâk, vansannâk ah siseh, 5tuknâk, thongtlaknâk, buaibainâk, zângba i ṭuannâk, mitkuh vuai lonâk, rawlulhnâk, 6thiannâk, hngalhnâk, lungsaunâk, velngeihnâk, Thiang thlarau, dawtnâk taktak, 7biatak bia ah, Pathian ṭhawnnâk, orh lei keh lei i dinnâk ralthuam ah, 8thangṭhatnâk le mualphoternâk, chimchiat le thangṭhatnâk hna ah; hlengtu bantukin, mi dik ngai si ṭung in, 9mi hngalhlo mi bangin, min thangngai ṭungin, thi dengmang in, asinain kannung, chimhhrin tongin, thah ṭung loin, 10ngaihchia bangin, i lawmpeng ṭungin, sifak mi bangin, mitampi rumter ṭungin, zeihmanh ngei lo bangin, zeizong vialte ngei ṭungin kan um tawn. 11Maw, Korin mi hna! Kan lungthin zong chuahdihin nan sinah i ong ngaiin bia kan chim lai. 12Kannih nih kan in kham hna lo, nanmah le nanmah tu nan i kham. 13Cubangin nansin i kan tuah bantukin nannih zong kanmah leiah i ong ve u. (fa le sin i chim bangin ka chim) 14Zumlotu hna he ruang lo ngaiin hngawngkual banhṭi hlah u. Dinnâk le dinlonâk nih zeidah an i hrawm khawh? Asilo ah muinâk le ceunâk nih zeidah pehtlaihnâk an ngeih. 15Krih le khuachia nih zeitindah lungkhahnâk an ngei khawh lai? Asiloah zumtu le zumlo tu nih zeidah an coṭi khawh mi a um? 16Pathian ṭempal le milem nih zeidah remnâk an ngeih? Nannih cu Pathian nung ṭempal nan si. Pathian nih hitihin a chim, “An sinah ka um lai i an lakah khua ka sa lai. An Pathian ka si lai i annih cu kami le an si lai.” 17Cucaah, an sinin rak chuak ulaw, a dang tein um u, tiah Bawipa nih a ti. A thûrmi tawng hlah ulaw kan lawmh hna lai. 18“Nan ca Pa ka si lai i ka caah fanu fapa nan si lai, BAWIPA, Zeizongtuahkho nih a ti.
Currently Selected:
2CO 6: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
