2CO 13
13
1Tutan hi nan sin ka rat voithumnâk ding a si. “Hngalhpitu pahnih, pathum hna hmurkâ in bia vialte fehter a si lai.” 2Nan sin ka rat voi hnihnâk ah khan kan chimhhrin cang hna kha. Atu nan sin ka um lo lio ah ka ṭial chan cu cuhlan i sualnâk a tuahtu hna le midang zong kha ka rat tikah ka nganhmi an um lai lo. 3Krih nih keimah ah bia a chim taktak maw, tiah hniksaknâk nan kawl, a nih cu nan sinah a derthawm lo, nanmah ah a ṭhawngmi a si. 4Zeitintiah Amah cu derthawmnâk he khenhchih a sinain Pathian ṭhawnnâk in a nung. Zeitintiah kannih zong Amah ah kan derthawm nain nanmah lei i Pathian ṭhawnnâk thawngin a sinah kan nung ve lai. 5Zumhnâk ah nan um maw, nanmah kha fiang tein i chek u. Jesuh Krih cu nanmah i a um kha nan hngal lo maw? Hniksaknâk i nan tlinlo a si fawn ṭung lo ahcun. 6Asinain kannih cu tling loin kan um lo hi nan hngalh lai tiah ka zumh. 7Cubangin sualnâk zeihmanh nan tuah lonâk dingah Pathian sinah thla ka cam tawn, cohlanawktlâk khun i i langhter kan timhruangah a si lo, a tling lomi bangin ka langh hmanh ah, nannih nih cun dawh tein thil nan tuah kha ka duh. 8Zeitintiah biatak ṭanhding dah ti lo cun, biatak ralchanh ding cun zeihmanh kan tuah kho lo. 9Zeitintiah kan derthawm lio zongah nannih nan ṭhawn ahcun kan i lawm tawn. Cun tlamtlinter nan si khawh nâkhnga thla kan cam tawn. 10Cucaah nanmah hrawhnâk dingah si loin nanmah ṭhatnâk dingah, Bawipa nih nawl a kan pêk bantukin nan sin i ka um tikah fak piin kan in chimhhrin hna nâkhnga lo, nan sin ka um lo lio ah hi ca hi ka ṭial. 11A donghnâk ah ule nau hna, dam tein. Tlamtling tein um u. Hnangam tein um u, ruahnâk pakhat ngei ulaw, daihnâk he nung u, cun dawtnâk le daihnâk Pathian nih an umpi hna lai. 12A thiangmi hnamhnâk in nan kut i tlai u. 13Mithiang vialte nih nan kut an in tlaih hna. 14Bawipa Jesuh Krih zângfahnâk le, Pathian dawtnâk le, Thiang Thlarau hawikomhnâk cu nan dihlak cungah um ko seh. Amen.
Currently Selected:
2CO 13: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
