2CO 4
4
1Cucaah zângfahnâk kan hmuhning cio in hi rian hi kan hmuh bangin kan lung a dong bal lo. 2Ningzah awktlak thuhmi thil hna kha kan hlawt hna, zernâk in kan nung lo, asiloah Pathian bia hi zatlâng hlennâk ah kan hmang fawn lo, Pathian hmai ah biatak cu phuangin mikip chiaṭha hngalhnâk le mit hmuh ah zoh a dawh maw ti hi kan conhmi a si. 3Asinain kan thawngṭha hi khuh in a um ahcun, a tlau cuahmah mi caah khuh in a um tawn. 4Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter. 5Zeitintiah kanmah kong kan chim lo, Krih Jesuh Bawi a sinâk le, kannih hi Jesuh ruang i ṭemchihmi nan sal kan sinâk hi kan chim. 6Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter. 7Asinain ṭhawnnâk cungnung cu kanmah in a chuakmi si loin Pathian i a chuakmi a si zia langhter dingin, cu ro cu hi tlak ûm chungah hin kan chiah. 8Kapkip in dihchih kan si nain, kan kuai lo, a ruah awk kan hngal lo nain kan lung a dong lo. 9serhsat kan si nain kaltâk kan si bal lo, tlu lak in tuk kan si nain hrawh kan si bal lo. 10Jesuh nunnâk hi kan taksaah a langh khawh nâkhnga Jesuh thihnâk zong kan taksa ah kan i put. 11Jesuh nunnâk cu kan taksa ah hin a langh khawh nâkhnga, kan nih a nungmi hna hi Jesuh thawngin thi ding i tlaih in kan um tawn. 12Cuticun kanmah ah thihnâk in a ṭuan nain nannih tu ah cun nunnâk in a ṭuan tawn. 13Cun thlarau i zumhnâk pakhat kan ngeih ruangah, kan zumh ning te in kan chim tawn. “Ka zumh caah, bia ka chim,” tiah ṭialmi bang khan. 14Bawipa Jesuh thawhtertu nih kan nih zong Jesuh sinah thawhter kan si ve lai, nanmah he a kan pumh te lai ti kha kan hngalh. 15Zeitintiah thil vialte hi nanmah ṭhatnâk dingah a si, zângfahnâk cu mi tampi sinah a karh chin chin lai i Pathian sunparnâk dingah lawmhnâk biachimnâk zong a tam chinchin ko lai. 16Cucaah kan lung a dong bal lo. Lenglei kan minung sinâk hi lo tlau cuahmah hmanhsehlaw, kan chunglei minung cu ni fatin tharchuah lengmang a si. 17Atu mitṭhep chung i harnâk hmete kan teminmi hi, tahchunh khawh lomi zungzal sunparnâk i a kan luhtertu an si. 18Hmuhkhawhmi thil lawng zoh loin, hmuhkhawh lomi khi kan zohmi cu a si. Zeitintiah hmuhkhawhmi hi cânkhat ca lawng a si i hmuhkhawh lomi cu zungzal ca a si.
Currently Selected:
2CO 4: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
