2CO 12
12
1Hmaihngal hi ka caah hlawknâk a um hrimhrim lo. Bawipa sinin langhnâk le phuannâk kong ka chim rih lai. 2Krih ah mi pakhat ka hngalh; kum hlei li a si cang, cupa cu van thumnâk ah khin lâk a si, pumsa in maw a um, pumsa lo in dah a um ka hngal lo. Pathian nih a hngalh. 3Cun ka theih mipa cu pumsa in maw a um pumsa lo in dah ka hngal lo. Pathian nih a hngalh. 4Paradis i lakchoh i a um ning le, bia in chim khawh lomi le minung caah chimthian lo mi hna a hngalh. 5Cubantuk mi cu dah kaw ka hmaihngal pimi cu, asinain ka derthawmnâk dah ti lo cu ka hmai hngalpi lai lo. 6Zeitintiah hmalngal pi hmanh ninglaw mihrut ka si lai lo, zeitintiah biatak lawng ka chim lai. Asinain kâ sûm lai; culoahcun a ka hmutu le, ka chimmi a theitu hna nih sâng tuk ah anka ruah sual lai. 7Cun langhnâk kha a sunlawi tuk caah kâ porhlawt sual nâkhnga lo ka taksa ah hling a ka pêk, Satan lamkaltu hna kutthak nehnâk dingah, culoahcun sangtuk ah kâ ruah sual hnga. 8Hi thil a ka lâkpiak nâkhnga voi thum tiang Bawipa cu ka nawl. 9Anih nih, “Ka zângfahnâk na caah â za ko; Ka ṭhawnnâk hi derthawmnâk ah dah kaw tlinter a si cu,” tiah a ti. Cucaah Krih ṭhawnnâk cu ka cung i a um peng nâkhnga, lunglawm tein ka derthawmnâk hna hi ka hmaihngal pi cang lai. 10Cucaah Krih ruangah derthawmnâk le, thangchiatnâk, chamhbaunâk le, serhsatnâk le, vansannâk hnaah kâ lawm tawn. Zeitintiah ka derthawm tikah ka ṭhawng tawn. 11Hranhrâm lo in nanka nam chih ruangah ka hmai a hngal i mi hrutah kâ cang ne ai. Zeitintiah nanmah hi a ka thangṭhat tu ding cu nan si, zeihmanh lo sihmanhninglaw, kha lamkaltu nganpi pi hna kha zeilei pauh ah ka tluk hna lonâk ding a um lo. 12A ngai ngai ti ah lamkaltu si hmelchunhnâk hna cu, khuaruahhar thil le thiltikhawhnâk a phunphun in thinsaunâk he ka langhter ko hna. 13Zeitintiah kawhhran dang hna nâk in nan niam deuh hlei maw? Thil rit zeihmanh kan serpiak hna lomi kha dah ti lo cu. Hi ka palhnâk ah hin rakka ngai thiam u. 14Atu hi nansin rat awk ah timhcia in ka um a voi thumnâk a si. Cun thilrit kan serpiak hna lai lo, zeitintiah nan thil si loin, nanmah kha kan kawlmi hna cu nan si. Zeitintiah fale nih nu le pa caah an chiah piak ballo i nu le pa tu nih fa le caah an chiahpiak tawn hna. 15Cun kei cu lunglawm in nan thlarau caah kâ hmang dih lai, a dihumnâk in ka hman lai. Kan dawtnâk hna a ngan deuh pauh le nanka dawtnâk a zawr deuh lai maw? 16Cubantuk cu rak si hmanhsehlaw, thilrit kan serpiak hna lo. Asinain, mizer ngai siin, hlenthawinâk in kan tlaih hna maw! 17Nan sin i ka thlahmi hna hmangin ka hlawkpi mi thil zei dah a um? 18Titas cu ka nawl i amah sinah ka unaupa zong ka ratter. Titas nih hlawknâk zeital a dawimi nan lakah a um maw? Thlarau pakhat in kan lengṭi lo maw? Kan zulhmi lam zong â khat lo maw? 19Asiloah nan sinah silhnalhnâk bia chimah nanka ruah maw? Krih ah cun Pathian hmaiah bia kan chim tawn. Asinain dawtmi hna, zeizong vialte kan tuahmi hi nanmah ca i ṭhatnâk ding lawng te an si. 20Zeitintiah ka rat tikah ka duhning in kan hmu hna lai lo i nan duhning in nanka hmu sual lai lo, ti hi ka phâng ngai, culoahcun i sîknâk le, hnahchuahnâk le, thinhunnâk langhternâk, uanthuannâk le, buaibainâk hna a um sual lai, 21culoahcun ka rat tikah, nan mit hmuh ah ka Pathian nih a ka mualphoh lai i sualnâk an tuah cang na in â ngaihchih lomi, thûrhnawmhnâk le, nupa sualnâk le, a hormi hna ruangah ka ṭap sual lai.
Currently Selected:
2CO 12: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
