GALATIH 1
1
1Paul, Lamkaltu (minung hna thlahmi si loin, minung thawng zong si loin, Jesuh Krih le thihnâk in a thawhtertu, Pathian thawngin) le, 2Ka sin i a ummi unau vialte nih, Galatih ram i kawhhran hna sinah: 3Pa Pathian leh kan Bawipa Jesuh Krih sinin zângfahnâk le daihnâk um ko seh, 4Atu chan chan ṭhalo chungin a kan khamh khawh nâkhnga, kan Pathian le kan Pa duh ningin, Amah cu kan sualnak ruangah â pe, 5Amah sinah sunparnâk zungzal in um ko seh. Amen. 6Krih zângfahnâk i an kotu hna kha mer takin, cutluk rang i thawngṭha dang nan zuanmi cu ka khuaruah a har ko. 7Cucu Thawngṭha a si lo; nanmah buai terin Krih Thawngṭha merh a timmi an si. 8Asinain, kanmah siseh, van i vancungmi siseh, kan in chimhmi hna hleiin, thawg`ha dang an chim ahcun chiatserh in um seh. 9Ka chim cang bang khan, ka chim ṭhân rih lai. “Nan cohlan cangmi dah ti lo cu, thawngṭha dang an chim ahcun, chiatserh in um ko seh. 10Minung lêmsoi maw ka timh Pathian dah? Asiloah, minung lawmhter maw ka timh? Minung lawmhtertu ka si ahcun Krih sal ka si lai lo. 11Ule nau hna kan chimhmi hna thawngṭha kha minung bia a si lo tiah kan hngalhter hna. 12Zeitintiah minung sinin ka hmuhmi a si lo i mi nih anka cawnpiakmi zong a si lo. Jesuh Krih â langhnâk in ka hmuhmi a si. 13Zeitintiah Judah biaknâk ah hmasa ka nuncan kha nan hngalh ko. Kha tluk in Pathian kawhhran ka serhsat ning le hrawh kâ zuamning kha. 14Judah biaknâk ah ka ṭhirual le ka phunhawi hna ka chawhkanh hna i pupa hna phung ka ṭanhnâk ah a hleihluat in â zuammi ka si. 15Asinain Pathian duhningin, ka nu paw chungin aka thleidangtu le a zângfah nâkin a ka kotu nih, 16Gentel mi hna sinah a kong ka phuan khawh nâkhnga a Fapa cu ka sinah a langhter lio ah khan titsa le thisen sinah ruahnâk ka hal lo, 17Lamkaltu ka si hlan i lamkaltu a rak simi umnâk Jerusalem zongah kal loin, Arabia ram tu ah ka kal i Damaska ah ka kir ṭhân. 18Kum thum hnuah Peter hmu dingin Jerusalem ah ka kal i a sinah ni hlei nga ka câm. 19Lamkaltu dang cu Bawipa unau Jeim dah tilo ahohmanh ka hmu hna lo. 20(Nan sin i ka ṭialmi hna hi, Pathian hmai zongah ka lih lo) 21Cu hnu ah Siria le Silisia ramah ka kal ṭhân. 22Cun Krih ah a ummi Judia ram kawhhran hna hngalhmi hmanh ka si rih lo. 23An theihmi cu, “Hlan i a kan serhsat i zumhnâk hrawh a tim tupa nih khan zumhnâk kong a chim cang,” ti lawng kha a si. 24Keimah ruangah Pathian kha an thangṭhat.
Currently Selected:
GALATIH 1: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
